ຂປລ
ສະໜາມຫລວງ ງິງຟອງ ຕັ້ງຢູ່ ແຄມທະເລ ນະຄອນ ຕຸຍຮວ່າ, ແຂວງ ຝູອຽນ ຂອງ ສສ ຫວຽດນາມ ໄດ້ຮັບລາງ ວັນ ທັດສະນີ ຍະພາບ ຕົວເມືອງ ອາຊີ ປີ 2023 ຈັດຂຶ້ນ ເມື່ອບໍ່ດົນມານີ້ ຢູ່ປູຊານ (Busan) ຂອງ ສ.ເກົາຫລີ.
ຂປລ.ຕາມຂ່າວຈາກ ວິທະຍຸ ສາກົນ ຫວຽດນາມ, ສະໜາມຫລວງ ງິງຟອງ ຕັ້ງຢູ່ ແຄມທະເລ ນະຄອນ ຕຸຍຮວ່າ, ແຂວງ ຝູອຽນ ຂອງ ສສ ຫວຽດນາມ ໄດ້ຮັບລາງ ວັນ ທັດສະນີ ຍະພາບ ຕົວເມືອງ ອາຊີ ປີ 2023 ຈັດຂຶ້ນ ເມື່ອບໍ່ດົນມານີ້ ຢູ່ປູຊານ (Busan) ຂອງ ສ.ເກົາຫລີ. ກິດຈະກຳ ດັ່ງກ່າວ ແມ່ນກິດຈະກຳ ໜຶ່ງດຽວ ຂອງພາກພື້ນ ອາຊີ ຕາເວັນອອກ ສ່ຽງໃຕ້ ທີ່ໄດ້ຮັບ ການເຊີດຊູ ໃນປີນີ້. ສະໜາມຫລວງ ງິງຟອງ ໄດ້ຮັບ ການຕີລາຄາສູງ ຈາກຄະນະ ກຳມະການ ຍ້ອນວ່າ ແມ່ນສະຖານທີ່ ໄດ້ຊ່ວຍສ້າງ ສາຍສຳພັນ ລະຫວ່າງ ປະຊາຊົນ ນຳກັນ ແລະ ມີແນວຄິດ ການກໍ່ສ້າງ ທີ່ສົມບູນແບບ, ຮັບມືກັບ ເງື່ອນໄຂ ດິນຟ້າອາກາດ ທີ່ຮ້າຍແຮງ ຢູ່ທະເລ ໄດ້ເປັນຢ່າງດີ. ກິດຈະກຳ ດັ່ງກ່າວ ໄດ້ຮັບການກໍ່ສ້າງ ຈາກແນວຄວາມຄິດຂອງ ບໍລິສັດ Huni Architectes (ຝຣັ່ງ). ຍ້ອນພາສາ ສະຖາປັດຕະຍາກຳ ທີ່ເຕັມໄປດ້ວຍ ຄວາມໝາຍ ພ້ອມກັບ ຮູບຊົງ ທີ່ມີຄວາມ ເປັນເອກະລັກ ສະເພາະ ຂອງທ້ອງຖິ່ນ, ກິດຈະກຳນີ້ ທັງມີຄວາມໃກ້ຊິດ ສະໜິດ ສະໜົມ ທັງມີຄຸນຄ່າ ວັດທະນະທຳ ສິລະປະສູງ./.
(ບັນນາທິການຂ່າວ: ຕ່າງປະເທດ), ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
