ຜູ້ປະຈຳການຄະນະເລຂາທິການສູນກາງພັກ ເນັ້ນໃຫ້ແມ່ຍິງ ເອົາໃຈໃສ່ຫລາຍບັນຫາສໍາຄັນ

07/12/2023 15:51
Email Print 539
ຂປລ ຂປລ. ໃນໂອກາດເຂົ້າຮ່ວມ ກອງປະຊຸມຄົບຄະນະບໍລິຫານງານ ສູນກາງສະຫະພັນແມ່ຍິງລາວ (ສສຍລ) ຄັ້ງທີ 3 ສະໄໝທີ VIII ​ໃນ​ວັນ​ທີ 6 ທັນວາ 2023 ນີ້, ທ່ານ ບຸນທອງ ຈິດມະນີ ກຳມະການກົມການເມືອງສູນກາງພັກ, ຜູ້ປະຈໍາການຄະນະເລຂາທິການສູນກາງພັກ, ຮອງປະທານປະເທດ ​ໄດ້​ມີ​ຄຳ​ເຫັນ​ໂອ​ລົມ​ຕໍ່​ກອງ​ປະຊຸມ ​ໂດຍ​ໄດ້ເນັ້ນໃຫ້ສະຫະພັນ​ແມ່ຍິງທຸກຂັ້ນ ເອົາໃຈໃສ່ຫລາຍບັນຫາສໍາຄັນ



ຂປລ. ໃນໂອກາດເຂົ້າຮ່ວມ ກອງປະຊຸມຄົບຄະນະບໍລິຫານງານ ສູນກາງສະຫະພັນແມ່ຍິງລາວ (ສສຍລ) ຄັ້ງທີ
3 ສະໄໝທີ VIII ​ໃນ​ວັນ​ທີ 6 ທັນວາ 2023 ນີ້, ທ່ານ ບຸນທອງ ຈິດມະນີ ກຳມະການກົມການເມືອງສູນກາງພັກ, ຜູ້ປະຈໍາການຄະນະເລຂາທິການສູນກາງພັກ, ຮອງປະທານປະເທດ ​ໄດ້​ມີ​ຄຳ​ເຫັນ​ໂອ​ລົມ​ຕໍ່​ກອງ​ປະຊຸມ ​ໂດຍ​ໄດ້ເນັ້ນໃຫ້ສະຫະພັນ​ແມ່ຍິງທຸກຂັ້ນ ເອົາໃຈໃສ່ຫລາຍບັນຫາສໍາຄັນ ໂດຍສະເພາະ ສືບຕໍ່ເພີ່ມທະວີວຽກງານສຶກສາອົບຮົມການເມືອງ-ແນວຄິດ ຕ້ອງຖືເປັນໜ້າທີ່ສໍາຄັນຕົ້ນຕໍອັນດັບໜຶ່ງ ຖືເປັນວຽກງານຍຸດທະສາດ ທີ່ຕ້ອງເຮັດຢ່າງ ເນື່ອງນິດລຽນຕິດ ແລະ ຍາວນານດ້ວຍຫລາຍວິທີການ ທີ່ແຂງແຮງກວ່າເກົ່າ ແນໃສ່ປຸກລະດົມແນວຄິດແມ່ຍິງ ຢ່າງກວ້າງຂວາງເລິກເຊິ່ງ ໃຫ້ມີຄວາມຕື່ນຕົວປະກອບສ່ວນ ເຂົ້າໃນພາລະກິດປົກປັກຮັກສາ ແລະ ສ້າງສາພັດທະນາປະເທດຊາດ.

ພ້ອມ​ນີ້, ສະມາຊິກແມ່ຍິງລາວທຸກຄົນ ຕ້ອງສູ້ຊົນບຸກບືນຝຶກຝົນ ຫລໍ່ຫລອມຕົນເອງຮອບດ້ານ ເປັນຕົ້ນ ດ້ານຄວາມຮູ້-ຄວາມສາມາດ, ດ້ານວິຊາສະເພາະ, ທິດສະດີການເມືອງ ແລະ ພາສາຕ່າງປະ ເທດ, ມີຄວາມສະດຸ້ງໄວ, ກ້າຄິດ, ກ້າເຮັດ ແລະ ກ້າຮັບຜິດຊອບ; ຕ້ອງຕີຖອຍ-ແກ້ໄຂ ແນວຄິດຄອງເດີມ, ເອື່ອຍອີງ ແລະ ປະລະຄວາມເຊື່ອຖືຮີດຄອງປະເພນີອັນຫລ້າຫລັງງົມງວາຍ ທີ່ເປັນການກົດໜ່ວງ ການພັດທະນາຊີວິດການເປັນຢູ່ ຂອງເອື້ອຍນ້ອງແມ່ຍິງລາວ; ເອົາໃຈໃສ່ປັບປຸງການຈັດຕັ້ງ ຂອງສະຫະພັນແມ່ຍິງແຕ່ສູນກາງ ລົງຮອດຮາກຖານ ໃຫ້ໜັກແໜ້ນເຂັ້ມແຂງ ເປັນຕົ້ນ ວຽກງານປັບປຸງການ ຈັດຕັ້ງໃຫ້ມີຄວາມໜັກແໜ້ນເຂັ້ມແຂງ ແມ່ນຄວາມຮຽກຮ້ອງຕ້ອງການອັນຈໍາເປັນ ເພື່ອຮັບປະກັນໃຫ້ແກ່ ການຈັດຕັ້ງນໍາພາປະຕິບັດໜ້າທີ່ການເມືອງ ໃຫ້ໄດ້ຮັບໝາກຜົນຢ່າງ ເປັນຮູບປະທໍາໃນແຕ່ລະໄລຍະ. ສະນັ້ນ, ຄະນະສະຫະພັນແມ່ຍິງລາວແຕ່ລະຂັ້ນ ຕ້ອງພ້ອມກັນກວດກາຄືນການຈັດຕັ້ງຢູ່ຂັ້ນໃດ, ບ່ອນໃດ, ຂອດໃດທີ່ຍັງອ່ອນ, ຍັງເປັນພຽງຮູບຮ່າງ-ບໍ່ໄປບໍ່ມາ, ບໍ່ຮູ້ເຮັດວຽກ, ຕ້ອງສຸມໃສ່ປັບປຸງແກ້ໄຂໃຫ້ໄດ້ ພ້ອມກັບການປັບປຸງຂອດການຈັດຕັ້ງ ແລະ ພະນັກງານ ຕ້ອງເອົາໃຈໃສ່ ປັບປຸງ-ແນະນໍາແບບແຜນ ການເຄື່ອນໄຫວຂອງອົງການ ຈັດຕັ້ງສະຫະພັນແມ່ຍິງ ຢູ່ແຕ່ລະຂັ້ນ ເປັນຕົ້ນ ຢູ່ຂັ້ນຮາກຖານໃຫ້ຮູ້ປະຕິ ບັດໜ້າທີ່ຕາມພາລະບົດບາດ ແລະ ສິດໜ້າທີ່ຂອງຕົນ. ພ້ອມກັນນັ້ນຕ້ອງປັບປຸງແບບແຜນນໍາພາ ແລະ ວິທີເຮັດວຽກໃຫ້ຖືກຕ້ອງ ແທດຕົວຈິງກັບຮາກຖານ, ການເຮັດວຽກມີແຜນການ, ແຜນງານ, ໂຄງການລະອຽດ, ມີການຊຸກຍູ້, ຕິດຕາມ, ກວດກາ, ປະເມີນຜົນ, ຕີລາຄາສະຫລຸບຖອນຖອນ ບົດຮຽນໃນແຕ່ລະໄລຍະ, ຮູ້ນໍາພາເສີມຂະຫຍາຍດ້ານຕັ້ງໜ້າ, ດັດແປງແກ້ໄຂດ້ານອ່ອນ-ຂໍ້ຄົງຄ້າງຢ່າງທັນການ; ສືບຕໍ່ເອົາ ໃຈໃສ່ປັບປຸງຫັນການເຄື່ອນໄຫວ ຂອງອົງການຈັດຕັ້ງແມ່ຍິງ ຢູ່ຂັ້ນສູນກາງ, ແຂວງ, ເມືອງລົງສູ່ຮາກຖານ ແລະ ອື່ນໆ; ສືບຕໍ່ຍູ້ແຮງການຜັນຂະຫຍາຍ ແນວທາງປ່ຽນແປງໃໝ່ ໃຫ້ເຂົ້າສູ່ລວງເລິກ, ສ້າງການຫັນປ່ຽນທີ່ແຂງແຮງ, ເລິກເຊິ່ງ ແລະ ຮອບດ້ານໃນການນໍາພາ ຂອງຄະນະສະຫະພັນແມ່ຍິງ ແຕ່ລະຂັ້ນຕາມເນື້ອໃຈຈິດໃຈຂອງມະຕິ 05/ຄບສພ; ກ່ອນອື່ນໝົດຕ້ອງ ປ່ຽນແປງ ໃໝ່ຕົນເອງໃນວິທີເຮັດວຽກ, ວິທີປຸກລະດົມຂົນຂວາຍຊວນເຊື່ອແມ່ຍິງບັນດາເຜົ່າ, ປ່ຽນແປງໃໝ່ເນື້ອໃນ ແລະ ແບບແຜນວິທີເຄື່ອນໄຫວ ໃຫ້ແທດເໝາະກັບຕົວຈິງ ຢູ່ແຕ່ລະຮາກຖານຂອງຕົນ; ຄະນະບໍລິຫານງານ ແລະ ຄະນະສະຫະພັນແມ່ຍິງແຕ່ລະຂັ້ນ ຕ້ອງເພີ່ມທະວີ ຍົກສູງຄວາມຮູ້-ຄວາມສາມາດຂອງຕົນ ໃຫ້ທຽບທັນກັບໜ້າທີ່ການເມືອງ ໃນໄລຍະໃໝ່ ກໍຄື ໃນສະພາບການປັດຈຸບັນ.



ໃນສະພາບທີ່ພົບກັບຄວາມຫຍຸ້ງຍາກ ທາງດ້ານເສດຖະກິດຄືແນວນີ້, ຮຽກຮ້ອງເຖິງເອື້ອຍນ້ອງແມ່ຍິງລາວບັນດາເຜົ່າ ຕ້ອງສືບຕໍ່ເອົາໃຈໃສ່ ປະຕິບັດພາລະບົດບາດ ເປັນຕົວແທນແຫ່ງ ການປົກປ້ອງສິດຜົນປະໂຫຍດ ຂອງແມ່ຍິງ ໃນການພັດທະນາ ແລະ ສົ່ງເສີມຄວາມກ້າວໜ້າຂອງແມ່ຍິງ ໂດຍນໍາພາຈັດຕັ້ງຜັນຂະຫຍາຍ ມະຕິກອງປະຊຸມໃຫຍ່ຂັ້ນຂອງຕົນໃນທ້າຍສະໄໝ
, ສຸມໃສ່ຈັດຕັ້ງປະຕິບັດ ແຜນພັດທະນາແມ່ຍິງແຫ່ງຊາດ ຕິດພັນກັບການປະຕິບັດ ສອງວາລະແຫ່ງຊາດ ໂດຍສະເພາະ ການແກ້ໄຂຄວາມຫຍຸ້ງຍາກ ທາງດ້ານເສດຖະກິດ, ປຸກລະດົມແມ່ຍິງເຂົ້າຮ່ວມ ໃນການປະຕິບັດແນວທາງ, ແຜນພັດທະນາເສດຖະກິດ-ສັງຄົມ ເຮັດໃຫ້ການຈັດຕັ້ງປະຕິບັດຄາດໝາຍສູ້ຊົນ ຂອງບັນດາໂຄງການພັດທະນາ ໃຫ້ບັນລຸຜົນສໍາເລັດ; ເລີ່ມແຕ່ປີ 2024 ນີ້ເປັນຕົ້ນໄປ ຕ້ອງພ້ອມກັນຄົ້ນຄວ້າກະກຽມສ້າງເງື່ອນໄຂຕ່າງໆ ໃຫ້ແກ່ການດໍາເນີນກອງປະຊຸມໃຫຍ່ 3 ຂັ້ນຂອງສະຫະພັນແມ່ຍິງ ໃຫ້ໄປຕາມແຜນການທີ່ໄດ້ກໍານົດໄວ້; ປຸກລະດົມສະມາຊິກສະຫະພັນແມ່ຍິງ ແລະ ແມ່ຍິງລາວບັນດາເຜົ່າເອົາໃຈໃສ່ ເປັນເຈົ້າການຕ້ານປະກົດການຫຍໍ້ທໍ້ ໃນສັງຄົມ ກໍຄື ຖັນແຖວແມ່ຍິງ ໃຫ້ຫລຸດລົງເທື່ອລະກ້າວ, ຊຸກຍູ້ສົ່ງເສີມໃຫ້ແມ່ຍິງລາວ ບັນດາເຜົ່າໄດ້ ທໍາມາຫາກິນ ແລະ ດໍາລົງຊີວິດ ຢ່າງເປັນປົກກະຕິໃນເງື່ອນໄຂໃໝ່, ໂຄສະນາປຸກລະດົມຂົນຂວາຍ ຊຸກຍູ້ສົ່ງເສີມໃຫ້ເຂົາ ເຈົ້າໄດ້ເຂົ້າຮ່ວມໃນການສ້າງເສດຖະກິດຄອບຄົວ, ຊອກຫາແຫລ່ງລາຍຮັບ ດ້ວຍການຜະລິດເປັນສິນຄ້າ ແລະ ການບໍລິການ ເພື່ອປະກອບສ່ວນ ພັດທະນາ ເສດຖະກິດ-ສັງຄົມ ໂດຍເລີ່ມຈາກການນໍາໃຊ້ທ່າແຮງບົ່ມຊ້ອນ ທີ່ເປັນສີໄມ້ລາຍມີອັນປານີດ ຂອງແມ່ຍິງລາວບັນດາເຜົ່າ ເປັນຕົ້ນ ຫັດຖະກໍາແຜ່ນ, ຕໍ່າຫູກທໍໄໝ, ຫັດຖະກໍາຜ້າຝ້າຍ ແລະ ອື່ນໆທີ່ເປັນມູນເຊື້ອພ້ອມທັງປະສານສົມທົບກັບ ພາກສ່ວນກ່ຽວຂ້ອງ ໃນການຊຸກຍູ້ວຽກງານ ໂຄສະນາສຸຂະສຶກສາ ແລະ ການຮັກສາສຸຂະພາບຂອງແມ່ ແລະ ເດັກ ໄປຄຽງຄູ່ກັບສ້າງເງື່ອນໄຂໃຫ້ແມ່ຍິງ ໄດ້ເຂົ້າເຖິງການບໍລິການ ດ້ານສາທາລະນະສຸກ, ມີໂພຊະນາການທີ່ດີ ເພື່ອເຮັດໃຫ້ອັດຕາສ່ວນ ການຕາຍຂອງແມ່ ແລະ ເດັກຫລຸດລົງ ຮັບປະກັນໃຫ້ປະຊາຊົນ ກໍຄືແມ່ຍິງບັນດາເຜົ່າ ແລະ ເດັກມີສຸຂະພາບແຂງແຮງ, ສົມບູນມີອາຍຸຍືນ; ສ້າງສະຖາບັນຄອບຄົວໃຫ້ມີຄວາມເຂັ້ມແຂງ, ໜັກແໜ້ນ, ມີຄວາມຜາສຸກ; ຕ້ອງສືບຕໍ່ພົວ ພັນຮ່ວມມືກັບແມ່ຍິງ ປະເທດເພື່ອນມິດຍຸດທະສາດ ແລະ ອົງການຈັດຕັ້ງສາກົນຢ່າງມີການເລືອກເຟັ້ນ. ພ້ອມນັ້ນ, ຈົ່ງສືບຕໍ່ເພີ່ມທະວຽກງານ ຕິດຕາມກວດກາ ຢູ່ພາຍໃນຄະນະບໍລິຫານງານ ສະຫະພັນແມ່ຍິງແຕ່ລະຂັ້ນ ແລະ ທົ່ວສະມາຊິກສະຫະພັນແມ່ຍິງລາວ ໃຫ້ເປັນປົກກະຕິ, ທົ່ວເຖິງເພື່ອເສີມຂະຫຍາຍດ້ານຕ່າງໆ ໃຫ້ດີຂຶ້ນເລື້ອຍໆ.

ຂໍ້​ມູນ-ພາບ: ໜັງສືພິມ ປະຊາຊົນ

KPL

ຂ່າວອື່ນໆ

    • ກອງປະຊຸມວຽກງານການປົກຄອງທ້ອງຖິ່ນ ທົ່ວປະເທດ ຄັ້ງທີ Iການເມືອງ

      ກອງປະຊຸມວຽກງານການປົກຄອງທ້ອງຖິ່ນ ທົ່ວປະເທດ ຄັ້ງທີ I

      7/12/2024 11:00:48 PM

      ຂປລ. ກະຊວງພາຍໃນ ແລະ ຫ້ອງວ່າການສໍານັກງານນາຍົກລັດຖະມົນຕີ ຈັດກອງປະຊຸມວຽກງານ ການປົກຄອງທ້ອງຖິ່ນ ທົ່ວປະເທດ ຄັ້ງທີ I ໄລຍະ ປີ 2021-2023 ແລະ ທິດທາງ, ແຜນວຽກຈຸດສຸມຮອດປີ 2025 ໃນວັນທີ 12 ກໍລະກົດ 2024 ພາຍໃຕ້ການເປັນປະທານຂອງ ທ່ານ ກິແກ້ວ ໄຂຄໍາພິທູນ ຮອງນາຍົກລັດຖະມົນຕີ, ຜູ້ຊີ້ນໍາວຽກງານຂົງເຂດການປົກຄອງ ແລະ ວັດທະນະທໍາ-ສັງຄົມ, ມີບັນດາທ່ານລັດຖະມົນຕີ-ຮອງລັດຖະມົນຕີ, ເລຂາທິການສະພາແຫ່ງຊາດ, ເຈົ້າແຂວງ-ຮອງເຈົ້າແຂວງ, ຮອງເຈົ້າຄອງນະຄອນຫລວງວຽງຈັນ ແລະ ພາກສ່ວນ ກ່ຽວຂ້ອງເຂົ້າຮ່ວມ.

    • ຮອງນາຍົກລັດຖະມົນຕີ ຕ້ອນຮັບການ ເຂົ້າພົບປະຂອງ ປະທານພັກໂຄເມໂຕະ ຂອງ ຍີ່ປຸ່ນການເມືອງ

      ຮອງນາຍົກລັດຖະມົນຕີ ຕ້ອນຮັບການ ເຂົ້າພົບປະຂອງ ປະທານພັກໂຄເມໂຕະ ຂອງ ຍີ່ປຸ່ນ

      7/12/2024 10:53:56 PM

      ຂປລ. ຕອນເຊົ້າວັນທີ 12 ກໍລະກົດ 2024, ທີ່ກະຊວງການຕ່າງປະເທດ, ທ່ານ ສະເຫລີມໄຊ ກົມມະສິດ ຮອງນາຍົກລັດະມົນຕີ, ລັດຖະມົນຕີກະຊວງການຕ່າງປະເທດ ແຫ່ງ ສປປ ລາວ ໄດ້ຕ້ອນຮັບການເຂົ້າພົບປະຂອງ ທ່ານ ຢາມະກຸຈິ ນັດສຶໂອະ (Mr. YAMAGUCHI Natsuo), ປະທານພັກໂຄເມໂຕະ (Chief Representative of KOMEITO) ໃນໂອກາດທີ່ເດີນທາງມາຢ້ຽມຢາມເຮັດວຽກ ຢູ່ ສປປ ລາວ.

    • ຄະນະຜູ້ແທນຂັ້ນສູງພັກ ໂຄເມໂຕະ ຢ້ຽມຢາມ ແລະ ເຮັດວຽກຢູ່ ສປປ ລາວການເມືອງ

      ຄະນະຜູ້ແທນຂັ້ນສູງພັກ ໂຄເມໂຕະ ຢ້ຽມຢາມ ແລະ ເຮັດວຽກຢູ່ ສປປ ລາວ

      7/12/2024 10:35:10 PM

      ຂປລ. ໃນວັນທີ 12 ກໍລະກົດ 2024 ທີ່ ສໍານັກງານຫ້ອງວ່າການສູນກາງພັກ, ທ່ານ ທອງລຸນ ສີສຸລິດ ເລຂາທິ ການໃຫຍ່ ຄະນະບໍລິຫານງານສູນກາງພັກ ປປ ລາວ, ປະທານປະເທດ ແຫ່ງ ສປປ ລາວ ໄດ້ຕ້ອນຮັບການເຂົ້າ ຢ້ຽມຂ່ຳນັບຂອງ ທ່ານ ນັດສຶໂອະ ຢາມາກູຈິ ປະທານພັກໂຄເມໂຕະ, ສະມາຊິກສະພາສູງຍີ່ປຸ່ນ ພ້ອມຄະນະ ໃນໂອກາດເດີນທາງມາຢ້ຽມຢາມ ແລະ ເຮັດວຽກຢູ່ ສປປ ລາວ ໃນລະຫວ່າງວັນທີ 11-13 ກໍລະກົດ 2024.

    • ສຳເລັດ ກອງປະຊຸມສະໄໝສາມັນເທື່ອທີ 7 ຂອງສະພາປະຊາຊົນນະຄອນຫລວງວຽງຈັນ ຊຸດທີ IIການເມືອງ

      ສຳເລັດ ກອງປະຊຸມສະໄໝສາມັນເທື່ອທີ 7 ຂອງສະພາປະຊາຊົນນະຄອນຫລວງວຽງຈັນ ຊຸດທີ II

      7/12/2024 10:27:05 PM

      ຂປລ. ກອງປະຊຸມສະໄໝສາມັນ ເທື່ອທີ 7 ຂອງສະພາປະຊາຊົນ ນະຄອນຫລວງວຽງຈັນ (ສປນວ) ຊຸດທີ II ໄດ້ປິດລົງດ້ວຍຜົນສຳເລັດອັນຈົບງາມ ພາຍຫລັງດຳເນີນມາແຕ່ວັນທີ 8-12 ກໍລະກົດ 2024 ໃຫ້ກຽດເຂົ້າຮ່ວມມີ ທ່ານ ໄຊສົມພອນ ພົມວິຫານ ປະທານສະພາແຫ່ງຊາດ, ມີເຈົ້າຄອງ, ຮອງເຈົ້າ ນະຄອນຫລວງວຽງຈັນ (ນວ), ພ້ອມດ້ວຍ ບັນດາສະມາຊິກສະພາແຫ່ງຊາດ ປະຈໍາເຂດເລືອກຕັ້ງທີ 1 ນະຄອນຫລວງວຽງຈັນ, ສະມາຊິກສະພາປະຊາຊົນ ນະຄອນຫລວງວຽງຈັນ, ການນໍາພັກ-ລັດ ຂັ້ນນະຄອນຫລວງ ແລະ ແຂກຖືກເຊີນ ເຂົ້າຮ່ວມ.

    • ສປນວ ຮັບຮອງເອົາບົດລາຍງານການ ຈັດຕັ້ງປະຕິບັດວຽກງານ ຂົງເຂດຕຸລາການການເມືອງ

      ສປນວ ຮັບຮອງເອົາບົດລາຍງານການ ຈັດຕັ້ງປະຕິບັດວຽກງານ ຂົງເຂດຕຸລາການ

      7/12/2024 10:21:08 PM

      ຂປລ. ກອງປະຊຸມສະໄໝສາມັນເທື່ອທີ 7 ຂອງສະພາປະຊາຊົນ ນະຄອນຫລວງວຽງຈັນ (ສປນວ) ຊຸດທີ II ໃນວັນທີ 12 ກໍລະກົດ 2024 ພາຍໃຕ້ການເປັນປະທານຂອງ ທ່ານ ອານຸພາບ ຕຸນາລົມ ປະທານສະພາປະຊາຊົນ ນະຄອນຫລວງວຽງຈັນ, ບັນດາສະມາຊິກສະພາປະຊາຊົນ ນະຄອນຫລວງວຽງຈັນ (ສສນວ), ສະມາຊິກສະພາແຫ່ງຊາດ (ສສຊ) ປະຈຳເຂດເລືອກຕັ້ງທີ 1 ນະຄອນຫລວງວຽງຈັນ

ads
ads

Top