ຂປລ.ຕາມ​ຂ່າວ​ຈາກ ບລູມ​ເບຣີກ (Bloomberg), ທ່ານ ​ໂຈ​​ໂກ ວີ​ໂດ​ໂດ (Joko Widodo) ປະທານາທິບໍດີ ອິນ​ໂດ​ເນ​ເຊຍ ຢືນຢັນວ່າ:  ທ່ານ ສີ ຈິ້ນຜິງ, ປະທານ ປະເທດຈີນ ແລະ ທ່ານ ວາ​ລາ ດີ​ເມຍ ປູ​ຕິນ (Vladimir Putin)ປະທານາທິບໍດີ ຣັດເຊຍ ໄດ້ຕອບ​ຮັບ ​ການ​ເຂົ້າຮ່ວມ ກອງປະຊຸມສຸດຍອດ ກຸ່ມປະ​ເທດ ​ເສດຖະກິດ ຂະໜາດ​ໃຫຍ່ "G20" ຢູ່​ເກາະ​ບາ​ຫລີ ​ໃນ​ລະຫວ່າງ ​ວັນ​ທີ 15-16 ພະຈິກນີ້. ກ່ອນ​ໜ້າ​ນີ້ ຍັງ​ໄດ້​​ເຊີນ ທ່ານ ປະທານ Volodymyr Zelensky, ຜູ້ນໍາ ອູ​ແກຣນ ​ເຂົ້າຮ່ວມ​ກອງ​ປະຊຸມ ​ເຊັ່ນ​ກັນ ​ເພື່ອ​ໃຫ້​ເປັນ ​ໄປ​ຕາມ ​ຫລັກການ ​ພື້ນຖານ ດ້ານ​ນະ​ໂຍບາຍ ຕ່າງປະ​ເທດ ຂອງ​ລັດຖະບານ ອິນ​ໂດ​ເນ​ເຊຍ ທີ່​ຕ້ອງ​ຮັກສາ ​ຈຸດ​ຢືນ ຄວາມ​ເປັນກາງ ​ເພື່ອ​ຕ້ອງການໃຫ້ ຈີ20 ສາມັກຄີ ​ແລະ​ ບໍ່​ມີ​ຮອຍ ​ແຕກ​ແຍກ​ ລະຫວ່າງກັນ./. (ພາກ​ຂ່າວ: ຕ່າງປະ​ເທດ)

ຮຽບຮຽງ​ຂ່າວ​ໂດຍ: ສະ​ໄຫວ ລາດ​ປາກ​ດີ

ເນື້ອໃນ: ຂປລ