ຂປລ
ທ່ານ ເມົາ ຮາວານນໍລ (Mau Havannal), ລັດຖະມົນຕີ ປະຈຳ ສຳນັກ ເລຂາ ທິການ ການບິນ ພົນລະເຮືອນ ກຳປູເຈຍ ລາຍງານວ່າ: ປະລິມານ ນັກເດີນທາງ ທາງອາກາດ ປະມານ 4,11 ລ້ານເທື່ອຄົນ ໃນໄລຍະ 10ເດືອນ ຜ່ານມາ
ຂປລ.ສຳນັກຂ່າວ ຊິນຮວາ ຂອງ ສປ ຈີນ,ວັນທີ16 ພະຈິກນີ້, ທ່ານ ເມົາ ຮາວານນໍລ (Mau Havannal), ລັດຖະມົນຕີ ປະຈຳ ສຳນັກ ເລຂາ ທິການ ການບິນ ພົນລະເຮືອນ ກຳປູເຈຍ ລາຍງານວ່າ: ປະລິມານ ນັກເດີນທາງ ທາງອາກາດ ປະມານ 4,11 ລ້ານເທື່ອຄົນ ໃນໄລຍະ 10ເດືອນ ຜ່ານມາ ເພີ່ມຂຶ້ນ 144% ເມື່ອທຽບໃສ່ ປີຕໍ່ປີ. ຂະນະທີ່ ສາຍການບິນ ທັງພາຍໃນ ແລະ ຕ່າງປະເທດ ປະມານ 32 ແຫ່ງ ໃຫ້ບໍລິການ ລວມທັງໝົດ 41.596 ຖ້ຽວບິນ ສູ່ສະໜາມບິນ ສາກົນ 3 ແຫ່ງ ຂອງ ກຳປູເຈຍ ເພີ່ມຂຶ້ນ 93% ເມື່ອທຽບໃສ່ ປີຕໍ່ປີ./.
(ບັນນາທິການຂ່າວ: ຕ່າງປະເທດ), ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
