ຂປລ
ສະຫະພາບ ເອີຣົບ (ອີຢູ) ໄດ້ເປີດຕື່ມ 2 ກຸ່ມເຈລະຈາ ກ່ຽວຂ້ອງເຖິງ ການຮັບເຂົ້າ ເປັນສະມາຊິກກັບ ອູແກຣນ, ພາຍຫລັງ ທີ່ສະພາແຫ່ງຊາດປະເທດນີ້ ໄດ້ຮັບຮອງເອົາກົດໝາຍ ວ່າດ້ວຍ ການປົກປ້ອງສິດ ດ້ານການສຶກສາ ຂອງບັນດາຊົນເຜົ່າສ່ວນໜ້ອຍ, ລວມທັງ ການສຶກສາ ດ້ວຍພາສາ ຮົງກາຣີ.
ຂປລ.ວິທະຍຸກະຈ່າຍສຽງ ຫວຽດນາມ, ວັນທີ 13 ຕຸລາ, ສະຫະພາບ ເອີຣົບ (ອີຢູ) ໄດ້ເປີດຕື່ມ 2 ກຸ່ມເຈລະຈາ ກ່ຽວຂ້ອງເຖິງ ການຮັບເຂົ້າ ເປັນສະມາຊິກກັບ ອູແກຣນ, ພາຍຫລັງ ທີ່ສະພາແຫ່ງຊາດປະເທດນີ້ ໄດ້ຮັບຮອງເອົາກົດໝາຍ ວ່າດ້ວຍ ການປົກປ້ອງສິດ ດ້ານການສຶກສາ ຂອງບັນດາຊົນເຜົ່າສ່ວນໜ້ອຍ, ລວມທັງ ການສຶກສາ ດ້ວຍພາສາ ຮົງກາຣີ. ການຕັດສິນໃຈນີ້ ໄດ້ແກ້ໄຂສິ່ງກີດຂວາງ, ເປີດຊ່ອງທາງ ໃຫ້ແກ່ວິວັດການເຂົ້າເປັນສະມາຊິກ ອີຢູ ຂອງ ກີແອັບ.ກ່າວຄຳເຫັນ ຕໍ່ສື່ມວນຊົນ, ທ່ານ ໂທມາສ ເບີນ(Thomas Byrne), ລັດຖະມົນຕີ ກະຊວງການຕ່າງປະເທດ, ຮັບຜິດຊອບບັນຫາ ເອີຣົບ ແລະ ການປ້ອງກັນຊາດຂອງ ອຽກລັງ, ເຊິ່ງເປັນປະເທດດຳລົງຕຳແໜ່ງ ປະທານໝູນວຽນຂອງ ອີຢູ, ໃຫ້ຮູ້ວ່າ ອີຢູ ແລະ ອູແກຣນ ໄດ້ກ້າວໄປຕື່ມ ບາດກ້າວໜຶ່ງ ທີ່ສຳຄັນໃນວິວັດການ ການ ເຂົ້າເປັນສະມາຊິກ ດ້ວຍການເປີດ 2 ກຸ່ມເຈລະຈາລວມມີ: "ຕະຫລາດພາຍໃນ" ແລະ "ກຳລັງແກ່ງແຍ້ງ ແລະ ການເຕີບໂຕຢ່າງຮອບດ້ານ".ວົງການເຈົ້າໜ້າທີ່ ເອີລົບ ກໍ່ຊົມເຊີຍ ຂໍ້ຕົກລົງຂອງ ບັນດາ ປະເທດ ສະມາ ຊິກ ອີຢູ ກ່ຽວກັບການເປີດ 2 ກຸ່ມເຈລະຈາກັບ ອູແກຣນ, ພ້ອມກັນນັ້ນ ກໍ່ສະແດງ ຄວາມປາດຖະໜາ ຢາກຜັນຂະຫຍາຍ ບັນດາກຸ່ມເຈລະຈາ ທີ່ຍັງເຫລືອໂດຍໄວ./.
(ບັນນາທິການຂ່າວ: ຕ່າງປະເທດ) ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
