ຂປລ
ບໍລິສັດ ການລົດໄຟ ແຫ່ງປະເທດ ຈີນ ຈຳກັດ ລາຍງານວ່າ: ບໍລິການ ລົດໄຟດ່ວນ ຈີນ-ເອີຣົບ ໄດ້ແລ່ນລົດ ລວມມີ 16.145 ຖ້ຽວ ໃນໄລຍະ ເດືອນມັງກອນ-ເດືອນພະຈິກ ຂອງ ປີນີ້.
ຂປລ. ສຳນັກຂ່າວ ຊິນຮວາ ຂອງ ສປຈີນ, ເມື່ອບໍ່ດົນມານີ້, ບໍລິສັດ ການລົດໄຟ ແຫ່ງປະເທດ ຈີນ ຈຳກັດ ລາຍງານວ່າ: ບໍລິການ ລົດໄຟດ່ວນ ຈີນ-ເອີຣົບ ໄດ້ແລ່ນລົດ ລວມມີ 16.145 ຖ້ຽວ ໃນໄລຍະ ເດືອນມັງກອນ-ເດືອນພະຈິກ ຂອງ ປີນີ້. ໂດຍການແລ່ນ ລົດຈຳນວນ ເບື້ອງຕົ້ນ ເພີ່ມຂຶ້ນ 7% ເມື່ອທຽບໃສ່ປີຕໍ່ປີ ແລະ ໄດ້ຂົນສົ່ງ ຕູ້ຄອນເທັນເນີ ສິນຄ້າເກືອບ 1,75 ລ້ານທີອີຢູ (TEU: ໜ່ວຍນັບຕູ້ ຄອນເທັນເນີ ຍາວ 20ຟຸດ) ຊຶ່ງເພີ່ມຂຶ້ນ 19% ເມື່ອທຽບໃສ່ປີຕໍ່ປີ. ເຈົ້າໜ້າທີ່ ບໍລິສັດ ເປີດເຜີຍວ່າ: ປະລິມານ ສິນຄ້າ ທັງໝົດ ທີ່ ຂົນສົ່ງ ໂດຍລົດໄຟສາຍດ່ວນ ຈີນ-ເອີຣົບ ຊຶ່ງ ປັດຈຸບັນ ເຂົ້າເຖິງ 217 ເມືອງ ໃນ 25 ປະເທດ ເອີຣົບ ໃນໄລຍະ 11 ເດືອນທຳອິດ ຂອງ ປີນີ້ ໄດ້ເພີ່ມຂຶ້ນຫລາຍກວ່າ ປະລິມານລວມ ຂອງທັງ ປີ 2022 ຜ່ານມາ./.
KPL
