ຂປລ
ລັດຖະບານ ກຳປູເຈຍ ໄດ້ຢືນຢັນຄືນໃໝ່ ຫລັກໝັ້ນຂອງຕົນ ໃນການຕ້ານການສໍ້ໂກງ ທາງອອນລາຍ, ໃຫ້ຄຳໝັ້ນ ສັນຍາວ່າ ຈະສືບຕໍ່ ປະຕິບັດກົດໝາຍ ຢ່າງເຂັ້ມງວດ ຕໍ່ບັນດາການເຄື່ອນໄຫວ ສໍ້ໂກງຫລອກລວງ, ສັ່ງຟ້ອງບັນດາຫົວໂປ່ນຳໜ້າ ແລະ ຜູ້ມີສ່ວນກ່ຽວຂ້ອງ, ກໍ່ຄືອາຍັດຊັບສິນ ຂອງອາດຊະຍາກຳ.
ຂປລ.ວິທະຍຸກະຈ່າຍສຽງ ຫວຽດນາມ, ລັດຖະບານ ກຳປູເຈຍ ໄດ້ຢືນຢັນຄືນໃໝ່ ຫລັກໝັ້ນຂອງຕົນ ໃນການຕ້ານການສໍ້ໂກງ ທາງອອນລາຍ, ໃຫ້ຄຳໝັ້ນສັນຍາວ່າ ຈະສືບຕໍ່ ປະຕິບັດກົດໝາຍ ຢ່າງເຂັ້ມງວດ ຕໍ່ບັນດາການເຄື່ອນໄຫວ ສໍ້ໂກງຫລອກລວງ, ສັ່ງຟ້ອງບັນດາຫົວໂປ່ນຳໜ້າ ແລະ ຜູ້ມີສ່ວນກ່ຽວຂ້ອງ, ກໍ່ຄືອາຍັດຊັບສິນ ຂອງອາດຊະຍາກຳ. ຂໍ້ມູນດັ່ງກ່າວໂດຍ ທ່ານ ໄຊສິນາຣິດ(Chhay Sinarith), ລັດຖະມົນຕີຂັ້ນສູງ, ທັງເປັນຫົວໜ້າ ຄະນະກຳມະການຕ້ານການສໍ້ໂກງ ທາງອອນລາຍ (CCOS) ໄດ້ຊີ້ໃຫ້ເຫັນວ່າ: ກຸ່ມຕ້ານການສໍ້ໂກງ ທາງອອນລາຍ ລະດັບຊາດ ໄດ້ຜັນຂະຫຍາຍ ບັນດາມາດຕະການ ດ້ານນິຕິກຳ ຕໍ່ບັນດາການເຄື່ອນໄຫວ ທີ່ຖືກສົງໄສ, ລວມທັງ ການບຸກເຂົ້າ ບັນດາສະຖານທີ່, ສັ່ງຟ້ອງ ຕໍ່ຜູ້ທີ່ມີສ່ວນກ່ຽວຂ້ອງ ແລະ ສືບຕໍ່ສືບສວນ ບັນດາຄະດີ ທີ່ພວມຖືກ ດຳເນີນຄະດີ ຢູ່ສານ. ກ່ຽວຂ້ອງ ເຖິງເຂດພັດທະນາ ອ່າວລອງເບ(Long Bay) ຢູ່ແຂວງ ກະກົງ(Koh Kong),ພ້ອມທັງໄດ້ເນັ້ນ ໄດ້ເນັ້ນໜັກວ່າ ອຳນາດ ການປົກຄອງ ກຳປູເຈຍ ບໍ່ອະນຸຍາດໃຫ້ເຂດນີ້ ເຄື່ອນໄຫວ ຄືດັ່ງຮາກຖານ ສຳລັບ ການສໍ້ໂກງ ໂດຍອີງໃສ່ ເຕັກໂນໂລຢີ./.
(ບັນນາທິການຂ່າວ: ຕ່າງປະເທດ) ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
