ຜູ້ປະກອບການກ້າ​ເບຍ​ໄມ້​ປ່າ​ ກຽມສະໜອງເບ້ຍໄມ້ໃຫ້ສັງຄົມ

25/05/2023 10:57
Email Print 1000
ຂປລ *ອີກ​ບໍ​່ພໍ​ເທົ່າ​ໃດ​ມື້​​ວັນ​ປູກ​ຕົ້ນ​ໄມ້​ແຫ່ງ​ຊາດໝູນວຽນບັນຈົບຄົບຮອບຕາມການເວລາ ກໍ​ຄື​ວັນ​ທີ 1 ມິຖຸນານີ້ ເຊິ່ງ​ແຕ່ລະ​ປີ​ໃນ​ໄລຍະນີ້​ບັນ​ຍາ​ກາດ ການ​ຊື້-​ຂາຍ​ເບ້​ຍ​ໄມ້ມີ​ຄວາມຄຶກຄື້ນເປັນ​ພິ​ເສດ ​ເພາະ​ພາກລັດ ​ແລະ ​ເອກະ​ຊົນ ກໍ​ມີ​ກິດຈະ​ກໍາ​ປູກ​ໄມ້​ໃຫ້​ເປັນ​ປ່າ ຕາມ​ແນວທາງ​ນະ​ໂຍບາຍ​ຂອງ​ພັກ-​ລັດ ​​ເພື່ອ​ເພີ່ມ​ເນື້ອ​ທີ່​ການ​ປົກຫຸ້ມ​​ປ່າໄມ້ ​ໃຫ້​ໄດ້ແຜນທີ່ຕັ້ງ ໄວ້ 70 % ​ໃນ​ປີ 2020 ​ຜ່ານ​ມາເຖິງ​ວ່າ ຈະ​ບໍ່​ບັນລຸ​ຕາມ​ຄາດໝາຍທີ່​​ຕັ້ງ​ໄວ້ ສາ​ເຫດ​ເກີດ​ຈາກ​ຫລາຍ​ປັດ​ໄຈ ​ໂດຍ​ສະ​ເພາະ​ແມ່ນການບົວລະ​ບັກ​ຮັກສາ, ກວດກາ​ຕິດຕາມຫລັງ​ຈາກ​ທີ່​ປູກ​ແລ້ວ ເພື່ອ​ເຮັດ​ໃຫ້​ຕົ້ນ​ໄມ້​ທີ່​ປູ​ກນັ້ນ ມີ​ການ​ເຕີບ​ໃຫຍ່​ຂະຫຍາຍຕົວ ສາມາດ​ເພີ່ມ​ເນື້ອທີ່​ປ່າ​ໄມ້​ໃນ​ອະນາຄົດ​ໃຫ້ໄດ້.

*ອີກ​ບໍ​່ພໍ​ເທົ່າ​ໃດ​ມື້​​ວັນ​ປູກ​ຕົ້ນ​ໄມ້​ແຫ່ງ​ຊາດໝູນວຽນບັນຈົບຄົບຮອບຕາມການເວລາ ກໍ​ຄື​ວັນ​ທີ 1 ມິຖຸນານີ້ ເຊິ່ງ​ແຕ່ລະ​ປີ​ໃນ​ໄລຍະນີ້​ບັນ​ຍາ​ກາດ ການ​ຊື້-​ຂາຍ​ເບ້​ຍ​ໄມ້ມີ​ຄວາມຄຶກຄື້ນເປັນ​ພິ​ເສດ ​ເພາະ​ພາກລັດ ​ແລະ ​ເອກະ​ຊົນ ກໍ​ມີ​ກິດຈະ​ກໍາ​ປູກ​ໄມ້​ໃຫ້​ເປັນ​ປ່າ ຕາມ​ແນວທາງ​ນະ​ໂຍບາຍ​ຂອງ​ພັກ-​ລັດ ​​ເພື່ອ​ເພີ່ມ​ເນື້ອ​ທີ່​ການ​ປົກຫຸ້ມ​​ປ່າໄມ້ ​ໃຫ້​ໄດ້ແຜນທີ່ຕັ້ງ ໄວ້ 70 % ​ໃນ​ປີ 2020 ​ຜ່ານ​ມາເຖິງ​ວ່າ ຈະ​ບໍ່​ບັນລຸ​ຕາມ​ຄາດໝາຍທີ່​​ຕັ້ງ​ໄວ້ ສາ​ເຫດ​ເກີດ​ຈາກ​ຫລາຍ​ປັດ​ໄຈ  ​ໂດຍ​ສະ​ເພາະ​ແມ່ນການບົວລະ​ບັກ​ຮັກສາ, ກວດກາ​ຕິດຕາມຫລັງ​ຈາກ​ທີ່​ປູກ​ແລ້ວ ເພື່ອ​ເຮັດ​ໃຫ້​ຕົ້ນ​ໄມ້​ທີ່​ປູ​ກນັ້ນ ມີ​ການ​ເຕີບ​ໃຫຍ່​ຂະຫຍາຍຕົວ ສາມາດ​ເພີ່ມ​ເນື້ອທີ່​ປ່າ​ໄມ້​ໃນ​ອະນາຄົດ​ໃຫ້ໄດ້.  ​ແນວ​ໃດ​ກໍ​ດີ, ​ເມື່ອ​ເວົ້າ​ເຖິງ ​ລະດູ​ການ​ປູກ​ຕົ້ນ​ໄມ້​ແລ້ວ​ແມ່ນ​ລະດູ​ການ ທີ່​ຊາວ​ສວນ​ກ້າ​ເບ້​ຍ​ໄມ້​ຄອຍ​ຖ້າ ​ເນື່ອງ​ຈາກ​ແຕ່ລະ​ປີໄລຍະ​ນີ້ ຊາວ​ສວນ​ກ້າ ຈະ​ໄດ້​ມີ​ການ​ກ້າ​ເບ້​ຍໄມ້​ໄວ້​ຈໍານວນ​ຫລາຍ​ ເພື່ອ​ຫວັງ​ຈໍາໜ່າຍ​ໃນ​ໄລຍະ​ວັນ​ປູກ​ຕົ້ນ​ໄມ້​ແຫ່ງ​ຊາດ ​ເໝືອນສວນ​ກ້າ​ເບ້ຍ​ໄມ້​ປ່າທີ່​ປີ​ນີ້ ຜະລິ​ດ​ເບ້ຍ​ໄມ້ 100.000 ກວ່າ​ເບ້ຍ​ ເພື່ອ​ສະໜອງ​ວັນ​ໃນ​ປູກ​ຕົ້ນ​ໄມ້​ແຫ່ງ​ຊາດ​ທີ່​ຈະ​ມາ​ເຖິງນີ້.

 ນາງ ຄໍາ​ຫລ້າ ​ແສງ​ປະ​ເສີດ ​ເຈົ້າ​ຂອງ​ສວນ​ກ້າ​ເບ້ຍ​ໄມ້​ປ່າ​ໄດ້​ເວົ້າສູ່​ຟັງ​ວ່າ:  ​ໃນ​ໄລຍະ​ວັນ​ປູກ​ຕົ້ນ​ໄມ້​ແຫ່ງ​ຊາດ​ຂອງທຸກໆປີ​ ແມ່ນໄລຍະ​ທີ່​ຊາວ​ສວນ​ກ້າ​ເບ້ຍ​ໄມ້​ ຄອງຄອຍເພາະວ່າ​ເປັນ​ໄລຍະ​ແຫ່ງ​ການ​ຈໍາໜ່າຍ​ເບ້ຍ​ໄມ້ ​ໄດ້​ຫລາຍ​ທີ່​ສຸດ ບໍ່ວ່າ​ຈະ​ເປັນພາກ​ລັດ ​ແລະ ​ເອກະ​ຊົນ ກໍ​ຈະ​ເຂົ້າ​ມາ​ສັງ​ຈອງ ​ເພື່ອ​ສ້າງ​ຂະ​ບວນການ​ປູກ​ໄມ້​ໃຫ້​ເປັນ​ປ່າ ໃນວັນ​ປູກ​ຕົ້ນ​ໄມ້​ແຫ່ງ​ຊາດ ​ເຊິ່ງທຸກ​ປີໆ ການ​ຈໍ​າໜ່າຍ​ເບ້ຍ​ໄມ້​ແມ່ນ​ບໍ່ພຽງພໍ​ ກັບ​ຄວາມ​ຕ້ອງການ​ຂອງ​ສັງຄົມ ສະ​ນັ້ນ,ປີ​ນີ້ຈຶ່ງ ຜະລິດ​ເບ້ຍ​ໄມ້ ​ເກືອບ 100.000 ​ກວ່າ​ເບ້ຍ ​ໄດ້​ແກ່​ໄມ້​ຂະ​ຍຸງ,ຂະ​ຍຸງ​ໄຫ​ລໍາ, ​ດູ່​​ເລືອດ,​​ສັກ​ທອງ,​​ແດງ,​​ແຕ້ຂ່າ,​​ຍາງ​ນາ,​​ບາກ,ໂລງ​ເລງ ​ແລະ ອື່ນໆອີກ​ຫລາຍ​ຊະນິດ ​​ເຊິ່ງ​ແຕ່​ລະ​ນິດ​ແມ່ນ​ກ້າ​ເອງ ຂາຍ​ກໍ່​ບໍ່​ແພງ​ໃນ​ລາຄາ 5 ​ ຫາ 50 ພັນ​ກີບ​ຕໍ່​ເບ້​ຍ ຂຶ້ນ​ໄປ​ແລ້ວ​ແຕ່​ເບ້ຍ​ນ້ອຍ​ເບ້ຍ​ໃຫຍ່ ທີ່​ຂາຍ​ຖືກ​ນີ້​ເພາະ​ຢາກ​ໃຫ້​ສັງຄົມ​ນໍາ​ໃຊ້ ສິນຄ້າທີ່​ເປັນ​ຂອງ​ຄົນ​ລາວ​ເຮົາ​ເອງ ​​ເພື່ອ​ຫລຸດຜ່ອນ​ການ​ນໍາ​ເຂົ້າ​ສິນຄ້າ​ຈາກ​ປະ​ເທດ​ເພື່ອນ​ບ້ານອີກ​ດ້ວຍ.

ນາງ ຄໍາ​ຫລ້າ ​ເວົ້າ​ຕື່ມ​ວ່າ: ການ​ເຮັດ​ອາຊີບ​ນີ້ ຕ້ອງ​ມີ​ໃຈ​ມັກ​ແທ້​ຈຶ່ງ​ເຮັດ​ໄດ້​ເພາະ​ຕ້ອງ​ໄດ້​ເອົາ​ໃຈ​ໃສ່​ທຸກ​ຂັ້ນ​ຕອນ ​ຕັ້ງ​ແຕ່​ການ​ເລືອກ​ແກ່ນ​ພັນ ຈົນຮອດ​ການ​ກ້າ​ແກ່ນ ​ແລະ ການ​ບົວລະບັດ​ຮັກສາ ກໍ​ເປັນ​ສິ່ງ​ສໍາຄັນ ​ ​ເພື່ອ​ເຮັດ​ໃຫ້​ເບ້ຍ​ໄມ້​ແຂງ​ແຮງ​ທົນ​ທານ​ ​ແລະ ມີ​ອັດ​ຕາ​ການ​ລອດ​ຕາຍ​ສູງ ​ແຕ່​ແນວ​​ໃດ​ກໍ​ດີ ​ເຖິງ​ວ່າ​ຕົ້ນ​ໄມ້​ຈະ​ມີ​ອັດຕາ​ການ​ລອດ​ຕາຍ​ສູງ​ ກໍ​ຕາມ ຖ້າ​ຂາດ​ການ ຕິດຕາມ​ກວດກາ​ຫລັງ​ການ​ປູກ​ນັ້ນ ກໍ​ບໍ​່ມີ​ຄວາມໝາຍຫຍັງ. ສະ​ນັ້ນ , ຈຶ່ງ​ຮຽກຮ້ອງ​ທົ່ວ​ສັງຄົມ​ ໂດຍ​ສະ​ເພາະ​ແມ່​ນພາກສ່ວນ​ທີ່​ກ່ຽວຂ້ອງ​ເອົາ​ໃຈ​ໃສ່​ ເລື່ອງ​ການ​ເບິ່ງ​ແຍງ​ຫລັງ​ການ​ປູກ ​ເພື່ອ​ບໍ່​ເຮັດ​ໃຫ້​ຂະ​ບວນການ​ປູກ ຊໍ້າ​ບ່ອນ​ເກົ່າ​ໃນ​ແຕ່ລະ​ປີ ​ແລະ ​ເພື່ອ​ເພີ່ມ​ຈໍານວນ​ການ​ປົກ​ຫຸ່ມ​ປ່າ​ໄມ້​ໃນ​ອະນາຄົດ​ອີກ​ດ້ວຍ.

​ເອົາ​ເປັນ​ວ່າ​ພາກ​ສວນ​ໃດ​ທີ່​ມີ​ແຜນ​ປູກ​ໄມ້​ ​ປ່າ ໃນ​ໄລຍະ​ວັນ​ປູກ​ຕົ້ນ​ໄມ້​ແຫ່ງ​ຊາດ​ນີ້ ກໍ​ສາມາດ​ຕິດຕໍ່ສອບ​ຖາມ ​ໄດ້​ຜ່ານ ​ເຟສບຸກ ສວນ​ກ້າ​ເບ້ຍ​ໄມ້​ປ່າ ຫລື ​ເບີ 02098852560,02096824041.

ຂຽນໂດຍ: ມາລີດາ

KPL

ຂ່າວອື່ນໆ

ads
ads

Top