ຂປລ
ເມື່ອບໍ່ດົນມານີ້, ສະຖານ ເອກອັກຄະລັດຖະທູດ ແຫ່ງ ສປປ ລາວ ປະຈໍາປະເທດ ຍີ່ປຸ່ນ, ທ່ານ ອຳໄພ ກິນດາວົງ ເອກອັກຄະລັດຖະທູດ ແຫ່ງ ສປປ ລາວ ປະຈຳ ຍີ່ປຸ່ນ ພ້ອມ ດ້ວຍຄະນະໄດ້ຈັດກອງປະຊຸມປຶກ ສາຫາລືກັບບັນດາກົງສຸນກິດຕິມະ ສັກ ແຫ່ງ ສປປ ລາວ ປະຈຳ ຍີ່ປຸ່ນ, ຈໍານວນ 5 ແຫ່ງຄື: ກົງສຸນກິດຕິມະ ສັກ ແຫ່ງ ສປປ ລາວ ປະຈໍາ ກຽວ ໂຕ, ໂອກິນາວາ, ຮະໂກະດະເຕະ, ນາໂກຢາ ແລະ ຟຸຄຸໂອກະ ຊຶ່ງກອງ ປະຊຸມຄັ້ງນີ້ ເປັນຄັ້ງທີ 3 ເພື່ອກວດ ກາ ແລະ ປະເມີນການປະຕິບັດໜ້າທີ່ ຂອງບັນດາກົງສຸນກິດຕິມະສັກ.
ກອງປະຊຸມໄດ້ຮັບຟັງການລາຍງານຈາກບັນດາກົງສຸນກິດຕິມະ
ສັກກ່ຽວກັບຜົນການເຄື່ອນໄຫວ
ຂອງຕົນໃນໄລຍະຜ່ານມາ ແລະ
ແຜນການເຄື່ອນໄຫວໃນຕໍ່ໜ້າ.
ບັນດາກົງສຸນກິດຕິມະສັກໄດ້ຕັ້ງ
ໜ້າເຄື່ອນໄຫວປະກອບສ່ວນເຂົ້າ
ໃນການຮັດແໜ້ນການພົວພັນຮ່ວມ
ມືລະຫວ່າງ ສປປ ລາວ ແລະ
ຍີ່ປຸ່ນ ເປັນຕົ້ນໂຄງການຂະຫຍາຍ
ພັນຊ້າງອາຊີຢູ່ສວນສັດກຽວໂຕ,
ໂຄງການສ້າງຫໍສຽນພະພຸດທະຮູບ
ມິດຕະພາບ ແລະ ໄມຕີຈິດ ລາວຍີ່ປຸ່ນ ຢູ່ແຂວງຈຳປາສັກ, ໂຄງການ
ຜ່າຕັດປາກແວ່ງ-ເພດານໂວ່ໂດຍບໍ່
ໄດ້ເສຍຄ່າ, ໂຄງການຜະລິດເຫລົ້າລາວຢູ່ແຂວງອັດຕະປື ເພື່ອໄປຂາຍຢູ່ຍີ່ປຸ່ນ, ໂຄງການ
ທັດສະນະສຶກສາສຳລັບນັກຮຽນສາມັນ ແລະ ອື່ນໆ.
ພ້ອມນັ້ນ, ບັນດາກົງສຸນກິດຕິມະສັກຍັງໄດ້ເອົາໃຈ
ໃສ່ເຄື່ອນໄຫວສົ່ງເສີມການພົວພັນຮ່ວມມືໃນຫລາຍ
ຂະແໜງການເປັນຕົ້ນການພັດທະນາຊັບພະຍາກອນ
ມະນຸດ, ກະສິກຳ ແລະ ສາທາລະນະສຸກ ຊຶ່ງລວມທັງ
ການຊ່ວຍເຫລືອລ້າ ແລະ ໂຄງການການພັດທະນາ
ເສດຖະກິດ-ສັງຄົມຮ່ວມກັບທ້ອງຖິ່ນໃນ ສປປ ລາວ.
ນອກນັ້ນ, ບັນດາກົງສຸນກິດຕິມະສັກຍັງມີແຜນຈະເຄື່ອນ
ໄຫວເພີ່ມທະວີການຮ່ວມມືໃນຫລາຍຂົງເຂດຕື່ມອີກໃນ
ຊຸມປີຕໍ່ໜ້າ.
ໂອກາດດັ່ງກ່າວ, ທ່ານທູດ ອຳໄພ ກິນດາວົງ ໄດ້
ສະແດງຄວາມຂອບໃຈຕໍ່ການສະໜັບສະໜູນ ແລະ ປະ
ກອບສ່ວນຂອງບັນດາກົງສຸນກິດຕິມະສັກເຂົ້າໃນການ
ພັດທະນາເສດຖະກິດ-ສັງຄົມຂອງ ສປປ ລາວ ລວມທັງການປະກອບສ່ວນຈັດງານບຸນລາວປະຈຳປີຢູ່ນະຄອນຫລວງ
ໂຕກຽວ ແລະ ບັນດາກິດຈະກໍາອື່ນໆຂອງສະຖານທູດ ກໍຄື
ການຈັດບັນດາກິດຈະກຳ ເພື່ອຮັດແໜ້ນການພົວພັນມິດຕະ
ພາບລະຫວ່າງສອງປະເທດ ແລະ ໃນໂອກາດ ຄົບຮອບ 70 ປີ
ແຫ່ງການສ້າງຕັ້ງສາຍພົວພັນການທູດ ລາວ-ຍີ່ປຸ່ນ. ພ້ອມນີ້,
ທ່ານ ອຳໄພ ກິນດາວົງ ໄດ້ຢ້ຳຄືນໃຫ້ບັນດາກົງສຸນກິດຕິ
ມະສັກທົບທວນຄືນພາລະບົດບາດ, ໜ້າທີ່ ແລະ ຂໍ້ກຳນົດ
ຂອງກົງສຸນກິດຕິມະສັກ ແລະ ຊຸກຍູ້ໃຫ້ບັນດາກົງສຸນກິດຕິ
ມະສັກສືບຕໍ່ເຄື່ອນໄຫວຕາມພາລະບົດບາດຂອງຕົນຢ່າງ
ຕັ້ງໜ້າ, ພ້ອມທັງໄດ້ສະເໜີໃຫ້ບັນດາກົງສຸນກິດຕິມະສັກສົ່ງ
ບົດລາຍງານປະຈຳໄຕມາດກ່ຽວກັບການເຄື່ອນໄຫວຂອງຕົນ
ໃຫ້ສະຖານທູດຢ່າງເປັນປົກກະຕິ. ທ່ານທູດ ອຳໄພ ກິນດາວົງ
ໄດ້ສະເໜີໃຫ້ບັນດາກົງສຸນກິດຕິມະສັກເອົາໃຈໃສ່ເຄື່ອນໄຫວ
ສົ່ງເສີມການຄ້າ, ການລົງທຶນ, ການແລກປ່ຽນວັດທະນະທຳ
ແລະ ການໄປມາຫາສູ່ລະຫວ່າງປະຊາຊົນສອງຊາດໃຫ້ຫລາຍ
ຂຶ້ນໃນອະນາຄົດບົນພື້ນຖານການເປັນຄູ່ຮ່ວມມືຍຸດທະສາດຮອບ
ດ້ານລະຫວ່າງ ສປປ ລາວ ແລະ ຍີ່ປຸ່ນ.
KPL
