ຂປລ
ຂປລ. ກຸ່ມບໍລິສັດດອກງິ້ວຄຳ ຈຳກັດ ໄດ້ຈັດກອງປະຊຸມ ສົ່ງເສີມການລົງທຶນ ແລະ ການທ່ອງທ່ຽວຂຶ້ນວັນທີ 28 ມັງກອນ 2023 ທີ່ໂຮງແຮມ ດາວດອກ ງິ້ວຄຳ ເຂດເສດຖະກິດສາມຫລ່ຽມຄຳ ໃນໂອກາດເທສະການດອກງິ້ວບານ
ຂປລ. ກຸ່ມບໍລິສັດດອກງິ້ວຄຳ ຈຳກັດ ໄດ້ຈັດກອງປະຊຸມ ສົ່ງເສີມການລົງທຶນ ແລະ ການທ່ອງທ່ຽວຂຶ້ນວັນທີ 28 ມັງກອນ 2023 ທີ່ໂຮງແຮມ ດາວດອກ ງິ້ວຄຳ ເຂດເສດຖະກິດສາມຫລ່ຽມຄຳ ໃນໂອກາດເທສະການດອກງິ້ວບານ ຄັ້ງທີ 20 ປະຈຳປີ 2023 ໂດຍການເປັນປະທານຂອງ ທ່ານ ເຄື່ອນເພັດ ວົງຈັນ ຮອງເຈົ້າແຂວງບໍ່ແກ້ວ, ທ່ານ ຈ້າວ ເຫວີຍ ປະທານສະພາບໍລິຫານ ເຂດເສດຖະກິດ ພິເສດສາມຫລ່ຽມຄໍາ, ມີບັນດາ ນັກທຸລະກິດ ຈາກປະເທດຈີນ, ໄທ ແລະ ມຽນມາ ແລະ ພາກສ່ວນກ່ຽວຂ້ອງ ເຂົ້າຮ່ວມ.
ທ່ານ ເຄື່ອນເພັດ ວົງຈັນ ໄດ້ກ່າວວ່າ: ເພື່ອເປັນການສືບຕໍ່ ຊຸກຍູ້ສົ່ງເສີມການລົງທຶນ ແລະ ການທ່ອງທ່ຽວໃນດ້ານຕ່າງໆ ພ້ອມທັງຍົກໃຫ້ເຫັນເງື່ອນໄຂ ແລະ ທ່າແຮງ ທີ່ມີຢູ່ພາຍໃນແຂວງ ແລະ ສະພາບການລົງທຶນ ໃນໄລຍະຜ່ານມາຢູ່ ແຂວງບໍ່ແກ້ວ ກໍຄື ຢູ່ເຂດເສດຖະກິດ ພິເສດສາມຫລ່ຽມຄຳ ເຫັນວ່າມີດ້ານດີ ແລະ ຂໍ້ຄົງຄ້າງຕ່າງໆ ເພື່ອພ້ອມກັນປຶກສາຫາລື ຫາວິທີແກ້ໄຂໃນຕໍ່ໜ້າ ພ້ອມທັງມີການວາງແຜນ ນະໂຍບາຍດ້ານຕ່າງໆ ຕໍ່ການລົງທຶນ ໃຫ້ສອດ ຄ່ອງກັບລະບຽບ ກົດໝາຍການລົງທຶນ, ທັງໃຫ້ຖືກກັບ ສະພາບຈຸດພິເສດ ຄວາມເປັນຈິງຂອງແຂວງ ເຮັດໃຫ້ການລົງທຶນ ແລະ ການທ່ອງທ່ຽວຢູ່ ແຂວງ ບໍ່ແກ້ວ ນັບມື້ມີການເຕີບໃຫຍ່ ຂະຫຍາຍຕົວດີຂຶ້ນກ່ວາເກົ່າ.
ກອງປະຊຸມຄັ້ງນີ້, ໄດ້ຮັບຟັງເນື້ອໃນສຳຄັນ 2 ຫົວຂໍ້ຄື: ການສົ່ງເສີມການລົງທຶນຂອງ ແຂວງບໍ່ແກ້ວ ແລະການພັດທະນາ ບັນດາໂຄງການ ສົ່ງເສີມການ ທ່ອງທ່ຽວ ແລະ ການລົງທຶນພາຍໃນ ເຂດເສດຖະກິດພິເສດສາມຫລ່ຽມຄຳ. ຈາກນັ້ນ, ຜູ້ເຂົ້າຮ່ວມໄດ້ມີການແລກປ່ຽນ ຄຳຄິດຄຳເຫັນ ເຊິ່ງກັນ ແລະ ກັນ ເພື່ອເຮັດໃຫ້ ການສົ່ງເສີມການລົງ ທຶນຢູ່ແຂວງບໍ່ແກ້ວ ກໍຄື ຢູ່ເຂດເສດຖະກິດ ພິເສດສາມຫລ່ຽມຄຳ ໃຫ້ໄດ້ຮັບການຫັນປ່ຽນ ຢ່າງຕັ້ງໜ້າ ເພື່ອປະ ກອບສ່ວນເຂົ້າໃນ ການສ້າງສາ ພັດທະນາປະເທດລາວ ໂດຍສະເພາ ແມ່ນການສືບຕໍ່ພັດທະນາ ແຂວງບໍ່ແກ້ວ ແລະ ເສດຖະ ກິດພິເສດສາມຫລ່ຽມຄຳ ໃຫ້ໄດ້ຮັບ ການພັດທະນາຂຶ້ນເລື້ອຍໆ.
ຂ່າວ-ພາບ: ສຸກສະຫວັດ
KPL
