ຂປລ
ໃນຖານະທີ່ເປັນພັກກຳອຳນາດ ຊຶ່ງຖືກບັນຍັດໄວ້ໃນລັດຖະທຳມະນູນ ແຫ່ງ ສປປ ລາວ. ສະນັນ, ໃນເມື່ອເປັນພັກກຳ ອຳນາດແລ້ວ ພັກຕ້ອງຖືສຳຄັນ ການເຕົ້າໂຮມກຳລັງແຮງ ຂອງທຸກຊົນຊັ້ນໃນສັງຄົມ ເຂົ້າໃນການພັດ ທະນາ ໃຫ້ມີ ຜົນສຳເລັດ; ຕ້ອງຍຶດໝັ້ນໃນລັກສະນະຊົນຊັ້ນຂອງພັກ, ເສີມສ້າງຄວາມສາມັກຄີປອງດອງ ລະຫວ່າງຊົນຊັ້ນ ແລະ ຊັ້ນຄົນໃນສັງຄົມ.
ໃນຖານະທີ່ເປັນພັກກຳອຳນາດ ຊຶ່ງຖືກບັນຍັດໄວ້ໃນລັດຖະທຳມະນູນ ແຫ່ງ ສປປ ລາວ. ສະນັນ, ໃນເມື່ອເປັນພັກກຳອຳນາດແລ້ວ ພັກຕ້ອງຖືສຳຄັນ ການເຕົ້າໂຮມກຳລັງແຮງ ຂອງທຸກຊົນຊັ້ນໃນສັງຄົມ ເຂົ້າໃນການພັດ ທະນາ ໃຫ້ມີຜົນສຳເລັດ; ຕ້ອງຍຶດໝັ້ນໃນລັກສະນະຊົນຊັ້ນຂອງພັກ, ເສີມສ້າງຄວາມສາມັກຄີປອງດອງ ລະຫວ່າງຊົນຊັ້ນ ແລະ ຊັ້ນຄົນໃນສັງຄົມ. ການຜັນຂະຫຍາຍມູນເຊື້ອ ແລະ ທາດແທ້ຂອງພັກເຮົາ ເຂົ້າໃນການຈັດ ຕັ້ງປະຕິບັດພາລະກິດປ່ຽນແປງໃໝ່ ໃຫ້ມີຜົນສຳເລັດ ແມ່ນໜ້າທີ່ຂອງໝົດທຸກຄົນ ໂດຍສະເພາະແມ່ນຄະນະພັກ, ອົງການປົກຄອງແຕ່ລະຂັ້ນ ຕ້ອງເປັນເຈົ້າການນຳພາຈັດຕັ້ງປະຕິບັດ ແລະ ສຶກສາອົບຮົມແນວຄິດ ຂອງ ພັກນັກງານ, ສະມາຊິກພັກ ແລະ ປະຊາຊົນຊັ້ນຄົນຕ່າງໆ.
ໃນການຈັດຕັ້ງປະຕິບັດຕ້ອງສຸມໃສ່ສຶກສາອົບຮົມຈິດໃຈຮັກຊາດ, ຮັກລະບອບປະຊາທິປະໄຕປະຊາຊົນ ກ້າວຂຶ້ນສັງຄົມນິຍົມ ພາຍໃຕ້ການນຳພາຂອງພັກ. ຕັ້ງໜ້າປຸກລະດົມຂົນຂວາຍ ການເຄື່ອນໄຫວ ຈັດຕັ້ງປະຕິບັດມະ ຕິກອງປະຊຸມໃຫຍ່ ຄັ້ງທີ XI ຂອງພັກ ແລະ ແຜນພັດທະນາເສດຖະກິດ-ສັງຄົມແຫ່ງຊາດ ຄັ້ງທີ IX ຂອງລັດ ໃຫ້ປາກົດຜົນເປັນຈິງ. ຍູ້ແຮງຂະບວນການແຂ່ງຂັນຮັກຊາດ ແລະ ພັດທະນາໃຫ້ແຂງແຮງ ແລະ ຍົກສູງຈິດ ໃຈເພິງຕົນເອງ, ກຸ້ມຕົນເອງ ແລະ ສ້າງຄວາມເຂັ້ມແຂງດ້ວຍຕົນເອງ. ສຸມໃສ່ແກ້ໄຂບັນຫາຄວາມຫຍຸ້ງຍາກ ທາງດ້ານເສດຖະກິດ ທີ່ປະເທດເຮົາພວມຜະເຊີນ ຢູ່ໃຫ້ເຂົ້າສູ່ສະພາບປົກກະຕິໂດຍໄວ ແລະ ເອົາໃຈໃສ່ຈັດຕັ້ງ ປະຕິບັດ 2 ວາລະແຫ່ງຊາດ ໃຫ້ສຳເລັດຕາມຄາດໝາຍ, ທັງເອົາໃຈໃສ່ຄຸ້ມຄອງ ການຈັດເກັບລາຍຮັບ ເຂົາງົບປະມານ ໃຫ້ໄດ້ຕາມຄາດໝາຍ ແລະ ລື່ນຄາດໝາຍ. ເສີມຂະຫຍາຍຄວາມສາມັກຄີ ເປັນປຶກແຜ່ນທົ່ວປວງ ຊົນລາວ ພາຍໃຕ້ຮົ່ມທຸງຂອງພັກ ແລະ ເອົາໃຈໃສ່ແກ້ໄຂ ສິ່ງຫຍໍ້ທໍ້ຕ່າງໆທີ່ເກີດຂຶ້ນ ຢູ່ໃນກົງຈັກການຈັດຕັ້ງພັກ-ລັດ ແລະ ສັງຄົມ. ຕັ້ງໜ້າປັບປຸງພາຍໃນພັກ ໃຫ້ເປັນພັກກຳອຳນາດທີ່ປອດໃສ, ເຂັ້ມແຂງ, ໜັກແໜ້ນ; ຍົກສູງຄວາມເປັນແບບຢ່າງ ນໍາໜ້າຂອງພະນັກງານ, ສະມາຊິກພັກ ເພື່ອສ້າງຄວາມເຊື່ອໝັ້ນ ແລະ ໄວ້ວາງໃຈຂອງມະຫາຊົນ. ເສີມຂະຫຍາຍມູນເຊື້ອ ອັນສະຫງ່າງາມຂອງພັກ ເຂົ້າໃນການຈັດຕັ້ງປະຕິບັດໜ້າທີ່ ວຽກ ງານຂອງຂະແໜງການ ແລະ ທ້ອງຖິ່ນຕົນ ໃຫ້ສຳເລັດຕາມແຜນການ ໂດຍສະເພາະແມ່ນ ການຈັດຕັ້ງປະຕິບັດ ມະຕິກອງປະຊຸມໃຫຍ່ ອົງຄະນະພັກຂັ້ນຂອງຕົນ ໃຫ້ບັນລຸຕາມຄາດໝາຍທີ່ວາງໄວ້.
ເພື່ອບັນລຸຄາດໝາຍທີ່ພັກວາງອອກນັ້ນ ຈະຕ້ອງເອົາໃຈໃສ່ເຄື່ອນໄຫວວຽກງານ ການເມືອງ-ແນວຄິດຢ່າງຕັ້ງໜ້າ ແນໃສ່ສ້າງສະຕິບຸກຄົນ ແລະ ສະຕິສັງຄົມ ໃຫ້ສອດຄ່ອງກັບແນວທາງຂອງພັກ, ຄືດັ່ງຄຳເຫັນຊີ້ນຳບາງ ຕອນ ຂອງສະຫາຍ ທອງລຸນ ສີສຸລິດ ເລຂາທິການໃຫຍ່, ປະທານປະເທດແຫ່ງ ສປປ ລາວ ທີ່ມີຕໍ່ກອງປະຊຸມວຽກງານ ການເມືອງ-ແນວຄິດ ທົ່ວປະເທດຄັ້ງທີ V ທີ່ວ່າ: “ຖ້າຖືວຽກງານການເມືອງ-ແນວຄິດ ປຽບເໝືອນ ສະໜາມຮົບ ແນ່ນອນຕ້ອງເວົ້າເຖິງການຕໍ່ສູ້, ການຕໍ່ສູ້ໃນທີ່ນີ້ ແມ່ນການຕໍ່ສູ້ລະຫວ່າງ ອັນຖືກກັບອັນຜິດ ຢູ່ໃນໂຕສະມາຊິກພັກເຮົາ; ສະນັນຄວາມຖືກຕ້ອງ, ຄວາມເປັນທຳຕ້ອງ ຕີຖອຍແນວຄິດທີ່ຜິດເຂວອອກໄປ, ສຸດທ້າຍ ແນວຄິດທີ່ຖືກຕ້ອງ, ການກະທຳທີ່ຖືກຕ້ອງ ເອົາຊະນະແນວຄິດທີ່ບໍ່ຖືກຕ້ອງ ແລະ ຜິດເຂວນັ້ນ, ພ້ອມທັງເດັດດ່ຽວ ບໍ່ປະປ່ອຍໃຫ້ຄວາມຄິດ ແລະ ການກະທຳທີ່ບໍ່ຖືກຕ້ອງ ກືນກິນເນື້ອທີ່ ແລະ ຄອບງຳມັນສະ ໝອງ ຫລື ແນວຄວາມຄິດຂອງສະມາຊິກພັກ ແລະ ປະຊາຊົນເຮົາເປັນອັນຂາດ”.
KPL
