ຂປລ
ຂປລ. ໃນປີ 2023 ບໍລິສັດ ບົວລະພາ ກະສິກຳ-ປ່າໄມ້ ກຽມຜະລິດໄມ້ອັດສົ່ງອອກຂາຍ ສູ່ບັນດາປະເທດ ເອີຣົບ ແລະ ຫວຽດນາມ ໃຫ້ຫລາຍຂຶ້ນ ຄະນະດຽວກັບ ກໍໄດ້ສົ່ງຜະລິດຕະພັນໄມ້ອັດ ສົ່ງອອກຂາຍຢູ່ປະເທດອົສຕຣາລີ, ອິນເດຍ, ໄທ ແລະ ໂປແລນ ສ່ວນຜະລິດຕະພັນປະເພດ ເຟີນິເຈີ ໄດ້ສົ່ງອອກ ຢູ່ທີ່ປະເທດຍີ່ປຸ່ນ ແລະ ມານດິບ.
]
ຂປລ. ໃນປີ 2023 ບໍລິສັດ ບົວລະພາ ກະສິກຳ-ປ່າໄມ້ ກຽມຜະລິດໄມ້ອັດສົ່ງອອກຂາຍ ສູ່ບັນດາປະເທດ ເອີຣົບ ແລະ ຫວຽດນາມ ໃຫ້ຫລາຍຂຶ້ນ ຄະນະດຽວກັບ ກໍໄດ້ສົ່ງຜະລິດຕະພັນໄມ້ອັດ ສົ່ງອອກຂາຍຢູ່ປະເທດອົສຕຣາລີ, ອິນເດຍ, ໄທ ແລະ ໂປແລນ ສ່ວນຜະລິດຕະພັນປະເພດ ເຟີນິເຈີ ໄດ້ສົ່ງອອກ ຢູ່ທີ່ປະເທດຍີ່ປຸ່ນ ແລະ ມານດິບ. ສຳລັບການຈຳໜ່າຍພາຍໃນປະເທດ ປະເພດໄມ້ອັດ ເຫັນວ່າບໍ່ທັນກວ້າງຂວາງ ແຕ່ຜະລິດຕະພັນປະເພດເຟີນີເຈີ ແມ່ນໄດ້ຮັບຄວາມນິຍົມຢ່າງກວ້າງຂວາງ. ທ່ານ ນາງ ສຸໄພວັນ ທ່ຽງຈັນໄຊ ຜູ້ອຳນວຍການບໍລິສັດ ບົວລະພາ ກະສິກຳ - ປ່າໄມ້ ຈຳກັດ ໄດ້ໃຫ້ສຳພາດຕໍ່ສື່ມວນຊົນວ່າ: ປັດຈຸບັນ ບໍລິສັດ ບົວລະພາ ກະສິກຳ-ປ່າໄມ້ ມີແຜນການເລັ່ງໃສ່ໂຮງງານໄມ້ອັດ ເພື່ອຜະລິດໄມ້ອັດສົ່ງອອກຂາຍໄປຕ່າງປະເທດ ເຊິ່ງໄລຍະຜ່ານມາ ໄດ້ຮັບຜົນກະທົບຈາກ ການແພ່ລະບາດຂອງພະຍາດໂຄວິດ-19 ເຮັດໃຫ້ການສົ່ງອອກພົບຄວາມຫຍຸ້ງຍາກ, ມາຮອດປັດຈຸບັນ ບັນ ຍາກາດໃນການສົ່ງອອກ ໄດ້ກັບເຂົ້າສູ່ສະພາບປົກກະຕິ ເຮັດໃຫ້ຄວາມຕ້ອງການໄມ້ອັດຫລາຍຂຶ້ນ, ສະນັ້ນ ທາງບໍລິສັດ ຈຶ່ງໄດ້ຈະເລັ່ງໃສ່ຜະລິດໄມ້ອັດ ເພື່ອຕອບສະໜອງຄວາມຕ້ອງການຂອງຕະຫລາດ ໂດຍການຜະລິດຕະຫລອດ 24 ຊົ່ວໂມງ.
ທ່ານນາງ ສຸໄພວັນ ທ່ຽງຈັນໄຊ ຍັງໃຫ້ຮູ້ອີກວ່າ: ລັດຖະບານ ໄດ້ສົ່ງເສີມພື້ນທີ່ດິນ 60 ພັນເຮັກຕາ ໃນປ່າຜະລິດທີ່ຊຸດໂຊມ ເພື່ອປູກໄມ້ເຂົ້າມາປ້ອນໂຮງງານ ເຊິ່ງໄດ້ລົງສຳຫລວດພື້ນທີ່ໃນປ່າຜະລິດທີ່ຊຸດໂຊມ ເພື່ອກ້າວໄປສູ່ການປູກ, ປັດຈຸບັນ ບໍລິສັດ ບົວລະພາ ກະສິກຳ-ປ່າໄມ້ ມີສວນປູກໄມ້ ປະມານ 6.000 ກວ່າເຮັກຕາ ແລະ ມີແຜນປູກໃນປີ 2023 ປະມານ 1.000 ກວ່າເຮັກຕາ ເຊິ່ງແຕ່ລະປີຈະປູກເພີ່ມຂຶ້ນເລື້ອຍໆ. ນອກຈາກນີ້, ບໍລິສັດ ບົວລະພາ ຍັງສະໜອງເບ້ຍໄມ້ໃຫ້ປະຊາຊົນ ຜູ້ທີ່ມີຄວາມພ້ອມທີ່ຈະປູກ ໃນເນື້ອທີ່ດິນຂອງເຂົາເຈົ້າ ພ້ອມທັງແນະນຳດ້ານວິຊາການ ເມື່ອເວລາຕົ້ນໄມ້ໃຫຍ່ ປະຊາຊົນສາມາດຂາຍໃຫ້ບໍລິສັດ ຫລື ຈະຂາຍໃຫ້ພາກສ່ວນອື່ນກໍສາມາດຂາຍໄດ້.
ຂ່າວ: ກິດຕາ
ພາບ: ເກດສະໜາ
KPL
