ໄວໜຸ່ມລາວ 21 ຄົນ ເຂົ້າຮ່ວມໂຄງການແລກປ່ຽນໄວໜຸ່ມ ທີ່ຍີ່ປຸ່ນ

02/03/2023 09:08
Email Print 919
ຂປລ ຂປລ. ໄວໜຸ່ມລາວ ຈຳນວນ 21 ຄົນ ໄດ້ເດີນທາງໄປປະເທດຍີ່ປຸ່ນ ເພື່ອເຂົ້າຮ່ວມແລກປ່ຽນ ບົດຮຽນກ່ຽວກັບ ເຕັກໂນໂລຊີ ວິທະຍາສາດ ແລະ ການຜະລິດ ໃນວັນທີ 28 ກຸມພາ ຜ່ານມາ ເຊິ່ງຈັດ ຂຶ້ນພາຍໃຕ້ ໂຄງການແລກປ່ຽນລະຫວ່າງ ຄົນສູ່ຄົນ ແນໃສ່ໄວໜຸ່ມ ລະຫວ່າງ ຍີ່ປຸ່ນ ແລະ ຂົງເຂດອາຊີ-ປາຊີຟິກ 2022 (JENESYS) ​ໂດຍໄດ້ຮັບການສະໜັບສະໜູນ ຈາກລັດຖະບານຍີ່ປຸ່ນ.

ຂປລ. ໄວໜຸ່ມລາວ ຈຳນວນ 21 ຄົນ ໄດ້ເດີນທາງໄປປະເທດຍີ່ປຸ່ນ ເພື່ອເຂົ້າຮ່ວມແລກປ່ຽນ ບົດຮຽນກ່ຽວກັບ ເຕັກໂນໂລຊີ ວິທະຍາສາດ ແລະ ການຜະລິດ ໃນວັນທີ 28 ກຸມພາ ຜ່ານມາ ເຊິ່ງຈັດ ຂຶ້ນພາຍໃຕ້ ໂຄງການແລກປ່ຽນລະຫວ່າງ ຄົນສູ່ຄົນ ແນໃສ່ໄວໜຸ່ມ ລະຫວ່າງ ຍີ່ປຸ່ນ ແລະ ຂົງເຂດອາຊີ-ປາຊີຟິກ 2022 (JENESYS) ​ໂດຍໄດ້ຮັບການສະໜັບສະໜູນ ຈາກລັດຖະບານຍີ່ປຸ່ນ.

ໂຄງການດັ່ງກ່າວ ແມ່ນເນັ້ນໃສ່ການແນະນຳ ກ່ຽວກັບເຕັກໂນໂລຊີ ທີ່ທັນສະໄໝຢູ່ຍີ່ປຸ່ນ, ເຊິ່ງໄວໜຸ່ມທັງ 21 ຄົນນີ້ ໄດ້ຖືກຄັດເລືອກໂດຍ ການຮ່ວມມືກັນກັບ ກະຊວງສຶກສາທິການ ແລະ ກິລາ ໃນນາມທີ່ໄດ້ເປັນຜູ້ເຂົ້າຮ່ວມ ສໍາລັບໂຄງການ JENESYS 2019. ຫລັງຈາກທີ່ໄດ້ເລື່ອນມາເປັນເວລາ 3 ປີ ຍ້ອນສະພາບການລະບາດ ຂອງພະຍາດໂຄວິດ-19. ບັນດາຜູ້ເຂົ້າຮ່ວມໂຄງການດັ່ງກ່າວ, ຈະໄດ້ໄປຢ້ຽມຊົມ ນະຄອນຫລວງ ໂຕກຽວ ແລະ ແຂວງຮອກໄກໂດ. ພ້ອມນີ້, ຈະໄດ້ເຂົ້າຮ່ວມການປາຖະກະຖາ, ຢ້ຽມຊົມສະຖານທີ່ ແລະ ອຸດສາຫະກໍາຕ່າງໆ ທີ່ກ່ຽວພັນກັນກັບເຕັກໂນໂລຊີ ແລະ ນະວັດຕະກຳທີ່ພົ້ນເດັ່ນຂອງຍີ່ປຸ່ນ, ແລກປ່ຽນປະສົບການ ໃນບັນດາງານ ວັດທະນະທຳທີ່ແຕກຕ່າງ, ການປະຊຸມ ແລະ ການປຶກສາຫາລື ກັບຄົນທ້ອງຖິ່ນ ຢູ່ຍີ່ປຸ່ນ. ນອກຈາກນີ້, ຜູ້ເຂົ້າຮ່ວມ ຈະໄດ້ແບ່ງປັນປະສົບການຕ່າງໆຂອງພວກເຂົາ, ສົ່ງເສີມຄວາມເຂົ້າໃຈ ຂອງທັງສອງປະເທດ ຈາກປະສົບການ, ຮຽນຮູ້ໃນສິ່ງຕ່າງໆ ແລະ ເຂົ້າໃຈກັບຜູ້ຄົນໃນວົງທີ່ກວ້າງກວ່າ ໂດຍນໍາໃຊ້ເຄືອຂ່າຍສັງຄົມອອນລາຍ ໃນຕະຫລອດໄລຍະເວລາ 7 ວັນທີ່ອາໄສ ຢູ່ຍີ່ປຸ່ນ ແລະ ຫລັງຈາກກັບຄືນປະເທດ.

ໄລຍະຜ່ານມາ, ມີໄວໜຸ່ມລາວຫລາຍກວ່າ 2.200 ຄົນເຄີຍໄປຍີ່ປຸ່ນ ເພື່ອເຂົ້າຮ່ວມໂຄງການດັ່ງກ່າວ ນັບຕັ້ງແຕ່ການສ້າງຕັ້ງໂຄງການ ໃນປີ 2007 ເປັນຕົ້ນມາ ​ແລະ ຫວັງ​ວ່າ ໂຄງການດັ່ງກ່າວ ຈະສືບຕໍ່ສົ່ງເສີມຄວາມເຊື່ອໃຈ ສອງຝ່າຍ ແລະ ຄວາມເຂົ້າໃຈລະຫວ່າງ ໄວໜຸ່ມຂອງປະເທດ ທີ່ເຂົ້າຮ່ວມນໍາກັນ ເພື່ອສ້າງພື້ນຖານທີ່ເຂັ້ມແຂງ ໃຫ້ກັບສາຍພົວ ພັນມິດຕະພາບທີ່ຍາວນານ ໂດຍສະເພາະ ການຮ່ວມມືລະຫວ່າງ ຍີ່ປຸ່ນ ແລະ ສປປ ລາວ ໃຫ້ແໜ້ນແຟ້ນຂຶ້ນກວ່າເກົ່າ.

KPL

ຂ່າວອື່ນໆ

    • ລ້ຽງສົ່ງນັກສຶກສາລາວ ທີ່ໄດ້ຮັບທຶນໄປສຶກສາຢູ່ປະເທດຍີ່ປຸ່ນສຶກສາ-ກິລາ

      ລ້ຽງສົ່ງນັກສຶກສາລາວ ທີ່ໄດ້ຮັບທຶນໄປສຶກສາຢູ່ປະເທດຍີ່ປຸ່ນ

      3/16/2023 4:58:44 PM

      ຂປລ. ສະຖານທູດຍີ່ປຸ່ນ ປະຈຳ ສປປ ລາວ ຈັດພິທີລ້ຽງສົ່ງ ນັກສຶກສາລາວ ຈຳນວນ 25ຄົນ ທີ່ກຳລັງກຽມຕົວຈະເດີນທາງ ໄປສຶກສາຕໍ່ທີ່ປະເທດຍີ່ປຸ່ນ ພາຍໃຕ້ທຶນການສຶກສາ ຂອງກະຊວງສຶກສາທິການຍີ່ປຸ່ນ ຫລື MEXT ​ໂດຍມີ ທ່ານ ພຸດ ສິມມະລາວົງ ລັດຖະມົນຕີກະຊວງສຶກສາທິການ ແລະ ກິລາ, ທັງເປັນປະທານສະມາຄົມມິດຕະພາບ ລາວ-ຍີ່ປຸ່ນ, ພ້ອມດ້ວຍພາກສ່ວນກ່ຽວ ຂ້ອງ ແລະ ອະດີດນັກສຶກສາລາວ ທີ່ກັບມາຈາກຍີ່ປຸ່ນ ເຂົ້າຮ່ວມງານ​ລ້ຽງ.

    • ຜະລິດສື່ການຮຽນແບບໃໝ່ ຜ່ານຢູທູບ ສົ່ງເສີມການຮຽນ-ການສອນວິຊາພາສາອັງກິດສຶກສາ-ກິລາ

      ຜະລິດສື່ການຮຽນແບບໃໝ່ ຜ່ານຢູທູບ ສົ່ງເສີມການຮຽນ-ການສອນວິຊາພາສາອັງກິດ

      3/16/2023 4:06:08 PM

      ຂປລ. ກະຊວງສຶກສາທິການ ແລະ ກິລາ ຮ່ວມກັບລັດຖະບານ ອົດສະຕຣາລີ ໂດຍຜ່ານແຜນງານບີຄວາ ໄດ້ຜະລິດ ສື່ການຮຽນ-ການສອນແບບໃໝ່ ຜ່ານທາງຊ່ອງທາງຢູທູບ ທີ່ມີຊື່ວ່າ “ວິດີໂອສຳ ລັບການພັດທະນາຄູ (Teacher Development Videos)” ເພື່ອສົ່ງເສີມການຮຽນ-ການສອນ ວິຊາພາສາອັງກິດ ຊັ້ນປະຖົມສຶກສາປີທີ 4 ໃນໂຮງຮຽນຕ່າງໆ.

    • ໄລຍະ 30 ປີ ໂຮງຮຽນກຽດ ຕິສັກນາໆຊາດ ມີນັກຮຽນສໍາເລັດການສຶກສາ 14 ຮຸ່ນສຶກສາ-ກິລາ

      ໄລຍະ 30 ປີ ໂຮງຮຽນກຽດ ຕິສັກນາໆຊາດ ມີນັກຮຽນສໍາເລັດການສຶກສາ 14 ຮຸ່ນ

      3/2/2023 9:03:56 AM

      ຂປລ. ​ເມື່ອ​ບໍ່​ດົນ​ມາ​ນີ້, ໂຮງຮຽນກຽດຕິສັກນາໆຊາດ ​ໄດ້ສະເຫລີມສະຫລອງ ວັນສ້າງຕັ້ງຄົບ ຮອບ 30 ປີ, ຈາກຈຸດເລີ່ມຂອງໂຮງຮຽນ ທີ່ເປີດການຮຽນ-ການສອນຄັ້ງທໍາອິດ ມີນັກຮຽນພຽງ 20 ກວ່າຄົນ, ​ແຕ່ປັດຈຸບັນ ມີນັກຮຽນລາວ ແລະ ຕ່າງປະເທດ ເຂົ້າມາຮໍ່າຮຽນ 1.000 ກວ່າຄົນ ເຊິ່ງໄດ້ກາຍເປັນໂຮງຮຽນ ນານາຊາດທີ່ມີຊື່ສຽງ, ໄດ້ຮັບຄວາມນິຍົມ ອັນດັບຕົ້ນຂອງປະເທດ ແລະ ເປັນທີ່ຮັບຮູ້ໃນແຖວໜ້າຂອງອາຊຽນ, ມາ​ຮອດ​ປັດຈຸບັນ

    • ລັດຖະບານຍີ່ປຸ່ນ ຊ່ວຍສ້າງອາຄານຮຽນ ຢູ່ແຂວງຈຳປາສັກສຶກສາ-ກິລາ

      ລັດຖະບານຍີ່ປຸ່ນ ຊ່ວຍສ້າງອາຄານຮຽນ ຢູ່ແຂວງຈຳປາສັກ

      2/28/2023 4:03:49 PM

      ຂປລ. ລັດຖະບານຍີ່ປຸ່ນ ໄດ້ໃຫ້ການຊ່ວຍເຫລືອ ກໍ່ສ້າງອາຄານຮຽນ ແລະ ຫ້ອງນໍ້າໃໝ່ ຢູ່ໂຮງຮຽນມັດທະຍົມສົມບູນໂນນຍາງ ເມືອງສຸຂຸມາ ແຂວງຈຳປາສັກ ລວມມູນຄ່າປະມານ 104.000 ໂດລາສະຫະລັດ, ພ້ອມທັງສະໜອງ ອຸປະກອນ-ເຄື່ອງໃຊ້ ໃຫ້ໂຮງຮຽນດັ່ງກ່າວ ເພື່ອສົ່ງເສີມການສຶກສາຂອງນັກຮຽນ ແລະ ຄູອາຈານແຂວງຈຳປາສັກ, ທັງ​ເປັນ​ການປະກອບສ່ວນ ເຂົ້າໃນການປັບປຸງສະພາບແວດລ້ອມ ການສຶກສາ ແລະ ສະພາບສຸຂະອານະໄມ ຂອງໂຮງຮຽນດັ່ງກ່າວ.

    • ມອບ-ຮັບຊົ່ວຄາວອາຄານໂຮງຮຽນສາທິດ ວິທະຍາໄລຄູ ດົງຄຳຊ້າງສຶກສາ-ກິລາ

      ມອບ-ຮັບຊົ່ວຄາວອາຄານໂຮງຮຽນສາທິດ ວິທະຍາໄລຄູ ດົງຄຳຊ້າງ

      2/28/2023 3:17:14 PM

      ຂປລ. ພິທີມອບ-ຮັບຊົ່ວຄາວ ອາຄານໂຮງຮຽນສາທິດ ວິທະຍາໄລຄູ ດົງຄຳຊ້າງ ຈັດ​ຂຶ້ນ​ໃນວັນທີ 27 ພຶດສະພາ 2023 ພາຍຫລັງລົງມືກໍ່ສ້າງ ນັບແຕ່ວັນທີ 1 ມີນາ 2022 ເປັນຕົ້ນມາ ຊຶ່ງມີໄລຍະເວລາ ໃນການກໍ່ສ້າງຕາມສັນຍາແມ່ນ 15 ເດືອນ, ​ແຕ່ຜ່ານ​ການຈັດ​ຕັ້ງປະຕິບັດ ​ໃຊ້​ເວລາ 12 ​ເດືອນ​ແມ່ນ​ໄດ້ກໍ່ສ້າງສຳເລັດແລ້ວ 100%.

ads
ads

Top