ຂປລ
ງານວາງ ສະແດງ ສິນຄ້າ ຈີນ-ອາຊຽນ ຄັ້ງທີ 20 ຈັດຂຶ້ນ ຢູ່ໃນ ນະຄອນ ຫນານຫນິງ ເປັນເມືອງເອກ ຂອງ ເຂດປົກຄອງ ຕົນເອງ ກວາງຊີຈວງ ທາງພາກໃຕ້ ຂອງ ຈີນ ເມື່ອວັນທີ 16 ກັນຍາ ຜ່ານມາ
ຂປລ. ສຳນັກຂ່າວ ຊິນຮວາ ຂອງ ສປຈີນ, ງານວາງ ສະແດງ ສິນຄ້າ ຈີນ-ອາຊຽນ ຄັ້ງທີ 20 ຈັດຂຶ້ນ ຢູ່ໃນ ນະຄອນ ຫນານຫນິງ ເປັນເມືອງເອກ ຂອງ ເຂດປົກຄອງ ຕົນເອງ ກວາງຊີຈວງ ທາງພາກໃຕ້ ຂອງ ຈີນ ເມື່ອວັນທີ 16 ກັນຍາ ຜ່ານມາ ໂດຍມີ ຜູ້ ປະກອບການ ທຸລະກິດ ເຂົ້າຮ່ວມເກືອບ 2.000 ແຫ່ງ, ເພີ່ມຂຶ້ນ 18,2% ເມື່ອທຽບໃສ່ ປີກາຍນີ້.
ທ່ານ ຊູ່ຈຽວຖິງ ໂຄສົກ ກະຊວງ ການຄ້າ ຂອງ ຈີນ ເປີດເຜີຍວ່າ: ປີນີ້ ມີສິນຄ້າ ແບຣນ ຂອງ 10 ປະເທດ ສະມາຊີກ ອາຊຽນ ລວມເຖິງ ບໍລິສັດ ຈີນ ຫລາຍແຫ່ງ ທີ່ ຊ່ຽວຊານ ດ້ານເຕັກໂນໂລຊີ ດີຈິຕອນ, ອັດສະລິຍະ ແລະ ກາກບອນຕໍ່າ ລວມເຖິງ ໂດຣນ ແລະ ອຸປະກອນ ຄຸ້ມຄອງ ສິ່ງແວດລ້ອມ ເຂົ້າຮ່ວມ.
ງານວາງສະແດງ ສິນຄ້າ ຈີນ-ອາຊຽນ ໃນຄັ້ງທີ 20 ເປັນເວລາ 4 ວັນ. ໃນໄລຍະນັ້ນ ຈະມີການ ຈັດກອງປະຊຸມ 19 ລາຍການ ເພື່ອປຶກສາຫາລື ກ່ຽວ ກັບ ການຮ່ວມມື ຈີນ-ອາຊຽນ ດ້ານອີຄອມເມີຣ, ການຄຸ້ມຄອງ ສິ່ງແວດລ້ອມ, ເສດຖະກິດ ສີນໍ້າເງິນ (Blue Economy) ແລະ ອື່ນໆ. ປີ 2023 ກົງກັບວາ ລະ ຄົບຮອບ 10 ປີ ກ່ຽວກັບ ແຜນການລິເລີ່ມ ໜຶ່ງແລວ ໜຶ່ງເສັ້ນທາງ (BRI) ແລະ ຄົບຮອບ 20 ປີ ໃນງານ ວາງສະແດງສິນຄ້າ ຈີນ-ອາຊຽນ ໂດຍຈັດຂຶ້ນ ໃນຄັ້ງທຳອິດ ເມື່ອປີ 2004 ເພື່ອເປັນ ພື້ນຖານ ສຳລັບ ຜູ້ປະກອບການ ອາຊຽນ ໃນການ ຊອກຫາ ຊ່ອງທາງ ເພື່ອເຂົ້າສູ່ ຕະຫລາດ ຈີນ. /.
KPL
