ຂປລ
ທ່ານ ໂຣດຣີໂກ ດູເຕີເຕ,ປະທານາທິບໍດີ ຟີລິບປິນ ໄດ້ອະນຸມັດ ຄຳສັ່ງ ຂະຫຍາຍເວລາ ຫ້າມຜູ້ເດີນທາງ ຈາກອິນເດຍ, ປາກິດສະຖານ,ສີລັງກາ, ບັງກລາເທດ,ເນປານ, ໂອມານ ແລະ ສະຫະນະຄອນ ເອເມເຣັດ ອາຣັບ ລວມທັງໝົົດ 7ປະເທດ ເດີນທາງເຂົ້າ ຟີລິບປິນ ຈົນຮອດວັນທີ 30ມິຖຸນານີ້ ຈາກມີກຳນົດ ສິ້ນສຸດ ໃນວັນທີ15ມິຖຸນານີ້
ຂປລ.ຕາມຂ່າວຈາກ ຟີລິບປິນ,ທ່ານ ໂຣດຣີໂກ ດູເຕີເຕ,ປະທານາທິບໍດີ ຟີລິບປິນ ໄດ້ອະນຸມັດ ຄຳສັ່ງ ຂະຫຍາຍເວລາ ຫ້າມຜູ້ເດີນທາງ ຈາກອິນເດຍ, ປາກິດສະຖານ,ສີລັງກາ, ບັງກລາເທດ,ເນປານ, ໂອມານ ແລະ ສະຫະນະຄອນ ເອເມເຣັດ ອາຣັບ ລວມທັງໝົົດ 7ປະເທດ ເດີນທາງເຂົ້າ ຟີລິບປິນ ຈົນຮອດວັນທີ 30ມິຖຸນານີ້ ຈາກມີກຳນົດ ສິ້ນສຸດ ໃນວັນທີ15ມິຖຸນານີ້ ເພື່ອປ້ອງກັນ ການແຜ່ລະບາດ ໂຄວິດ-19 ສາຍພັນເດລຕາ ທີ່ມີການພົບ ຄັ້ງທຳອິດ ໃນອິນເດຍ.ຂະນະທີ່ ກະຊວງ ສາທາລະນະສຸກ ຟີລິບປິນ ເປີດເຜີຍ ໃນໄລຍະ 24ຊົ່ວໂມງ ທີ່ຜ່ານມາ ພົບຜູ້ຕິດເຊື້ອ ໂຄວິດ-19ລາຍໃໝ່ຈຳນວນ 6.426ຄົນ ສົ່ງຜົນໃຫ້ຍອດ ຜູ້ຕິດເຊື້ອ ສະສົມ ໃນປະເທດ 1.322.053ຄົນ ສູງເປັນອັນດັບ 2ຂອງອາຊີຕາ ເວັນອອກ ສ່ຽງໃຕ້ (ອາຊຽນ)ຮອງຈາກ ອິນໂດເນເຊຍ ແລະ ມີຜູ້ເສຍຊີວິດ ຈາກໂຄວິດ-19ລາຍໃໝ່ ເພີ່ມຂຶ້ນ57ຄົນ ລວມທັງໝົດ 22.845ຄົນ ເປັນອັນດັບ 2ຂອງອາຊຽນ ເຊັ່ນກັນ./.
ຮຽບຮຽງຂ່າວໂດຍ ສະໄຫວ ລາດປາກດີ
KPL
