ຂປລ
ຂປລ. ບໍລິສັດ ຊີໂນ-ອາກຣີ ໂປຕາສ ຈໍາກັດ (ຊີໂນ-ອາກຣີ ໂປຕາສ) ແລະ ລັດຖະບານ ແຫ່ງ ສປປ ລາວ ໄດ້ ລົງນາມໃນສັນຍາ ວ່າດ້ວຍການສໍາຫລວດແຮ່ເກືອໂປຕາສ ຢູ່ເຂດບ້ານໜອງລົ່ມ ເມືອງໜອງບົກ ແຂວງຄໍາມ່ວນ ໃນເນື້ອທີ່ 48.52 ກິໂລຕາແມັດ ໃນວັນທີ 28 ພະຈິກ ຜ່ານມາ ໂດຍມີຜູ້ຕາງໜ້າຈາກສໍານັກງານນາຍົກລັດຖະມົນຕີ, ການນໍາກະຊວງແຜນການ ແລະ ການລົງທຶນ, ກະຊວງພະລັງງານ ແລະ ບໍ່ແຮ່, ອໍານາດການປົກຄອງ ແຂວງຄໍາມ່ວນ ແລະ ພາກສ່ວນເຂົ້າຮ່ວມ ແລະ ເປັນສັກຂີພິຍານໃນການເຊັນສັນຍາດັ່ງກ່າວ.
ຂປລ. ບໍລິສັດ ຊີໂນ-ອາກຣີ ໂປຕາສ ຈໍາກັດ (ຊີໂນ-ອາກຣີ ໂປຕາສ) ແລະ ລັດຖະບານ ແຫ່ງ ສປປ ລາວ ໄດ້ ລົງນາມໃນສັນຍາ ວ່າດ້ວຍການສໍາຫລວດແຮ່ເກືອ ໂປຕາສ ຢູ່ເຂດບ້ານໜອງລົ່ມ ເມືອງໜອງບົກ ແຂວງຄໍາມ່ວນ ໃນເນື້ອທີ່ 48.52 ກິໂລຕາແມັດ ໃນວັນທີ 28 ພະຈິກ ຜ່ານມາ ໂດຍມີຜູ້ຕາງໜ້າຈາກສໍານັກງານນາ ຍົກລັດຖະມົນຕີ, ການນໍາກະຊວງແຜນການ ແລະ ການລົງທຶນ, ກະຊວງພະລັງງານ ແລະ ບໍ່ແຮ່, ອໍານາດການປົກຄອງ ແຂວງຄໍາມ່ວນ ແລະ ພາກສ່ວນເຂົ້າຮ່ວມ ແລະ ເປັນສັກຂີພິຍານໃນ ການເຊັນສັນຍາດັ່ງກ່າວ. ພ້ອມກັນນັ້ນ, ບໍລິສັດ ຊີໂນ-ອາກຣີ ໂປຕາສ ຍັງໄດ້ຈັດພິທີເປີດການຊີເຈາະ-ສໍາຫລວດຢ່າງເປັນທາງການ ທີ່ ເຂດແຮ່ໜອງລົ່ມ ໂດຍມີເລຂາພັກ ແຂວງ, ເຈົ້າແຂວງຄໍາມ່ວນ, ຮອງເລຂາພັກ ແຂວງ, ຫົວໜ້າພະແນກພະລັງງານ ແລະ ບໍ່ແຮ່, ເຈົ້າເມືອງຫີນບູນ ແລະ ການ ນໍາຂັ້ນອື່ນໆ, ຕາງໜ້າທີມກໍ່ສ້າງຂອງ ຊີໂນ-ອາກຣີໂປຕາສ, ທັງໝົດ 200 ກວ່າຄົນ ໄດ້ເຂົ້າຮ່ວມ ແລະ ເປັນພິຍານໃນພິທີເປີດການຊີເຈາະ-ສໍາຫລວດດັ່ງ ກ່າວ ດ້ວຍ. ສິ່ງດັ່ງກ່າວໄດ້ເປັນສັນຍາລັກວ່າ ເຂດເນື້ອທີ່ແຮ່ເກືອໂປ ຕາສ 48.52 ກິໂລຕາແມັດ ຢູ່ເຂດບ້ານໜອງລົ່ມ ໄດ້ກ້າວເຂົ້າສູ່ໄລຍະແຫ່ງຄວາມເປັນຈິງນັ້ນສູງ ຂຶ້ນ ແລະ ເປັນນິມິດໝາຍວ່າ ໃນອະນາຄົດປະເທດລາວຈະກາຍເປັນຖານ ການຜະລິດຝູ່ນໂປຕາສ ທີ່ໃຫຍ່ອັນດັບ 4 ຂອງໂລກ.
ໃນ8 ບໍລິສັດ ທີ່ເຂົ້າຮ່ວມປະມູນ ຊີໂນ-ອາກຣີ ໂປຕາສ ແມ່ນໂດດເດັ່ນກວ່າໝູ່
ຕາມທີ່ຮູ້ຈັກ, ໃນການແຂ່ງຂັນປະມູນສິດສໍາປະທານ ຂຸດຄົ້ນ ບໍ່ແຮ່ ໂປຕາສ ຢູ່ບ້ານໜອງລົ່ມນັ້ນ, ລັດຖະບານຈີນ ໄດ້ສືບຕໍ່ຮັບການສະເໜີຈາກ 8 ວິສາ ຫະກິດ, ແຕ່ໃນທີ່ສຸດບໍລິສັດ ຊີໂນ-ອາກຣີ ໂປຕາສ ຈໍາກັດ ກໍໄດ້ຊະນະ ການປະມູນ, ໄດ້ຮັບສິດສໍາປະທານບໍ່ແຮ່ດັ່ງກ່າວ, ອັນເປັນບໍ່ແຮ່ແຫ່ງຄວາມຫວັງຂອງ ລັດຖະບານ.
ການນໍາທີ່ເຂົ້າຮ່ວມພິທີເປີດໄດ້ເວົ້າວ່າ: ຊັບພະຍາກອນ ເກືອໂປຕາສ ທີ່ອຸດົມສົມບູນຂອງລາວ ໄດ້ດຶງດູດ ຈາກນັກລົງທຶນໃນທົ່ວໂລກຢ່າງຫລວງຫລາຍ ແລະ ລັດ ຖະບານ ສປປ ລາວ ມີຄວາມລະມັດລະວັງຫລາຍໃນການ ເລືອກບໍລິສັດມາພັດທະນາ. ລັດຖະບານຈະໃຫ້ບູລິມະສິດ ຫລື ຈະເລືອກບໍລິສັດ ທີ່ມີທຶນ ຮອນອັນເຂັ້ມແຂງ ແລະ ມີເຕັກ ໂນໂລຊີຂຸດຄົ້ນບໍ່ແຮ່ໂປຕາສທີ່ສຸກງອມ, ຮັບປະກັນໃຫ້ບັນດາວິສາຫະກິດ ທີ່ຊະນະການປະມູນມີຄວາມສາມາດດໍາເນີນການສໍາຫລວດ ແລະ ພັດທະນາບໍ່ແຮ່ ໂປຕາສ ໂດຍໄວ ແລະ ປົດປ່ອຍໃຫ້ເຫັນຄຸນຄ່າຂອງຊັບພະຍາ ກອນແຮ່ທາດ. ພ້ອມກັນນັ້ນ, ແມ່ນໄດ້ພິຈາລະນາ ເຖິງເປົ້າໝາຍ ການໄດ້ຮັບສິດສໍາປະທານຂອງ ບໍລິສັດ ທີ່ຊະນະ ການປະມູນ, ພວກເຮົາຫວັງວ່າ ວິສາຫະກິດທີ່ຊະນະການປະມູນຈະມີຄວາມຮັບຜິດຊອບ, ເຮັດວຽກງານຈິງຈັງໜັກແໜ້ນ, ຂຸດຄົ້ນຊັບພະຍາກອນແຮ່ທາດໄດ້ຢ່າງ ເລິກເຊິ່ງ, ຜ່ານການພັດທະນາບໍ່ແຮ່ເຮັດໃຫ້ອຸດສາຫະກໍາ, ກະສິກໍາ ຂອງປະເທດລາວ ມີຄວາມທັນສະໄໝ, ເຮັດໃຫ້ເສດຖະກິດຂອງທ້ອງຖິ່ນມີການພັດທະນາ, ຊີວິດການ ເປັນຢູ່ຂອງ ປະຊາຊົນດີຂຶ້ນ. ຈາກການປະເມີນ, ກວດກາ, ລັດຖະບານຈິ່ງເຫັນວ່າ ຊີໂນ-ອາກຣີ ໂປຕາສ ແມ່ນມີຄວາມເໝາະສົມທີ່ສຸດ.
ຄວາມໄວ ແລະ ປະສິດທິພາບຂອງ ຊີໂນ-ອາກຣີ ໂປຕາສ ໄດ້ກາຍເປັນ "ທີໜຶ່ງ" ໃນຫລາຍດ້າຍຂອງ ສປປ ລາວ
ປີ 2009 ເປັນຕົ້ນມາ ຊີໂນ-ອາກຣີ ໂປຕາສ ໄດ້ເຂົ້າມາປະເທດລາວ ເພື່ອດຳເນີນທຸລະກິດດ້ານການຂຸດຄົ້ນ ແລະ ຈຳໜ່າຍຝຸ່ນໂປຕາສ, ມາຮອດປັດຈຸບັນແມ່ນດໍາເນີນການວຽກງານເກືອໂປຕາສແລ້ວ 13 ປີ, ໄດ້ຮັບສິດສໍາ ປະທານເກືອໂປຕາສທັງໝົດໃນແຂວງຄໍາມ່ວນ, ມີຊັບພະຍາກອນສໍາຮອງ ໂປຕາສຊຽມຄລໍໄຣ ຫລາຍຫວ່າ 829 ລ້ານໂຕນ, ເປັນວິສາຫະກິດທີ່ມີຊັບພະຍາກອນ ເກືອໂປຕາສໃຫຍ່ທີ່ສຸດໃນລາວ ແລະ ອາຊີ. ໃນປີ 2011, ບໍລິສັດ ໄດ້ສໍາເລັດການກໍ່ ສ້າງ ໂຄງການຝຸ່ນໂປຕາສ ແບບ ອຸດສາຫະກໍາທັນສະໄໝ, ຂະໜາດການຜະລິດໃຫຍ່ອັນດັບທີໜຶ່ງ ຂອງປະເທດລາວ. ໃນເດືອນມັງກອນ 2020, ຫລັງຈາກທີ່ ທີມບໍລິຫານໃໝ່ຂຶ້ນດໍາລົງຕໍາແໜ່ງ ກໍເຮັດ ໃຫ້ການດໍາ ເນີນງານມີປະສິດທິຜົນສູງຂຶ້ນ, ເຮັດໃຫ້ຄົນພາຍນອກເຫັນໄດ້ໃນຄວາມມະຫັດສະຈັນດັ່ງກ່າວ.
ໃນເດືອນກັນຍາ 2021, ບໍລິສັດ ໄດ້ສໍາເລັດໃນການກໍ່ສ້າງໂຄງການຝຸ່ນໂປຕາສຂະໜາດ 1 ລ້ານໂຕນແຫ່ງທໍາອິດ ໃນປະເທດລາວ, ເຊິ່ງໃຊ້ເວລາພຽງແຕ່ 17 ເດືອນ, ມີຄວາມໄວໃນການກໍ່ສ້າງທີ່ກາຍລະດັບສາກົນ, ອັນເປັນການສ້າງ "ຄວາມໄວຂອງປະເທດລາວ" ແລະ "ສິ່ງມະຫັດສະຈັນຂອງຂະແໜງການ", ສຸດທ້າຍກາຍເປັນ ໂຄງການ ຝຸ່ນໂປຕາສທີ່ໃຫຍ່ທີ່ສຸດ ໃນອາຊີຕາເວັນອອກສ່ຽງໃຕ້, ສະແດງໃຫ້ເຫັນຄວາມເຂັ້ມແຂງທາງດ້ານການເງິນ, ເຕັກໂນ ໂລຊີທີ່ກ້າວໜ້າ ແລະ ຄວາມສາມາດໃນການຄຸ້ມຄອງ ແບບມືອາຊີບຂອງທີມງານບໍລິຫານຄຸ້ມຄອງ, ກາຍເປັນການດໍາເນີນງານດ້ານແຮ່ເກືອໂປຕາສ ອັນດັບໜຶ່ງຂອງປະເທດລາວ.
ໂຄງການຜະລິດຝຸ່ນໂປຕາສ ຂະໜາດ 1 ລ້ານໂຕນຕໍ່ປີແຫ່ງທີ 2 ຄາດວ່າຈະເລີ່ມດຳເນີນການທົດລອງໃນທ້າຍປີນີ້, ໄລຍະເວລາການກໍ່ສ້າງຂອງໂຮງງານ ແມ່ນໃຊ້ ເວລາພຽງແຕ່ 10 ເດືອນ, ເປັນສະຖິຕິຄວາມໄວທີ່ລື່ນກາຍ ສາກົນ. ໂຄງການຜະລິດຝຸ່ນໂປຕາສແຫ່ງທີ 3 ທີ່ມີກຳລັງການຜະລິດ 1 ລ້ານໂຕນຕໍ່ປີ ໄດ້ ເລີ່ມກໍ່ສ້າງຢ່າງບໍ່ຢຸດຢັ້ງ ແລະ ຄາດວ່າທ້າຍປີໜ້າ ກໍສາມາດທົດລອງຜະລິດ.
ໃນຂະນະທີ່ໄດ້ຮັບສິດສໍາປະທານ ແຮ່ເກືອໂປຕາສ, ບໍລິສັດ ຊີໂນ-ອາກຣີ ໂປຕາສ ໄດ້ຖືເອົາໂອກາດທີ່ຕົນ ເອງມີກໍາລັງແຮງ ເພື່ອສ້າງປະສິດທິພາບການຜະລິດທີ່ ໄວໃນລາວ, ສ້າງສະຕິຖິຕິໃໝ່ ດ້ານການພັດທະນາບໍ່ແຮ່ ໃນ ລາວ, ບັນລຸການດໍາເນີນງານທີ່ວ່ອງໄວ ແລະ ໄດ້ຮັບຄວາມໄວ້ເນື້ອເຊື່ອໃຈລະດັບສູງຈາກລັດຖະບານ ສປປ ລາວ.ຜູ້ຮັບຜິດຊອບຂອງ ຊີໂນ-ອາກຣີ ໂປຕາສ ໄດ້ເວົ້າວ່າ: ໃນເດືອນເມສາຂອງປີນີ້, ບໍລິສັດໄດ້ເລີ່ມສະເໜີຂໍສໍາປະທານບໍ່ແຮ່ ເກືອໂປຕາສ ບ້ານໜອງລົ່ມ ເນື້ອທີ່ 48.52 ກິໂລຕາແມັດ, ໃນວັນທີ 27 ຕຸລາ ໄດ້ຮັບແຈ້ງການກ່ຽວ ກັບການເຈລະຈາສັນຍາສໍາຫລວດ ຈາກກະຊວງແຜນການ ແລະ ການລົງທຶນ, ໃນວັນທີ 4 ພະຈິກ ໄດ້ສໍາເລັດການ ເຈລະຈາກັບອໍານາດການປົກຄອງແຂວງຄໍາມ່ວນ. ວັນທີ 25 ເດືອນພະຈິກ ຫລັງຈາກທີ່ນາຍົກລັດຖະມົນຕີມອບ ສິດໃຫ້ກະຊວງແຜນການ ແລະ ການລົງທຶນ ເຊັນສັນຍາສໍາຫລວດ ກັບບໍລິສັດ, ໃນວັນທີ 27 ພະຈິກ ບໍລິສັດ ກໍສໍາເລັດການຊໍາລະຄ່າສໍາປະທານ 10 ລ້ານໂດລາສະຫະລັດ, ໄດ້ຈ່າຍ ອາກອນຊັບພະຍາກອນ ແລະ ໄດ້ຈັດຕັ້ງການ ເຊັນສັນຍາສໍາຫລວດສໍາເລັດ ແລະ ເລີ່ມການສໍາຫລວດໃນວັນທີ 28 ພະຈິກ.ໃນລະຫວ່າງນັ້ນ, ຊີໂນ-ອາກຣີ ໂປ ຕາສ ໄດ້ກໍານົດແຜນການສໍາຫລວດທີ່ລະອຽດ, ເພີ່ມຈໍານວນຂຸມເຈາະສໍາຫລວດທີ່ໄດ້ມາດຕະຖານຕາມຂັ້ນຕອນການຂຸດຄົ້ນ ໂດຍເພີ່ມຂຶ້ນຈາກ 37 ເປັນ 46 ເກີນມາດຕະຖານການຂຸດ ເຈາະ ໃນພື້ນທີ່ຂຸດຄົ້ນບໍ່ແຮ່ເບື້ອງຕົ້ນໃນໄລຍະການຂຸດ ຄົ້ນບໍ່ແຮ່. ພ້ອມນັ້ນຍັງໄດ້ມີການກໍານົດເຈດຈໍານົງການສໍາຫລວດກັບ 2 ບໍລິສັດ, ສາມາດຮວບຮວມເຄື່ອງຂຸດເຈາະໄດ້ 23 ເຄື່ອງ, ປັດຈຸບັນ ມີ 10 ກວ່າເຄື່ອງທີ່ມາຮອດ ສະໜາມ ແລະ ສາມາດນໍາໃຊ້ໄດ້ແລ້ວ, ສ່ວນທີ່ເຫລືອແມ່ນກໍາລັງທະຍອຍມາ.
ຜູ້ຮັບຜິດຊອບໄດ້ເວົ້າວ່າ: ແຜນການສໍາຫລວດ ຂອງບໍລິສັດ ໄດ້ຍົກສູງປະສິດທິພາບ ແລະ ຄວາມໄວໃນ ການສຳຫລວດ ແລະ ຜະລິດເກືອໂປຕາສ ບ້ານໜອງລົ່ມ, ປັບໄລຍະການສໍາຫລວດເດີມ 2 ປີ, ສຶກສາຄວາມເປັນ ໄປໄດ້ 1 ປີ ແລະ ການປະເມີນສິ່ງແວດລ້ອມ 1 ປີ ມາເປັນ 2 ຂັ້ນຕອນ, ແຕ່ລະຂັ້ນຕອນ 1 ປີ ແລະ ພະຍາຍາມໃຫ້ສຳເລັດການສຳຫລວດພາຍໃນເຄິ່ງປີ, ສຳເລັດການສຶກສາຄວາມເປັນໄປໄດ້ ແລະ ການປະເມີນຜົນກະທົບຕໍ່ສິ່ງແວດ ລ້ອມໃນອີກເຄິ່ງປີ. ຫລັງຈາກດໍາເນີນການຜະລິດເກືອ ໂປຕາສ, ນອກຈາກຜົນປະໂຫຍດທີ່ໄດ້ມາຈາກການລົງທຶນໃນ ຊັບສິນຄົງທີ່ໃນໄລຍະການກໍ່ສ້າງ, ທຸກໆການຜະລິດ ເກືອໂປຕາສ 1 ລ້ານໂຕນ ຊຸກຍູ້ໃຫ້ເກີດການຈ້າງງານ 3.000 ຄົນ ແລະ ສາມາດເສຍພາສີອາກອນປະຈໍາປີໃຫ້ແກ່ລັດຖະບານເປັນເງິນ 30 ລ້ານໂດລາສະຫະລັດ, ຜົນປະໂຫຍດທາງດ້ານເສດຖະກິດໃນອະນາຄົດຂອງໂຄງການຂຸດຄົ້ນເກືອໂປຕາສ ຢູ່ບ້ານໜອງລົ່ມ ຄາດວ່າຈະສູງກວ່າຄວາມຄາດຫວັງຂອງລັດຖະບານລາວ.
ໃນໄລຍະທີ່ສຳຄັນຂອງການຫັນປ່ຽນ ແລະ ພັດທະນາເສດຖະກິດ, ປະສິດທິພາບ ແລະ ຄວາມໄວໃນການດໍາເນີນງານຂອງບໍລິສັດ ແມ່ນເປັນແບບຢ່າງທີ່ດີໃຫ້ກັບ ຂະແໜງການອື່ນໆໃນລາວ.
ຮູບແບບການພັດທະນາເຂດນິຄົມອຸດສາຫະກໍາໂປຕາສ ຂອງ
ບໍລິສັດ ຊີໂນ-ອາກຣີ ໂປຕາສ ຈໍາກັດ ທີ່ໜ້າສຶກສາ ແລະ ຮຽນຮູ້
ເນັ້ນໃສ່ການພັດທະນາກໍ່ສ້າງເຂດບໍ່ແຮ່ດັ່ງກ່າວ, ບໍລິສັດ ຊີໂນ-ອາກຣິ ໂປຕາສ ຈໍາກັດ ກໍມີການວາງແຜນ ລະອຽດ, ການວາງແຜນດັ່ງກ່າວເປັນນະວັດຕະ ກໍາໃໝ່ ຂອງຮູບແບບການພັດທະນາບໍ່ແຮ່ ຫລື ຈະເປັນການຫັນປ່ຽນມູນຄ່າຊັບພະຍາກອນບໍ່ແຮ່ຂອງປະເທດລາວ ກາຍເປັນມູນຄ່າເສດຖະກິດ, ຊຸກຍູ້ການພັດ ທະນາເສດຖະກິດ ແລະ ສັງຄົມປະເທດລາວຢ່າງແທ້ຈິງ.
ຈາກການເປີດເຜີຍຂອງຫົວໜ້າວິສະວະກອນ ບໍລິສັດ ຊີໂນ-ອາກຣີ ໂປຕາສ ຈໍາກັດ ໃຫ້ຮູ້ວ່າ: ບໍລິສັດ ກໍາລັງກໍ່ສ້າງເຂດນິຄົມອຸດສາຫະກໍາລະດັບປະເທດຢູ່ແຂວງຄໍາມ່ວນ. ອີງໃສ່ຊັບພະຍາກອນບໍ່ແຮ່ທີ່ມີໃນ ປັດຈຸບັນມີຄື: 1. ເລັ່ງຂະຫຍາຍກໍາລັງການຜະລິດຂອງຝຸ່ນໂປຕາສ, ສ້າງເຂດນິຄົມອຸດສາຫະກໍາຝຸ່ນໂປຕາສ. ປັດຈຸບັນ, ໂຄງ ການທີ2 ແລະ ໂຄງການທີ 3 ໂຄງການຜະລິດຝຸ່ນໂປຕາສ 1 ລ້ານໂຕນ/ປີ ກໍາລັງດໍາເນີນການກໍ່ສ້າງຢ່າງເຕັມທີ່, ສ່ວນໂຄງ ການທີ 4 ແລະ ໂຄງ ການທີ 5 ໂຄງການຜະລິດ ຝຸ່ນໂປຕາສ 1 ລ້ານໂຕນ/ປີ ແມ່ນໄດ້ປະກອບເອກະສານ ແລະ ສະ ເໜີໄປຫາພາກສ່ວນທີ່ກ່ຽວຂ້ອງພາກລັດຂອງລາວແລ້ວ. ຄາດຄະ ເນ ປີ 2023 ບັນລຸກໍາລັງການຜະລິດປຸ໋ຍໂປຕາສ 3 ລ້ານໂຕນ, ປີ 2025 ບັນລຸກໍາລັງການຜະລິດ 5 ລ້ານໂຕນ, ພະຍາຍາມສູ້ຊົນເພື່ອໃຫ້ບັນລຸຂະໜາດກໍາລັງການຜະລິດລະດັບ 10 ລ້ານໂຕນໃນໄລຍະກາງ ແລະ ໄລຍະຫລັງ, ກາຍເປັນຖານຜະລິດຝຸ່ນໂປຕາສໃຫຍ່ທີ່ສຸດໃນອັນດັບທີ 4 ຂອງໂລກ; 2. ສົມທົບພັດທະນາຊັບພະຍາກອນທີ່ບໍ່ແມ່ນໂປຕາສ, ສ້າງນິຄົມອຸດສາຫະກໍາອະໂປຕາສ (ບໍ່ມີໂປ ຕາສ), ນໍາໃຊ້ຊັບພະຍາກອນແຮ່ຕິດພັນຂອງບໍ່ແຮ່ເກືອໂປຕາສ (ໂບຣມິນ, ເກືອນາຕີ ແລະ ອື່ນໆ), ພັດທະນາໂຄງການສານໂບຣມິນ, ອຸດສາຫະກໍາເຄມີ ຄລໍ-ອານຄາໄລ(chlor-alkali), ເກືອບໍລິໂພກ ແລະ ອື່ນໆ, ນໍາໃຊ້ຊັບພະຍາ ກອນບໍ່ແຮ່ແບບກວມລວມໃນວົງປິດ,ລົງເລິກການເພີ່ມມູນຄ່າເສດຖະກິດ, ຜ່ານການວາງແຜນຜະລິດຕະພັນຫລາຍ ຮູບແບບ, ສ້າງເປັນຮູບແບບອຸດສາຫະກໍາໃໝ່ທີ່ທົດແທນ ການນໍາເຂົ້າ ແລະ ສ້າງລາຍຮັບຈາກການສົ່ງອອກຂອງປະ ເທດລາວ; 3. ສ້າງຕົວເມືອງ ອາຊີ-ໂປຕາສຂະໜາດນ້ອຍ, ຊຸກຍູ້ການພັດທະນາແບບຕົວເມືອງ. ຜ່ານ ການສ້າງຕົວ ເມືອງຂະໜາດນ້ອຍ, ປັບປຸງສະພາບແວດລ້ອມດໍາລົງຊີວິດຂອງປະຊາຊົນໃນບໍລິເວນ ອ້ອມຂ້າງ, ດໍາເນີນການເຄື່ອນ ໄຫວຊ່ວຍເຫລືອລົບລ້າງ ຄວາມທຸກຍາກດ້ວຍກະສິກໍາ ແລະ ສ້າງກອງທຶນການສຶກສາ, ເຮັດໃຫ້ການພັດທະນາສົ່ງ ຜົນປະໂຫຍດຕົວຈິງຕໍ່ປະຊາຊົນໃນບໍລິເວນອ້ອມຂ້າງ, ຊຸກຍູ້ການພັດທະນາເສດຖະກິດທ້ອງຖິ່ນ ແລະ ການກໍ່ສ້າງຊີວິດສັງຄົມ. ໃນອະນາຄົດ, ບໍລິສັດວາງແຜນຈະນໍາເອົາຮູບແບບການພັດທະນາດັ່ງກ່າວ ໄປນໍາໃຊ້ໃນເຂດບໍ່ເກືອໂປຕາສ ເນື້ອທີ່ 48.52 ກິໂລຕາແມັດ ຢູ່ບ້ານໜອງລົ່ມ ແລະ ເຮັດໃຫ້ນິຄົມອຸດສາຫະກໍາມີການເຊື່ອມໂຍງກັນ, ສ້າງ ມູນຄ່າສູງກວ່າເກົ່າ ແລະ ສົ່ງຜົນປະໂຫຍດຕໍ່ປະຊາຊົນຫລາຍກວ່າເກົ່າ.
ບໍລິສັດ ຊີໂນ-ອາກຣີ ໂປຕາສ ຈໍາກັດ ໄດ້ຖືເອົາອຸດສາຫະກໍາຝຸ່ນໂປຕາສ ເປັນແກ່ນສານ, ດໍາເນີນການຂະ ຫຍາຍຕ່ອງໂສ້ອຸດສາຫະກໍາແບບແນວຕັ້ງ-ແນວນອນ, ສ້າງຮູບແບບການພັດທະນາຂອງເຂດນິຄົມອຸດສາຫະກໍາ, ບໍ່ພຽງແຕ່ຈະຊ່ວຍສະໜອງແນວຄິດໃໝ່ ແລະ ການສາທິດໃໝ່ໃຫ້ແກ່ ການພັດທະນາຊັບພະຍາກອນບໍ່ແຮ່ຂອງປະເທດລາວ, ມີຜົນດີຕໍ່ການຊຸກຍູ້ການພັດທະນາອຸດສາຫະກໍາ ແລະ ຕົວເມືອງຂອງປະເທດລາວ.
ປຽບເໝືອນຟ້າກັບດິນ, ການສົມທຽບຢ່າງຮຸນແຮງເຮັດໃຫ້ມີການໄຕ່ຕອງ
ໃນເຂດບໍ່ເກືອໂປຕາສ ບ້ານໜອງລົ່ມ, ບໍລິສັດ ໄດ້ຈັດສັນເຄື່ອງຈັກຊີເຈາະ 10 ກວ່າເຄື່ອງ ເຂົ້າໃນວຽກງານການເຈາະສໍາຫລວດໃນອາກາດທີ່ຮ້ອນຫລາຍ, ບັນຍາ ກາດໃນພິທິເປີດໂຄງການ ເຮັດໃຫ້ເຮົາເຫັນຄວາມຈະເລີນຮຸ່ງ ເຮືອງໃນອະນາຄົດ. ແຕ່ວ່າ, ນັກຂ່າວກໍໄດ້ສັງເກດເຫັນເຂດບໍ່ແຮ່ອີກເຂດໜຶ່ງ ທີ່ຕິດກັບເຂດບໍ່ເກືອໂປຕາສ ບ້ານ ໜອງລົ່ມ ແມ່ນງຽບເຫງົາຫລາຍ. ພາຍຫລັງທໍາຄວາມເຂົ້າໃຈແລ້ວ, ນັກຂ່າວຈຶ່ງຮູ້ວ່າ ນີ້ກໍເປັນເຂດບໍ່ເກືອໂປຕາສອີກເຂດໜຶ່ງທີ່ຕິດກັບເຂດບໍ່ເກືອໂປຕາສ ບ້ານໜອງລົ່ມ ເຊິ່ງໄດ້ເຊັນສັນຍາສຶກສາສໍາຫລວດໃນເດືອນ 3 ປີ 2022, ແຕ່ວ່າການວາງເງິນຂອງບໍລິສັດແມ່ນມີຄວາມຊັກຊ້າ, ປະສິດທິພາບການສໍາຫລວດກໍ່ຕໍ່າຫລາຍ, ປັດຈຸບັນສໍາ ເລັດການຊີເຈາະພຽງ 2 ຮູເທົ່ານັ້ນ ແລະ ວຽກງານການສໍາຫລວດຢູ່ໃນສະພາບຢຸດເຊົາ.
ຈາກທີ່ຮັບຮູ້ແລ້ວ, ຊັບພະຍາກອນບໍ່ແຮ່ຂອງປະເທດລາວມີຄວາມອຸດົມສົມບູນ, ລວມທັງບໍ່ເກືອໂປຕາສ, ບໍ່ຖ່ານຫີນ, ບໍ່ບົກຊິດ ແລະ ບໍ່ແຮ່ອື່ນໆ, ລະ ດັບການພັດທະນາຂ້ອນຂ້າງຕໍ່າ, ພື້ນທີ່ການພັດທະນາກວ້າງ, ກາຍເປັນ“ສະຫວັນແຫ່ງການຂຸດຄົ້ນບໍ່ຄໍາ”ຂອງນັກລົງທຶນ, ໄດ້ດຶງດູດນັກລົງທຶນເປັນຈໍານວນຫລາຍ. ພ້ອມນີ້,ກໍໄດ້ດຶງດູດ ນັກສວຍໂອກາດ ແລະ ນັກລົງທຶນທີ່ມີຄວາມສາມາດຕໍ່າ, ວິສາຫະກິດລັກສະນະສວຍໂອກາດເຫລົ່ານີ້ ມັກຈະກັກ ຕຸນ ແລະ ຄອບຄອງສິດ, ເມື່ອໄດ້ຮັບສິດທິໃນວຽກບໍ່ແຮ່ແລ້ວ ບໍ່ດໍາເນີນການພັດທະນາ, ລໍຖ້າໂອກາດແລ້ວໂອນ ຂາຍດ້ວຍລາຄາສູງ; ວິສາຫະກິດທີ່ມີຄວາມສາມາດຕໍ່າ, ໃນເມື່ອໄດ້ຮັບສິດແລ້ວ, ເນື່ອງຈາກມີຂໍ້ຈໍາກັດດ້ານຄວາມ ສາມາດ, ພຽງແຕ່ສາມາດດໍາເນີນການປຸງແຕ່ງຊັບພະຍາກອນບໍ່ແຮ່ ໃນຂັ້ນທໍາອິດ ຫລື ພັດທະນາພາກສ່ວນໜຶ່ງເທົ່ານັ້ນ, ຜົນປະໂຫຍດໃນການພັດທະນາຊັບພະຍາກອນບໍ່ ແຮ່ໄດ້ຫລຸດລົງຫລາຍ ບໍ່ວ່າຈະເປັນການສວຍໂອກາດກັກ ຕຸນ ຫລື ຄອບຄອງສິດ, ການປຸງແຕ່ງຂັ້ນທໍາອິດ ແລະ ການພັດທະນາພາກສ່ວນໜຶ່ງທີ່ໄດ້ຮັບການຈໍາກັດ ດ້ານຄວາມສາມາດ, ທັງເປັນການລະເມີດສັນຍາທີ່ເຊັນກັບລັດຖະບານ ແລະ ສົ່ງຜົນກະທົບຕໍ່ການສະ ແດງທ່າແຮງດ້ານຊັບພະຍາກອນແຮ່ທາດຂອງປະເທດລາວ, ສົ່ງຜົນກະທົບຕໍ່ການພັດທະນາເສດຖະກິດແບບຄຸນນະພາບ ແລະ ວ່ອງໄວຂອງປະເທດລາວ.
ຕໍ່ເຫດການເຫລົ່ານີ້, ພາກສ່ວນກ່ຽວຂ້ອງຂອງລັດຖະບານ ຈະຕ້ອງໃຫ້ຄວາມເອົາໃຈໃສ່ທີ່ສຸດ, ສໍາລັບວິສາຫະກິດທີ່ມີສິດໃນດ້ານບໍແຮ່ ແຕ່ບໍ່ດໍາເນີນການພັດທະນາ, ຈະຕ້ອງກໍານົດເວລາເກັບຄືນສິດ ແລ້ວນໍາເອົາຊັບພະຍາກອນເຂົ້າໃນຕະຫລາດຄືນໃໝ່ ເພື່ອເລືອກເອົາວິສາຫະກິດທີ່ມີຄວາມສາມາດ ແລະ ເຮັດແທ້ທໍາ ຈິງ ເຂົ້າໄປດໍາເນີນ ການ ພັດທະນາຊັບພະຍາກອນແບບລົງເລິກ, ສ້າງຕ່ອງໂສ້ອຸດສາຫະກໍາປຸງແຕ່ງຊັບພະຍາກອນບໍ່ແຮ່ທັງໝົດ, ໝູນໃຊ້ຕົ້ນທຶນພະລັງງານໄຟຟ້າຕໍ່າ ແລະ ຄ່າແຮງງານຕໍ່າຂອງປະເທດລາວ, ດໍາເນີນການຮວບຮວມອຸດສາຫະກໍາ, ສ້າງເປັນກຸ່ມອຸດສາຫະກໍາ ເພື່ອຊຸກຍູ້ການພັດທະນາອຸດສາຫະກໍາຂອງປະເທດ ລາວ ເພີ່ມລະດັບຄວາມສາມາດດ້ານການສະໜອງຜະລິດຕະພັນ ແລະ ຄວາມສາມາດດ້ານລາຍຮັບຈາກການສົ່ງອອກຂອງປະເທດລາວ, ເຮັດໃຫ້ມູນຄ່າເງິນຕາຂອງປະ ເທດລາວມີຄວາມໝັ້ນຄົງ, ຊຸກຍູ້ການພັດ ທະນາເສດຖະກິດແບບແຂງແຮງ ແລະ ວ່ອງໄວຂອງປະເທດລາວ.
KPL