ຂປລ
ໄຕມາດທີ 3 ຂອງປີນີ້, ຍອດໜີ້ສິນບັດສິນເຊື່ອຂອງ ສ.ອາເມລິກາ ເພີ່ມຂຶ້ນ 22 ຕື້ໂດລາສະຫະລັດ, ເຮັດໃຫ້ ຍອດລວມໜີ້ ດັ່ງກ່າວ ຢູ່ລະດັບ 1.290 ໂດລາສະຫະລັດ ເຊິ່ງເປັນສະຖິຕິໃໝ່, ເພີ່ມຂຶ້ນ 4,2% ເມື່ອທຽບໃສ່ ໄລຍະດຽວກັນ ຂອງປີກາຍ
ຂປລ.ວິທະຍຸ ໂທລະພາບ ສູນກາງຈີນ, ອີງຕາມ ບົດລາຍງານ ໜີ້ສິນ ຄົວເຮືອນ ສະບັບຫລ້າສຸດ ທີ່ທະນາຄານ FED ນິວຢອກ ອາເມລິກາ ເປີດເຜີຍວ່າ: ໄຕມາດທີ 3 ຂອງປີນີ້, ຍອດໜີ້ສິນບັດສິນເຊື່ອຂອງ ສ.ອາເມລິກາ ເພີ່ມຂຶ້ນ 22 ຕື້ໂດລາສະຫະລັດ, ເຮັດໃຫ້ ຍອດລວມໜີ້ ດັ່ງກ່າວ ຢູ່ລະດັບ 1.290 ໂດລາສະຫະລັດ ເຊິ່ງເປັນສະຖິຕິໃໝ່, ເພີ່ມຂຶ້ນ 4,2% ເມື່ອທຽບໃສ່ ໄລຍະດຽວກັນ ຂອງປີກາຍ. ນັກຄົ້ນຄວ້າ ຂອງທະນາຄານ FED ນິວຢອກ ກ່າວວ່າ: ຄຽງຄູ່ກັບໄພເງິນເຟີ້ ແລະ ຕົ້ນທຶນ ດ້ານການກູ້ຢືມເງິນ ເພີ່ມສູງຂຶ້ນ, ຄວາມກົດດັນດ້ານການເງິນ ຂອງຜູ້ບໍລິໂພກ ກໍເພີ່ມຂຶ້ນຢ່າງຕໍ່ເນື່ອງ, ຜູ້ກູ້ຢືມເງິນທີ່ມີລາຍຮັບຕ່ຳ ແລະ ມີຄະແນນ ດ້ານຄວາມໜ້າເຊື່ອ ຖືຕ່ຳນັ້ນ ມີຄວາມຫຍຸ້ງຍາກ ດ້ານການໃຊ້ໜີ້ ຫລາຍທີ່ສຸດ. ຕົວເລກສະຖິຕິ ສະແດງໃຫ້ເຫັນວ່າ: ອັດຕາດອກເບ້ຍສະເລ່ຍ ຂອງບັດສິນເຊື່ອທີ່ອອກໃໝ່ໃນ ສ.ອາເມລິກາ ແມ່ນປະມານ 24%, ບັດສິນເຊື່ອຍັງເປັນໜຶ່ງ ໃນຮູບແບບ ການກູ້ຢືມເງິນ ທີ່ມີຕົ້ນທຶນສູງ./.
(ບັນນາທິການຂ່າວ: ຕ່າງປະເທດ) ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
