ນັກສຶກສາລາວ ໄດ້ຮັບທຶນການສຶກສາ ຢູ່ ສປ ຈີນ 350 ທຶນ

25/08/2023 12:50
Email Print 2637
ຂປລ ຂປລ. ສະຖານເອກອັກຄະລັດຖະທູດ ສປ ຈີນ ປະຈຳ ສປປ ລາວ ຕາງໜ້າມອບທຶນການສຶກສາ ຂອງລັດຖະບານ ສປ ຈີນ ຈຳນວນ 350 ທຶນ ໃຫ້ນັກສຶກສາ ແລະ ພະນັກງານ-ລັດ ຖະກອນຂອງ ສປປ ລາວ ໄປສຶກສາຕໍ່ທີ່ ສປ ຈີນ ໃນລະດັບປະລິນຍາຕີ, ປະລິນຍາໂທ ແລະ ປະລິນຍາເອກ ສົກຮຽນປີ 2023-2025

ຂປລ. ສະຖານເອກອັກຄະລັດຖະທູດ ສປ ຈີນ ປະຈຳ ສປປ ລາວ ຕາງໜ້າມອບທຶນການສຶກສາ ຂອງລັດຖະບານ ສປ ຈີນ ຈຳນວນ 350 ທຶນ ໃຫ້ນັກສຶກສາ ແລະ ພະນັກງານ-ລັດ ຖະກອນຂອງ ສປປ ລາວ ໄປສຶກສາຕໍ່ທີ່ ສປ ຈີນ ໃນລະດັບປະລິນຍາຕີ, ປະລິນຍາໂທ ແລະ ປະລິນຍາເອກ ສົກຮຽນປີ 2023-2025 ​ໂດຍ​ໄດ້​ມີງານລ້ຽງສົ່ງ ນັກສຶກສາດັ່ງກ່າວ ໃນວັນທີ 24 ສິງຫາ 2023 ໂດຍ ມີທ່ານ ພຸດ ສິມມາລາວົງ ລັດຖະມົນຕີ ກະຊວງສຶກສາທິການ ແລະ ກິລາ, ທ່ານ Want Chang ອຸປະທູດ ສະຖານເອກອັກຄະລັດຖະທູດ ສປ ຈີນ ປະຈໍາ ສປປ ລາວ ພ້ອມດ້ວຍນັກສຶກສາ ເຂົ້າຮ່ວມ.

 

ທ່ານ Want Chang ໄດ້ສະແດງຄວາມຍິນດີ ຕໍ່ບັນດານັກສຶກສາລາວ ທີ່ໄດ້ຮັບທຶນການສຶກສາໃນຄັ້ງນີ້, ພ້ອມທັງ ເຊື່ອໝັ້ນວ່າ: ນັກສຶກສາດັ່ງກ່າວ ຈະກາຍເປັນຂົວຕໍ່ ໃນການຮັດແໜ້ນ ສາຍພົວພັນລະຫວ່າງ ສອງພັກສອງລັດ, ປະຊາຊົນສອງຊາດລາວ-ຈີນ ຊຶ່ງປັດຈຸບັນມີນັກສຶກສາລາວ ໄດ້ຮັບທຶນຈາກລັດຖະບານຈີນ ເຂົ້າຮຽນຢູ່ມະຫາວິທະຍາໄລ ສະຖາບັນຕ່າງໆ ຂອງປະເທດຈີນ ແລະ ລັດຖະບານ ສປ ຈີນ ຢຶນຍັນວ່າ ຈະໃຫ້ທຶນການສຶກສາແກ່ ສປປ ລາວ 350 ທຶນຕໍ່ປີ ໃນລະດັນທຶນຊັ້ນສູງ, ປະລິນຍາຕີ, ປະລິນຍາໂທ, ປະລິນຍາເອກ ແລະ ການຝຶກອົບຮົມ ວິຊີບໄລຍະສັ້ນ-ຍາວ ອີກດ້ວຍ.

ໂອກາດນີ້, ທ່ານ ພຸດ ສິມມາລາວົງ ໄດ້ສະແດງຄວາມຂອບໃຈມາ​ຍັງ ສະຖານທູດຈີນ ປະຈຳ ສປປ ລາວ ກໍຄື ລັດຖະບານ ສປ ຈີນ ທີ່ໃຫ້ທຶນການສຶກສາ ແກ່ນັກສຶກສາ ແລະ ພະນັກງານ-ລັດຖະ ກອນໃນຄັ້ງນີ້. ພ້ອມ​ນີ້, ທ່ານ​ຍັງ​ໄດ້ເນັ້ນໃຫ້ບັນດານັກສຶກສາ ເອົາໃຈໃສ່ປະຕິບັດຕາມກົດລະບຽບ ຂອງບັນດາມະຫາວິທະຍາໄລ ກໍຄື ກົດໝາຍຂອງປະເທດຈີນ ຢ່າງເຄັ່ງຄັດ ແລະ ໃຫ້ເອົາໃຈໃສ່ສຶກສາ, ຄົ້ນ ຄວ້າ, ຮໍ່າຮຽນໃຫ້ປະສົບຜົນສຳເລັດ ຕາມລະດັບຄາດໝາຍ ແລະ ນຳເອົາວັດທະນະທຳ, ຮີດຄອງປະ ເພນີອັນດີງາມຂອງລາວ ໄປເຜີຍແຜ່ໃຫ້ກັບ ບັນດານັກຮຽນ, ນັກສຶກສາຂອງ ສປ ຈີນ ໄດ້ຮັບຮູ້ຢ່າງກວ້າງຂວາງ, ພ້ອມທັງນຳເອົາຄວາມ ຮູ້ຄວາມສາມາດ ແລະ ບົດຮຽນ ທີ່​ໄດ້​ຮັບ ມາພັດທະນາຕົນ​ເອງ, ພັດທະນາປະເທດຊາດ ໃຫ້ມີ​ຄວາມຈະເລີນ ສີວິ​ໄລ ຍິ່ງໆ​ຂຶ້ນ.

ຂ່າວ-ພາບ: ວຽງສະຫວັນ

KPL

ຂ່າວອື່ນໆ

    • ບໍລິສັດທາງລົດໄຟ ລາວ-ຈີນ ມອບເດີ່ນບານບ້ວງ ແລະ ອຸປະກອນ-ເຄື່ອງໃຊ້ ໃຫ້ໂຮງຮຽນປະຖົມ ລາວ-ຈີນສຶກສາ-ກິລາ

      ບໍລິສັດທາງລົດໄຟ ລາວ-ຈີນ ມອບເດີ່ນບານບ້ວງ ແລະ ອຸປະກອນ-ເຄື່ອງໃຊ້ ໃຫ້ໂຮງຮຽນປະຖົມ ລາວ-ຈີນ

      6/6/2024 7:37:50 PM

      ຂປລ. ບໍລິສັດທາງລົດໄຟ ລາວ-ຈີນ ຈຳກັດ ຈັດພິທີມອບ-ຮັບ ເດີ່ນກິລາບານບ້ວງ ພ້ອມດ້ວຍອຸປະກອນການຮຽນ-ການສອນ ແລະ ເຄື່ອງໃຊ້ຈຳນວນໜຶ່ງ ເຊິ່ງປະກອບມີ: ກະເປົາເປ້ 300 ໜ່ວຍ, ປຶ້ມຂຽນ 300 ຫົວ ໃຫ້ນ້ອງນັກຮຽນ, ມອບເຄື່ອງຕອງນ້ຳ, ໜ່ວຍບານບ້ວງ, ເຄື່ອງໃສ່ຂີ້ເຫຍື້ອສະແຕນເລດ, ເບ້ຍໄມ້ ແລະ ອື່ນໆ ໃຫ້ໂຮງຮຽນປະຖົມສົມບູນ ລາວ-ຈີນ ບ້ານໜອງປີງ ເມືອງຈັນທະບູລີ ນະຄອນຫລວງວຽງຈັນ ໃນວັນທີ 5 ມິຖຸນາ 2024 ເນື່ອງໃນໂອກາດວັນເດັກນ້ອຍສາກົນ ແລະ ວັນປູກຕົ້ນໄມ້ແຫ່ງຊາດ ຄົບຮອບ 44 ປີ

    • ໂຮງຮຽນວັດທະນະທຳຊົນເຜົ່າກອງທັບ ປິດສົກຮຽນ 2023-2024ສຶກສາ-ກິລາ

      ໂຮງຮຽນວັດທະນະທຳຊົນເຜົ່າກອງທັບ ປິດສົກຮຽນ 2023-2024

      6/5/2024 8:23:45 PM

      ຂປລ. ໂຮງຮຽນວັດທະນະທຳຊົນເຜົ່າກອງທັບ ໄດ້ຈັດພິທີປິດສົກຮຽນ 2023-2024 ໃນວັນທີ 5 ມິຖຸນາ 2024 ໂດຍການເຂົ້າຮ່ວມເປັນປະທານຂອງ ສະຫາຍ ພົນຕີ ສອນທອງ ພົມລາວົງ ກຳມະການຄະນະປະຈຳພັກກະຊວງ ຮອງຫົວໜ້າກົມໃຫຍ່ ການເມືອງກອງທັບ, ມີຄະນະພັກ-ຄະນະອຳນວຍການໂຮງຮຽນ, ພະນັກງານ, ຄູອາຈານແລະ ນ້ອງນັກຮຽນເຂົ້າຮ່ວມ.

    • ສປປ ລາວ ໄດ້ຮັບກຽດເປັນປະທານ ສະພາກິລານັກຮຽນອາຊຽນ ສຶກສາ-ກິລາ

      ສປປ ລາວ ໄດ້ຮັບກຽດເປັນປະທານ ສະພາກິລານັກຮຽນອາຊຽນ

      6/4/2024 1:19:36 PM

      ຂປລ. ໃນກອງປະຊຸມ ສະພາ ບໍລິຫານງານກິລານັກຮຽນ ອາຊຽນ (ASSC) ຈັດຂຶ້ນໃນວັນທີ 2 ມິຖຸນາ 2024 ທີ່ ສສ ຫວຽດນາມ, ເຊິ່ງໄດ້ເປັນເອກະສັນກັນມອບໝາຍໃຫ້ ສປປ ລາວ ເປັນປະທານ ສະພາກິລານັກຮຽນ ອາຊຽນ ຄົນໃໝ່ ໃນປີ 2025. ໃນຂະນະດຽວກັນ ສປປ ລາວ ກໍສະເໜີເປັນເຈົ້າພາບ ຈັດມະຫາກຳກິລານັກຮຽນ ອາຊຽນ ຄັ້ງທີ 18 ໃນປີ 2029.

    • ຊັ້ນມັດທະຍົມສຶກສາ ທົ່ວປະເທດ ກຽມເສັງຈົບຊັ້ນ ກາງເດືອນມິຖຸນານີ້ສຶກສາ-ກິລາ

      ຊັ້ນມັດທະຍົມສຶກສາ ທົ່ວປະເທດ ກຽມເສັງຈົບຊັ້ນ ກາງເດືອນມິຖຸນານີ້

      6/4/2024 11:18:16 AM

      ຂປລ. ໃນສົກຮຽນ 2023-2024 ທົ່ວປະເທດ ມີນັກຮຽນຜູ້ມີສິດສອບເສັງ ຈົບຊັ້ນມັດທະຍົມຕອນຕົ້ນ (ມ4) ແລະ ຊັ້ນມັດທະຍົມຕອນປາຍ (ມ7) ທັງໝົດ 115.594 ຄົນ, ເຊິ່ງຈະສອບເສັງ ໃນກາງເດືອນມິຖຸນາ 2024 ນີ້ ໂດຍມີ 8 ແຂວງຈະນໍາໃຊ້ເຄື່ອງຈັກກວດບົດສອບເສັງຈົບ ໃນຂັ້ນ ມ7 ເປັນຄັ້ງທຳອິດ.

    • ທົ່ວ ນວ ມີນັກສອບເສັງຈົບຊັ້ນ ປ5 ຈໍນວນ 15.869 ຄົນສຶກສາ-ກິລາ

      ທົ່ວ ນວ ມີນັກສອບເສັງຈົບຊັ້ນ ປ5 ຈໍນວນ 15.869 ຄົນ

      5/28/2024 2:55:15 PM

      ຂປລ. ພິທີສອບເສັງຈົບຊັ້ນປະຖົມປີ​ທີ 5 (ປ5) ສົກຮຽນ 2023-2024 ຢູ່ບັນດາໂຮງຮຽນໃນ ນະຄອນຫລວງວຽງຈັນ (ນວ) 9 ຕົວເມືອງ ໄດ້ຈັດຂຶ້ນຢ່າງເປັນທາງການ ໃນລະຫວ່າງວັນທີ 28-29 ພຶດສະພາ 2024 ​ໂດຍມີນັກສອບເສັງທັງໝົດ 15.869 ຄົນ, ຍິງ 7.807 ຄົນ. ໃນຂະນະທີ່ການສອບເສັງເລື່ອນຊັ້ນ ປ.1-ປ4 ແລະ ມ1, ມ2, ມ3, ມ5, ມ6 ໄດ້ສຳເລັດການສອບເສັງແລ້ວ ໃນລະຫວ່າງວັນທີ 13-24 ພຶດສະພາ 2024.

ads
ads

Top