ຂປລ
ທ່ານ ສີຈິ້ນຜິງ ປະທານ ປະເທດ ສປຈີນ ໄດ້ໃຫ້ຄຳໝັ້ນສັນຍາ ໃນເວລາ ເຂົ້າຮ່ວມ ກອງປະຊຸມ ສຸດຍອດ ຄວາມຮ່ວມມື ສປຈີນ-ອາຟຣິກາ ປະຈຳປີນີ້ ທີ່ ຈັດຂຶ້ນ ຢູ່ນະຄອນຫລວງ ປັກກິງ ໂດຍມີ ຜູ້ນໍາ ແລະ ຕົວແທນ ລະດັບສູງ ມາຈາກ ຫລາຍກວ່າ 50 ປະເທດ ໃນອາຟຣິກາ ເຂົ້າຮ່ວມ
ຂປລ. ສຳນັກຂ່າວຕ່າງ ປະເທດ ລາຍງານ ຈາກນະຄອນຫລວງ ປັກກິ່ງ ປະເທດ ສປຈີນ ເມື່ອວັນທີ 5 ກັນຍາວ່າ: ທ່ານ ສີຈິ້ນຜິງ ປະທານ ປະເທດ ສປຈີນ ໄດ້ໃຫ້ຄຳໝັ້ນສັນຍາ ໃນເວລາ ເຂົ້າຮ່ວມ ກອງປະຊຸມ ສຸດຍອດ ຄວາມຮ່ວມມື ສປຈີນ-ອາຟຣິກາ ປະຈຳປີນີ້ ທີ່ ຈັດຂຶ້ນ ຢູ່ນະຄອນຫລວງ ປັກກິງ ໂດຍມີ ຜູ້ນໍາ ແລະ ຕົວແທນ ລະດັບສູງ ມາຈາກ ຫລາຍກວ່າ 50 ປະເທດ ໃນອາຟຣິກາ ເຂົ້າຮ່ວມ, ໂດຍລະບຸວ່າ ຈີນ ຈະຈັດສັນ ບ້ວງເງິນປະມານ 360.000 ລ້ານຢວນ ໃຫ້ແກ່ ອາຟຣິກາ ໃນໄລຍະ ເວລາ 3 ປີ ເພື່ອພັດທະນາ ເສດຖະກິດ ໃນພາກພື້ນນີ້ ແລະ ຄາດວ່າ ຈະຊ່ວຍສ້າງ ວຽກເຮັດ ງານທຳ ຫລາຍກວ່າ 1 ລ້ານຕຳແໜ່ງ. ຂະນະດຽວກັນ ຜູ້ນຳ ສປຈີນ ຍັງກ່າວເຖິງ ໂຄງການ ພັດທະນາ ພະລັງງານສະອາດ ຫລາຍກວ່າ 30 ໂຄງການ ໃນອາຟຣິກາ ເພື່ອສະໜັບສະໜູນ ເປົ້າໝາຍ ຂອງ ພາກພື້ນນີ້ ໃນການ ນໍາໃຊ້ ພະລັງງານ ນີວເຄລຍ ເພື່ອບັນເທົາ ວິກິດ ຂາດແຄນ ພະລັງງານ ໃນທະວີບ ອາຟຣິກາ ຊຶ່ງເປັນ ອຸປະສັກ ສຳຄັນ ຂອງ ການພັດທະນາ ອຸດສາຫະກຳ ໃນ ພາກພື້ນ. /
KPL
