ຂປລ. ພ້ອມທັງຊີ້ນຳໃຫ້ເອົາໃຈໃສ່ຕ່ືມບາງດ້ານເປັນຕົ້ນໃຫ້ຈັດລຽງບູລິມະສິດ ການລົງທຶນກໍ່ສ້າງ ແລະ ສ້ອມແປງພ້ືນຖານໂຄງລ່າງຕ່າງໆຢ່າງເຄ່ັງຄັດ ໂດຍສະເພາະໃນເງື່ອນໄຂທີ່ງົບປະມານມີຈຳນວນຈຳກັດ. ກວດກາເກັບກຳຂໍ້ມູນເສັ້ນທາງຍຸດທະສາດຕ່າງໆ, ບັນດາເສ້ັນທາງເຊື່ອມຈອດ ແລະ ບັນດາເສັ້ນທາງຮັບໃຊ້ການຜະລິດໃນທົ່ວປະເທດ ສ້າງໄດ້ມາດຕະຖານແລ້ວມີເທົ່າໃດ, ຍັງເທົ່າໃດແລ້ວຈັດລຽງບູລິມະສິດລົງທຶນກໍ່ສ້າງ ແລະ ສ້ອມແປງບັນດາເສັ້ນທາງດັ່ງກ່າວ ໃນແຕ່ລະໄລຍະໃຫ້ໄດ້ມາດຕະຖານ, ສອດຄ່ອງກັບທ່າແຮງ ແລະ ຄວາມຮຽກຮ້ອງຕ້ອງການຕົວຈິງ; ຊອກ ແລະ ແກ້ໄຂບັນດາສິ່ງອຸດຕັນໃນຂົງເຂດວຽກງານ ຍທຂ ໃຫ້ໄດ້ຮັບການແກ້ໄຂຢ່າງບຸກທະລຸແຂງແຮງແທ້; ສົມທົບກັບພາກສ່ວນກ່ຽວຂ້ອງ ປະຕິບັດນະໂຍບາຍສົ່ງເສີມການນຳໃຊ້ລົດໄຟຟ້າໃຫ້ບັນລຸຕາມຄາດ ໝາຍທ່ີກຳນົດໄວ້ ໂດຍປັບປຸງພ້ືນຖານໂຄງລ່າງຕ່າງໆ ເພື່ອເອ້ື້ອອຳນວຍການນຳໃຊ້ລົດດັ່ງກ່າວ, ພ້ອມທັງເລືອກເຟັ້ນນຳເຂົ້າລົດໄຟຟ້າທ່ີມີຄຸນນະພາບດີ; ແກ້ໄຂບັນຫານໍ້າປະປາທີ່ບໍ່ທັນພຽງພໍໃນເຂດຕົວເມືອງຕ່າງໆໃຫ້ມີຄວາມຮັບປະກັນຫລາຍຂຶ້ນກວ່າເກົ່າ; ແກ້ໄຂບັນຫາໜີ້ສິນ ໂຄງການລົງທຶນຕ່າງໆທີ່ຍັງຄົງຄ້າງໃນໄລຍະຜ່ານມາ ໃຫ້ຕົກໄປເປັນກ້າວໆ; ຕິດຕາມຊຸກຍູ້ການປະຕິບັດໂຄງການລົງທຶນລະດັບຊາດໃຫ້ມີຄວາມຄືບໜ້າ ແລະ ໄດ້ມາດຕະຖານຕາມທີ່ກຳນົດໄວ້; ປັບປຸງວຽກງານຮອບດ້ານໃນຂົງເຂດວຽກງານການບິນໃຫ້ຮັບປະກັນຄວາມປອດໄພ, ໄດ້ມາດຕະຖານສາກົນ, ໜ້າເຊື່ອຖື, ມີເສດຖະກິດ ແລະ ກ້າວໜ້າທັນສະໄໝ; ຈັດລຽງບູລິມະສິດພັດທະນາ ແລະ ຫັນເປັນທັນສະໄໝໃນຂົງເຂດວຽກງານ ຍທຂ ໃຫ້ສາມາດຕອບສະໜອງຄວາມຮຽກຮ້ອງຕ້ອງການຂອງວຽກງານໃນແຕ່ລະໄລຍະ.

     ໃນໂອກາດນ້ີ, ທ່ານ ເຫລັກໄຫລ ສີວິໄລ ລັດຖະມົນຕີກະຊວງໂຍທາທິການ ແລະ ຂົນສົ່ງ ກໍໄດ້ລາຍງານໃຫ້ຊາບກ່ຽວກັບສະພາບການຈັດຕ້ັງປະຕິບັດແຜນພັດທະນາວຽກງານ ຍທຂ ໃນໄລຍະ 9 ເດືອນຕົ້ນປີ, ທິດທາງແຜນການ 3 ເດືອນທ້າຍປີ 2026 ແລະ ທິດທາງແຜນການປີ 2027 ເປັນຕົ້ນວຽກພັກ ແລະ ພະນັກງານ, ວຽກຂົວທາງ, ວຽກທາງລົດໄຟ, ວຽກການບິນພົນລະເຮືອນ, ວຽກຂົນສົ່ງ, ວຽກທາງນໍ້າ, ວຽກເຄຫາ ແລະ ຜັງເມືອງ, ວຽກນໍ້າປະປາ, ວຽກການສ້າງເສດຖະກິດເອກະລາດເປັນເຈົ້າຕົນເອງຂອງ ກະຊວງ ແລະ ວຽກງານສາມສ້າງ. ໃນນັ້ນ, ວຽກຂົວທາງໄດ້ລົົງເລິກລາຍງານໂຄງການລົງທຶນທີ່ນຳໃຊ້ທຶນ ODA, ໂຄງການລົງທຶນດ້ວຍທຶນຂອງລັດຖະບານປົກກະຕິ, ການຈັດຕ້ັງປະຕິບັດນະໂຍບາຍຊຸກຍູ້ສົ່ງເສີມການກໍ່ສ້າງ ແລະ ສ້ອມແປງເສັ້ນທາງໃນໄລຍະໃໝ່ ຕາມ ມະຕິ 165/ສພຊ ກໍຄື ມະຕິ 10/ລບ; ການຈັດຕັ້ງປະຕິບັດໂຄງການກ່ໍ ສ້າງທາງດ່ວນແຕ່ນະຄອນຫລວງ ວຽງຈັນ ຫາ ບໍ່ເຕ່ນ ແຂວງຫລວງ ນໍ້າທາ; ໂຄງການກໍ່ສ້າງທາງດ່ວນ ແຕ່ບໍ່ເຕ່ນ ແຂວງຫລວງນໍ້າທາ ຫາ ຫ້ວຍຊາຍ ແຂວງບໍ່ແກ້ວ; ໂຄງການ ກໍ່ສ້າງທາງດ່ວນນະຄອນຫລວງວຽງຈັນ-ຮ່າໂນ້ຍ; ໂຄງການທາງດ່ວນ(ແລວໃໝ່) ແຕ່ທ່າງ່ອນ ເມືອງໄຊທານີ ນະຄອນຫລວງວຽງຈັນ ຫາ ບ້ານນາຊ່າງເຫລັກ ເມືອງ ທຸລະຄົມ ແຂວງວຽງຈັນ; ໂຄງການສຶກສາຄວາມເປັນໄປໄດ້, ສໍາຫລວດ-ອອກແບບ ແລະ ກໍ່ສ້າງທາງດ່ວນ (ແລວໃໝ່) ແຕ່ນະຄອນຫລວງວຽງຈັນ-ແຂວງໄຊສົມບູນ- ແຂວງຊຽງຂວາງ-ຫົວພັນ-ດ່ານສາ ກົນນໍ້າໂສຍ; ໂຄງການກໍ່ສ້າງທາງເວັ້ນຕົວເມືອງປາກຊັນ; ໂຄງການລົງທຶນກໍ່ສ້າງ ແລະ ປັບປຸງເສັ້ນທາງແຕ່ສາມແຍກທາງເລກ13 ໃຕ້ ບ້ານ ປ່າໄລ່ ເມືອງທ່າພະບາດ, ແຂວງບໍລິຄໍາໄຊ ຫາ ບ້ານນໍ້າຍອນ ເມືອງອານຸວົງ ແຂວງໄຊສົມບູນ; ໂຄງການກໍ່ສ້າງທາງ 5B ແຕ່ສາມແຍກຂົວ ນໍ້າຍອນ ເມືອງອານຸວົງ ແຂວງໄຊສົມບູນ ຫາ ບ້ານນາມອນ ເມືອງວັງວຽງ ແຂວງວຽງຈັນ ແລະ ໂຄງການອື່ນໆ.

ຂໍ້ມູນ-ພາບ: ກົມປະຊາຊສໍາພັນ ຫສນຍ

KPL