ຂປລ
ໂອເພນ-ເອັນອີເອັມ ຊຶ່ງເປັນ ອົງການ ກວດກາ ຕະຫລາດ ຖ່ານຫີນ ໃຫ້ຮູ້ວ່າ ອັດຕາສ່ວນ ການຜະລິດ ພະລັງງານ ຖ່ານຫີນ ຂອງ ອົດສະຕຣາລີ ຫລຸດລົງ ເຫລືອພຽງ 49,1% ເມື່ອທ້າຍເດືອນສິງຫາ ທີ່ຜ່ານມາ, ເປັນຕົວເລກ ຕໍ່າສຸດ ເປັນປະຫວັດສາດ ສ່ວນ ອັດຕາສ່ວນ ພະລັງງານ ໝູນວຽນ ກວມເອົາ 48,7%
ຂປລ. ສຳນັກຂ່າວ ເອເອຟພີ ລາຍງານ ຈາກນະຄອນ ຊິດນີ ປະເທດ ອົດສະຕຣາລີ ເມື່ອວັນທີ 5 ກັນຍາວ່າ: ໂອເພນ-ເອັນອີເອັມ ຊຶ່ງເປັນ ອົງການ ກວດກາ ຕະຫລາດ ຖ່ານຫີນ ໃຫ້ຮູ້ວ່າ ອັດຕາສ່ວນ ການຜະລິດ ພະລັງງານ ຖ່ານຫີນ ຂອງ ອົດສະຕຣາລີ ຫລຸດລົງ ເຫລືອພຽງ 49,1% ເມື່ອທ້າຍເດືອນສິງຫາ ທີ່ຜ່ານມາ, ເປັນຕົວເລກ ຕໍ່າສຸດ ເປັນປະຫວັດສາດ ສ່ວນ ອັດຕາສ່ວນ ພະລັງງານ ໝູນວຽນ ກວມເອົາ 48,7% ເນື່ອງຈາກພາຍຸ ໄດ້ຊ່ວຍໃຫ້ກຳລັງການຜະລິດພະລັງງານລົມ ເພີ່ມຂຶ້ນ. ຕາມການລາຍງານຂອງ ໂອເພນ-ເອັນອີເອັມ ຊຶ່ງເປັນອົງການກວດກາ ຕະຫລາດຖ່ານຫີນ ຜະລິດໄຟຟ້າ ກວມເອົສາອັດຕາສ່ວນ 49,1% ຂອງພະລັງງານທົ່ວປະເທດ ອົດສະຕຣາລີ , ດ້ານພະລັງງານ ໝູນວຽນກວມເອົາ 48,7% ເນື່ອງຈາກພາຍຸ ຊ່ວຍເຮັດໃຫ້ ເລັ່ງການຜະລິດ ພະລັງງານລົມ ເພີ່ມຂຶ້ນ.
ປັດຈຸບັນ ອົດສະຕຣາລີ ເປັນໜຶ່ງ ໃນຜູ້ສົ່ງອອກ ຖ່ານຫິນ ແລະ ແກັສລາຍໃຫຍ່ ທີ່ສຸດ ຂອງ ໂລກ ແລະ ເພິ່ງພາ ພະລັງງານ ຈາກ ເຊື້ອໄຟ ຟອດຊີລ ຢ່າງຫລວງຫລາຍ. ໃນຂະນະທີ່ ການເພີ່ມຂຶ້ນ ຂອງ ພະລັງງານ ໝູນວຽນ ເມື່ອເດືອນກໍລະກົດ ຜ່ານມາ ແມ່ນເກີດຈາກ ສະພາບ ອາກາດ ປ່ຽນແປງ ຊຶ່ງເປັນ ການຊ່ວຍໃຫ້ ຄວາມຕ້ອງການ ຂອງ ໄຟຟ້າ ຫລຸດລົງ 20% ຫລັງຈາກ ທີ່ ຄວາມໄວຂອງກະແສລົມ ເກີນ 150 ກິໂລແມັດ ຕໍ່ຊົ່ວໂມງ, ໄດ້ເພີ່ມ ກຳລັງ ການຜະລິດໄຟຟ້າ ພະລັງງານລົມ ໄດ້ເພີ່ມຂຶ້ນ ເກືອບ 2 ເທົ່າເທື່ອ ເມື່ອທຽບໃສ່ໄລຍະຜ່ານມາ. /.
KPL
