ຂປລ
ທ່ານ ຮຸນມາເນດ ນາຍົກ ລັດຖະມົນຕີ ກຳປູເຈຍ ກ່າວໃນເວລາ ເຂົ້າຮ່ວມ ໃນພິທີສຳເລັດ ການສຶກສາ ຂອງ ທະນາຍຄວາມ ວ່າ: ປະເທດນີ້ ພວມວາງແຜນ ຈັດສັນ ງົບປະມານ ຫລາຍກວ່າ 200 ລ້ານໂດລາ ສະຫະລັດ ເພື່ອສ້າງ ຖະໜົນ ວົງແຫວນ ໃນບໍລິເວນ ຊາຍແດນ ໃຫ້ສຳເລັດ ໃນໄລຍະ 10 ປີຕໍ່ໜ້າ.
ຂປລ. ສຳນັກຂ່າວ ຊິນຮວາ ຂອງ ສປຈີນ, ວັນທີ 5 ເດືອນກັນຍາ, ທ່ານ ຮຸນມາເນດ ນາຍົກ ລັດຖະມົນຕີ ກຳປູເຈຍ ກ່າວໃນເວລາ ເຂົ້າຮ່ວມ ໃນພິທີສຳເລັດ ການສຶກສາ ຂອງ ທະນາຍຄວາມ ວ່າ: ປະເທດນີ້ ພວມວາງແຜນ ຈັດສັນ ງົບປະມານ ຫລາຍກວ່າ 200 ລ້ານໂດລາ ສະຫະລັດ ເພື່ອສ້າງ ຖະໜົນ ວົງແຫວນ ໃນບໍລິເວນ ຊາຍແດນ ໃຫ້ສຳເລັດ ໃນໄລຍະ 10 ປີຕໍ່ໜ້າ. ທ່ານ ຮຸນມາເນດ ກ່າວວ່າ ປັດຈຸບັນ ກຳປູເຈຍ ພວມສ້າງ ຖະໜົນ ວົງແຫວນ ຊາຍແດນ ປະມານ 1.300 ກິໂລແມັດ ຫລື ກວມເອົາ ປະມານ 50% ຂອງ ຄວາມຍາວທັງໝົດ ແລະ ວາງແຜນ ສ້າງຖະໜົນ ສ່ວນທີ່ເຫລືອ ໃຫ້ສຳເລັດ ໃນ 10 ປີ, ໂດຍມີຄ່າໃຊ້ຈ່າຍ ຫລາຍກວ່າ 200 ລ້ານໂດລາ ສະຫະລັດ.
ໃນຂະນະທີ່ ທ່ານຮຸນມາເນດ ໄດ້ເປີດ ຫ້ອງການ ກອງທຶນ ພັດທະນາ ພື້ນຖານ ໂຄງລ່າງ ໃນບໍລິເວນຊາຍແດນ (BIDF) ເມື່ອວັນທີ 26 ສິງຫາທີ່ຜ່ານມາ , ໂດຍມີ ເປົ້າໝາຍ ລະດົມທຶນ ເພີ່ມຂຶ້ນເຕີມ ເພື່ອພັດທະນາ ພື້ນຖານໂຄງລ່າງ ຕາມຊາຍແດນຂອງ ກໍາປູເຈຍ ໂດຍແນໃສ່ ການກໍ່ສ້າງ ຖະໜົນວົງແຫວນ ຊາຍແດນເປັນຫລັກ , ປັດຈຸບັນ, ມີປະຊາຊົນ ເກືອບ 400.000 ຄົນ ໄດ້ບໍລິຈາກເງິນ ໃຫ້ກອງທຶນນີ້ ແລະ ການລະດົມທຶນ ຍັງຈະສືບຕໍ່ໄປຢ່າງຕໍ່ເນື່ອງ. /
KPL
