ຂປລ
ຂປລ. ໃນວັນທີ 2 ກຸມພາ 2023 ທີ່ອົງການກາແດງແຫ່ງຊາດລາວ, ໄດ້ມີພິທີມອບຫລຽນມິດຕະພາບ ໃຫ້ສະພາກາຊາດ ແຫ່ງຣາຊະອານາຈັກໄທ ແລະ ເຊັນບົດບັນທຶກຄວາມເຂົ້າໃຈໃນການຮ່ວມມືລະຫວ່າງ ສະພາກາຊາດ ແຫ່ງ ຣາຊະອານາຈັກໄທ ແລະ ອົງການກາແດງແຫ່ງຊາດລາວ ໂດຍການຮ່ວມລົງນາມ ລະຫວ່າງ ທ່ານ ພູທອນ ເມືອງປາກ ປະທານອົງການກາແດງແຫ່ງຊາດລາວ ແລະ ທ່ານ ເຈດ ບຸນນາກ ເລຂາທິການ ສະພາກາຊາດໄທ ໂດຍມີພາກສ່ວນກ່ຽວຂ້ອງສອງຝ່າຍ ເຂົ້າຮ່ວມ.
ຂປລ. ໃນວັນທີ 2 ກຸມພາ 2023 ທີ່ອົງການກາແດງແຫ່ງຊາດລາວ, ໄດ້ມີພິທີມອບຫລຽນມິດຕະພາບ ໃຫ້ສະພາກາຊາດ ແຫ່ງຣາຊະອານາຈັກໄທ ແລະ ເຊັນບົດບັນທຶກຄວາມເຂົ້າໃຈໃນການຮ່ວມມືລະຫວ່າງ ສະພາກາຊາດ ແຫ່ງ ຣາຊະອານາຈັກໄທ ແລະ ອົງການກາແດງແຫ່ງຊາດລາວ ໂດຍການຮ່ວມລົງນາມ ລະຫວ່າງ ທ່ານ ພູທອນ ເມືອງປາກ ປະທານອົງການກາແດງແຫ່ງຊາດລາວ ແລະ ທ່ານ ເຈດ ບຸນນາກ ເລຂາທິການ ສະພາກາຊາດໄທ ໂດຍມີພາກສ່ວນກ່ຽວຂ້ອງສອງຝ່າຍ ເຂົ້າຮ່ວມ.
ການເຊັນບົດບັນທຶກການຮ່ວມມືຄັ້ງນີ້, ແມ່ນອີງໃສ່ຜົນກອງປະຊຸມຮ່ວມມືລະຫວ່າງ ອົງການກາແພງແຫ່ງຊາດລາວ ແລະ ສະພາກາຊາດແຫ່ງຊາດໄທ ຄັ້ງທີ 3 ໃນຕົ້ນເດືອນພະຈິກ ປີ 2022 ທີ່ຈັງຫວັດນະຄອນພະນົມ ຣາຊະອານາຈັກໄທ ເຊິ່ງທັງສອງອົງການໄດ້ເຫັນດີເປັນເອກະພາບໃຫ້ມີການເຊັນສັນຍາສະບັບໃໝ່ຂຶ້ນ ໂດຍການອານຸມັດຈາກກະຊວງການຕ່າງປະເທດ. ໃນບົດບັນທຶກດັ່ງກ່າວປະກອບມີ 7 ມາດຕາ ແລະ 6 ຂົງເຂດວຽກງານທີ່ສອງຝ່າຍຕ້ອງຊ່ວຍເຫລືອ ແລະ ສົ່ງເສີມຮ່ວມກັນຄື: ການຄຸ້ມຄອງໄພພິບັດ ແລະ ການສົ່ງເສີມສຸຂະພາບ, ການບໍລິການເລືອດ, ການພັດທະນາອົງກອນ, ການຊອກຫາແຫລ່ງທຶນ ແລະ ການໂຄສະນາ, ການຄຸ້ມຄອງຊາວໜຸ່ມ ແລະ ອາສາສະໝັກ, ວຽກງານພາລາທິການ; ຕີລາຄາການຮ່ວມມື, ແລກປ່ຽນວຽກງານໃນໄລຍະ 5 ປີຜ່ານມາ ເລີ່ມແຕ່ເດືອນເມສາ 2018-2022 ລະຫວ່າງສະພາກາຊາດໄທ ແລະ ອົງການກາແດງແຫ່ງຊາດລາວ ເຊິ່ງໄດ້ດຳນົດຂອບການ ຮ່ວມມືໃນຂົງເຂດວຽກງານການແພດ ແລະ ສາທາລະສະສຸກ, ການຄຸ້ມຄອງ, ການສ້າງຄວາມພ້ອມ, ຕອບໂຕ້ ແລະ ຟື້ນຟູໄພພິບັດ, ການພັດທະນາຄຸນນະພາບຊິວິດ, ການພັດທະນາອົງກອນ, ການຂົນຂວາຍຊອກຫາແຫລ່ງທຶນ, ການແລກປ່ຽນຂໍ້ມູນຂ່າວສານ ລວມມູນຄ່າຫລາຍກວ່າ 29 ລ້ານບາດ, 815.670 ໂດລາສະຫະລັດ ແລະ ທັງສອງຝ່າຍຈະຈັດກອງປະຊຸມລະຫວ່າງຂັ້ນການນຳ ທຸກໆສອງປີ ເພື່ອປຶກສາຫາລືກ່ຽວກັບການຮ່ວມມືສອງຝ່າຍ ແລະ ຕົກລົງຮອງຮັບເອົາແຜນວຽກທຸກໆສອງ ປີ ພ້ອມທັງຜັດປ່ຽນກັນເປັນເຈົ້າພາບຈັດກອງປະຊຸມນຳດ້ວຍ.
ໃນໂອກາດນີ້, ສະພາກາຊາດໄທ ໄດ້ມອບ-ຮັບເຮືອກູ້ໄພ ແລະ ນ້ຳຢາເຄມີ, ອຸປະກອນການແພດ ເຮັບໃຊ້ເຂົ້າໃນວຽກງານຂອງອົງການກາແດງແຫ່ງຊາດລາວ ມູນຄ່າ 1.700.000 ບາດ.
ຂ່າວ: ວຽງສະຫວັນ
ພາບ: ເກດສະໜາ
KPL
