ຂປລ
ຂປລ. ທ່ານ ຈູມມາລີ ໄຊຍະສອນ ປະທານປະເທດ ແຫ່ງ ສປປ ລາວ ພ້ອມດ້ວຍຄະນະ ໄດ້ສຳເລັດການເຂົ້າຮ່ວມກອງປະຊຸມ ທີ່ ສປ ຈີນ ແລະ ໄດ້ມາເຖິງນະຄອນຫລວງວຽງຈັນ ໃນວັນທີ 11 ເດືອນພະຈິກ ປີ 2014 ເຊິ່ງພິທີຕ້ອນຮັບທາງການ ໄດ້ຈັດຂຶ້ນທີ່ສະໜາມບິນສາກົນວັດໄຕ ໂດຍມີ ທ່ານ ກ່ວນ ຮົວປີງ (Guan Huabing) ເອກອັກຄະລັດ ຖະທູດວິສາມັນຜູ້ມີອຳນາດເຕັມ ແຫ່ງ ສາທາລະນະລັດ ປະຊາຊົນຈີນ ປະຈຳລາວ, ມີຫົວໜ້າກົມ, ຮອງກົມພາຍໃນຫ້ອງວ່າການປະທານປະເທດ ແລະ ພາກສ່ວນກ່ຽວຂ້ອງເຂົ້າຮ່ວມໃນພິທີຕ້ອນຮັບ.
ຂປລ. ທ່ານ ຈູມມາລີ ໄຊຍະສອນ ປະທານປະເທດ ແຫ່ງ ສປປ ລາວ
ພ້ອມດ້ວຍຄະນະ ໄດ້ສຳເລັດການເຂົ້າຮ່ວມກອງປະຊຸມ ທີ່ ສປ ຈີນ ແລະ
ໄດ້ມາເຖິງນະຄອນຫລວງວຽງຈັນ ໃນວັນທີ 11 ເດືອນພະຈິກ ປີ 2014
ເຊິ່ງພິທີຕ້ອນຮັບທາງການ ໄດ້ຈັດຂຶ້ນທີ່ສະໜາມບິນສາກົນວັດໄຕ
ໂດຍມີ ທ່ານ ກ່ວນ ຮົວປີງ (Guan Huabing) ເອກອັກຄະລັດ
ຖະທູດວິສາມັນຜູ້ມີອຳນາດເຕັມ ແຫ່ງ ສາທາລະນະລັດ ປະຊາຊົນຈີນ ປະຈຳລາວ,
ມີຫົວໜ້າກົມ, ຮອງກົມພາຍໃນຫ້ອງວ່າການປະທານປະເທດ ແລະ
ພາກສ່ວນກ່ຽວຂ້ອງເຂົ້າຮ່ວມໃນພິທີຕ້ອນຮັບ.
ໃນການເດີນທາງໄປເຂົ້າຮ່ວມກອງປະຊຸມທີ່ ສປ ຈີນ ນີ້
ທ່ານປະທານປະເທດ ແຫ່ງ ສປປ ລາວ ໄດ້ຮັບການຕ້ອນຮັບ ແລະ ພົບປະກັບ
ທ່ານ ສີ ຈິ້ນຜິງ ປະທານປະເທດ ແຫ່ງ ສປ ຈີນ
ເຊິ່ງສອງຝ່າຍໄດ້ແລກປ່ຽນຄວາມຄິດຄວາມເຫັນນຳກັນກ່ຽວກັບການພົວພັນ
ຮ່ວມມື ລະຫວ່າງ ສອງປະເທດ ລາວ-ຈີນ ໃນໄລຍະຜ່ານມາ ແລະ
ແຜນການຮ່ວມມືກັນໃນອະນາຄົດ, ເຫັນດີສືບຕໍ່ການແລກປ່ຽນການຢ້ຽມຢາມ
ເພື່ອແລກປ່ຽນບົດຮຽນ ແລະ ການຊ່ວຍ ເຫລືອເຊິ່ງກັນ ແລະ ກັນ,
ພ້ອມກັນຈັດຕັ້ງປະຕິບັດຜັນຂະຫຍາຍແຜນປະຕິບັດງານ
ວ່າດ້ວຍການເສີມຂະຫຍາຍສາຍພົວພັນແບບຄູ່ຮ່ວມມືຍຸດທະສາດ ຮອບດ້ານ
ລະຫວ່າງ ສອງປະເທດ ໃຫ້ປະກົດຜົນເປັນຈິງຫລາຍຂຶ້ນ ແລະ
ບັນຫາສຳຄັນອື່ນໆ.
ຈາກນັ້ນ ທ່ານ ປະທານປະເທດ ແລະ ຄະນະ
ກໍໄດ້ເຂົ້າຮ່ວມ ແລະ ກ່າວປາໄສ ໃນກອງກອງປະຊຸມ ສົນທະນາເສດຖະກິດ
ວ່າດ້ວຍກາລະໂອກາດ ໃໝ່ເພື່ອການຮ່ວມມືພາກພື້ນ ໃນຫົວຂໍ້
“ພາກພື້ນທີ່ຢູ່ນອກເໜືອເອເປັກ (APEC) ກາລະໂອກາດເພື່ອການເຕີບໂຕ;
ກາລະໂອກາດເພື່ອການຮ່ວມມື” ໂດຍກອງປະຊຸມໄດ້ປຶກສາຫາລື ແລະ
ແລກປ່ຽນຄວາມຄິດເຫັນກັບບັນດາຜູ້ນຳທາງທຸລະກິດ
ຂອງສະມາຊິກເຂດເສດຖະກິດເອເປັກ ກ່ຽວກັບກາລະ ໂອກາດເພື່ອການຮ່ວມມື
ແລະ ການພັດທະນາເສດຖະກິດ ໃນພາກພື້ນອາຊີ-ປາຊີຟິກ.
ໃນໂອກາດດຽວກັນນີ້, ທ່ານປະທານປະເທດ
ແຫ່ງ ສປປ ລາວ ກໍໄດ້ຕ້ອນຮັບການເຂົ້າຢ້ຽມຢາມ ແລະ ພົບປະກັບ ທ່ານ
ຫລີ ຢວນ ຊາວ ຮອງ ປະທານປະເທດ ແຫ່ງ ສປ ຈີນ ເຊິ່ງການພົບປະນີ້
ສອງຝ່າຍໄດ້ຕີລາຄາສູງຕໍ່ສາຍພົວພັນມິດຕະພາບ
ທີ່ມີມູນເຊື້ອອັນດີງາມ ແລະ ການພົວ
ພັນຄູ່ຮ່ວມມືຍຸດທະສາດຮອບດ້ານ ລະຫວ່າງ ສປປ ລາວ ແລະ ສປ ຈີນ ຕາມທິດ
4 ດີ ຄື: ເພື່ອນບ້ານໃກ້ເຮືອນຄຽງທີ່ດີ, ໝູ່ເພື່ອທີ່ດີ,
ສະຫາຍທີ່ດີ ແລະ ຄູ່ຮ່ວມມືທີ່ດີ ເຊິ່ງໄດ້ເຕີບໃຫຍ່ຂະ
ຫຍາຍຕົວຢ່າງບໍ່ຢຸດຢັ້ງ./.
KPL
