ຫົວໜ້າຄະນະຈັດຕັ້ງສູນກາງພັກ ເນັ້ນແຂວງ ອັດຕະປື ເອົາໃຈໃສ່ວຽກກໍ່ສ້າງພັກ-ພະນັກງານ

14/03/2023 10:04
Email Print 1161
ຂປລ ຂປລ. ​ໃນ​ໂອກາດ ເຄື່ອນໄຫວເຮັດວຽກ ແລະ ພົບປະໂອ້ລົມພະນັກງານຫລັກແຫລ່ງ ຢູ່​ແຂວງ​ອັດ​ຕະປື ​ໃນ​ວັນ​ທີ 13 ມີນາ 2023 ນີ້, ທ່ານ ນາງ ສີໃສ ລືເດດມູນສອນ ກໍາມະການ ກົມການເມືອງສູນກາງພັກ, ເລຂາທິການສູນກາງພັກ, ຫົວໜ້າຄະນະຈັດຕັ້ງສູນກາງພັກ ​ໄດ້​ເນັ້ນ​ໃຫ້​ແຂວງ​ອັດ​ຕະປື

ຂປລ. ​ໃນ​ໂອກາດ ເຄື່ອນໄຫວເຮັດວຽກ ແລະ ພົບປະໂອ້ລົມພະນັກງານຫລັກແຫລ່ງ ຢູ່​ແຂວງ​ອັດ​ຕະປື ​ໃນ​ວັນ​ທີ 13 ມີນາ 2023 ນີ້, ທ່ານ ນາງ ສີໃສ ລືເດດມູນສອນ ກໍາມະການ ກົມການເມືອງສູນກາງພັກ, ເລຂາທິການສູນກາງພັກ, ຫົວໜ້າຄະນະຈັດຕັ້ງສູນກາງພັກ ​ໄດ້​ເນັ້ນ​ໃຫ້​ແຂວງ​ອັດ​ຕະປື ເອົາໃຈໃສ່ວຽກງານ ກໍ່ສ້າງພັກ-ພະນັກງານ ໂດຍສະເພາະແມ່ນ ຄະນະພັກທຸກຂັ້ນ ຕ້ອງເພີ່ມທະວີການ ນໍາພາການເມືອງ-ແນວຄິດ ໃຫ້ຫລາຍຂຶ້ນກວ່າເກົ່າ, ສ້າງເງື່ອນໄຂໃຫ້ຖັນແຖວ ພະນັກງານນຳພາ, ພະນັກ ງານຫລັກແຫລ່ງແຕ່ລະຂັ້ນ ມີຄວາມຮູ້ ດ້ານແນວທາງ ນະໂຍບາຍຂອງພັກ ແລະ ມູນເຊື້ອອັນດີງານມຂອງພັກ, ຂອງຊາດ, ສ້າງຄວາມເຊື່ອໝັ້ນ ຕໍ່ການນໍາພາຂອງພັກ ໃນແຕ່ລະໄລຍະ ເພື່ອສ້າງຄວາມເປັນເອ ກະພາບສູງ ດ້ານແນວຄິດ ແລະ ການກະທຳ.

ພ້ອມທັງປັບປຸງກົງຈັກ ການຈັດຕັ້ງໃຫ້ເຂັ້ມແຂງ, ໜັກແໜ້ນຕິດພັນກັບ ການປັບປຸງພະນັກງານ ໃຫ້ມີຄວາມຊື່ສັດບໍລິສຸດ, ມີນ້ຳໃຈ, ຮັບໃຊ້ຊາດ, ຮັບໃຊ້ປະຊາຊົນຢ່າງແທ້ຈິງ, ປັບປຸງ ແບບແຜນວິທີເຮັດວຽກ, ແບບແຜນວິທີນຳພາ ແລະ ແບບແຜນການ ດຳຊີວິດໃຫ້ສອດຄ່ອງ, ສ້າງຄວາມມີລະບຽບວິ ໄນ, ຈຸດໃດທີ່ຍັງອ່ອນ, ຄົງຄ້າງຕ້ອງໄປແກ້ຢ່າງເດັດດ່ຽວ;  ສືບຕໍ່ສ້າງ ຄວາມເຂັ້ມແຂງ ໃນການປະຕິບັດໜ້າທີ່ ເປັນຕົ້ນ ຄະນະນຳຫລັກແຫລ່ງ ຕ້ອງຝຶກຝົນຫລໍ່ຫລອມຕົນເອງ ໃຫ້ມີຄຸນທາດການເມືອງໜັກ  ແໜ້ນ, ມີຄຸນສົມບັດສິນທໍາປະຕິວັດ, ມີຈັນຍາບັນ, ຈັນຍາທໍາ, ຕ້ອງເປັນຜູ້ທີ່ອົດທົນ, ດຸໝັ່ນຄົ້ນຄວ້າ ບັນດານິຕິກໍາຕ່າງໆ ໂດຍສະເພາະ ກໍາແໜ້ນນິຕິກໍາ ໃນວຽກງານກໍ່ສ້າງພັກ ເປັນຕົ້ນ ມະຕິ, ຄໍາສັ່ງ, ຄໍາແນະນໍາ, ແຈ້ງການ ຂອງກົມການ ເມືອງສູນກາງພັກ, ຄະນະເລຂາທິການສູນກາງພັກ, ຄະນະຈັດຕັ້ງສູນກາງພັກ ແລະ ຜັນຂະຫຍາຍອອກ ເປັນນິຕິກໍາຂອງແຂວງ, ຂອງເມືອງ ຕາມຄວາມເໝາະສົມ; ຕ້ອງກໍາປະຫວັດ ຕົ້ນກໍາເນີດ, ປະຫວັດການເຄື່ອນໄຫວ, ສະພາບຈຸດພິເສດ ແລະ ຜົນງານຂອງພະນັກງານ-ລັດຖະກອນ ທີ່ຂຶ້ນກັບສິດຄຸ້ມຄອງຂອງແຂວງ, ຂອງເມືອງ ເປັນແຕ່ລະໄລຍະ; ເອົາໃຈໃສ່ ປະຕິບັດລະ ບອບຊຸກຍູ້, ຕິດຕາມກວດກາ ການປະຕິບັດສິດ, ໜ້າທີ່ ຂອງຄະນະພັກ, ສະມາຊິກພັກ ໂດຍສົມທົບກັບ ພາກສ່ວນກ່ຽວຂ້ອງ ເພື່ອຕິດຕາມກວດກາ ການປະຕິບັດໜ້າທີ່ ຂອງພະນັກງານ-ລັດຖະກອນ ໃຫ້ໄປຕາມກົດໝາຍ ວ່າດ້ວຍພະນັກງານ-ລັດຖະກອນ, ກົດໝາຍອື່ນໆ ແລະ ລະບຽບການກ່ຽວຂ້ອງ ໃຫ້ເປັນປົກກະຕິ ແລະ ໝັກແໜ້ນ.

​​ໃນໂອກາດ​ນີ້, ທ່ານ ເລັດ ໄຊຍະພອນ ກຳມະການສູນກາງພັກ, ເລຂາພັກແຂວງ, ເຈົ້າແຂວງ ອັດຕະປື ກໍ​ໄດ້ໃຫ້ຮູ້ວ່າ: ໃນຕະຫລອດໄລຍະຜ່ານມາ, ຄະນະພັກ-ອົງການປົກຄອງແຂວງ ໄດ້ເອົາໃຈໃສ່ ນໍາພາ-ຊີ້ນໍາ ແລະ ຖືເອົາວຽກງານ ຈັດຕັ້ງພະນັກງານ ເປັນວຽກໜຶ່ງທີ່ສໍາຄັນ ແລະ  ໄດ້ເຄື່ອນໄຫວຈັດຕັ້ງປະຕິບັດ ໜ້າທີ່ວຽກງານ ຕາມພາລະບົດບາດ, ສິດ ແລະ ໜ້າທີ່ຂອງຕົນ ສາມາດຍາດໄດ້ ຜົນສໍາເລັດຫລາຍດ້ານ ອັນທີ່ພົ້ນເດັ່ນ ແມ່ນການແກ້ໄຂຈຸດອ່ອນ, ຂໍ້ບົກຜ່ອງ ດ້ວຍການສຶກສາອົບຮົມກໍ່ສ້າງຊ່ວຍ ເຫລືອ ຫລື ດ້ວຍມາດຕະການຕ່າງໆ ທີ່ສອດຄ່ອງກັບລະບຽບການ ດ້ວຍຄວມຮັບຜິດຊອບສູງ.

ຂ່າວ-ພາບ: ໄພບູນ

KPL

ຂ່າວອື່ນໆ

ads
ads

Top