ຂປລ
ກອງປະຊຸມ ເວທີປຶກສາຫາລື ກ່ຽວກັບ ການປະຕິຮູບ ວຽກງານ ສາຍດ່ວນ ບໍລິການ ຊາວເມືອງແບບ “ຕອບຮັບຄຳຮ້ອງທຸກ ຢ່າງວ່ອງໄວ”ປັກກິ່ງ ປະຈຳປີ 2026 ທີ່ມີສະຖາບັນ ວິທະຍາສາດ ສັງຄົມຈີນ, ວິທະຍຸໂທລະພາບ ສູນກາງຈີນ ຫລື CMG, ຄະນະພັກ ແລະ ອົງການປົກຄອງ ນະຄອນຫລວງ ປັກກິ່ງ ເປັນເຈົ້າພາບຮ່ວມ ໄດ້ໄຂຂຶ້ນຢູ່ນະຄອນຫລວງ ປັກກິ່ງ.
ຂປລ.ວິທະຍຸ ໂທລະພາບ ສູນກາງຈີນ, ວັນທີ 12 ຕຸລານີ້, ກອງປະຊຸມ ເວທີປຶກສາຫາລື ກ່ຽວກັບ ການປະຕິຮູບ ວຽກງານ ສາຍດ່ວນ ບໍລິການ ຊາວເມືອງແບບ “ຕອບຮັບຄຳຮ້ອງທຸກ ຢ່າງວ່ອງໄວ”ປັກກິ່ງ ປະຈຳປີ 2026 ທີ່ມີສະຖາບັນ ວິທະຍາສາດ ສັງຄົມຈີນ, ວິທະຍຸໂທລະພາບ ສູນກາງຈີນ ຫລື CMG, ຄະນະພັກ ແລະ ອົງການປົກຄອງ ນະຄອນຫລວງ ປັກກິ່ງ ເປັນເຈົ້າພາບຮ່ວມ ໄດ້ໄຂຂຶ້ນຢູ່ນະຄອນຫລວງ ປັກກິ່ງ. ທ່ານ ເຊີ້ນໄຫສົງ ຮອງຫົວໜ້າຄະນະໂຄສະນາ ອົບຮົມສູນກາງພັກ ກອມມູນິດຈີນ ຜູ້ອຳນວຍການໃຫຍ່ CMG ໄດ້ກ່າວຄຳປາໄສ ໃນກອງປະຊຸມດັ່ງກ່າວ. ທ່ານ ເຊີ້ນໄຫສົງ ກ່າວວ່າ: ໃນຊຸມປີມໍ່ໆມານີ້, ນະຄອນຫລວງປັກກິ່ງ ໄດ້ລົງເລິກປະຕິບັດ ຕາມແນວຄວາມຄິດ ສຳຄັນຂອງທ່ານ ສີ ຈິ້ນຜິງ ເລຂາທິການໃຫຍ່ ຄະນະກຳມະການ ສູນກາງພັກ ກອມມູນິດຈີນ ກ່ຽວກັບ ຕົວເມືອງຂອງປະຊາຊົນ ເພື່ອປະຊາຊົນ. CMG ເປັນສັກຂີພິຍານ ແລະ ຜູ້ບັນທຶກ ການກໍ່ສ້າງ ຕົວເມືອງປະຊາຊົນ ຂອງນະຄອນຫລວງ ປັກກິ່ງ, ທັງເປັນຜູ້ເຂົ້າຮ່ວມ ແລະ ຜູ້ຂັບເຄື່ອນ. CMG ໄດ້ນຳໃຊ້ວີດີໂອ ແລະ ພາບຖ່າຍ ເປັນສື່ກາງ, ເຮັດໃຫ້ປະຊາຊົນ ຮູ້ສຶກເຖິງຄວາມອົບອຸ່ນ ຂອງຕົວເມືອງປະຊາຊົນ; ຖືເອົາ ການສົນທະນາ ເປັນຂົວຕໍ່, ເພື່ອໃຫ້ບົດຮຽນ ການສ້າງຕົວເມືອງປະຊາຊົນ ໄດ້ຮັບການແບ່ງປັນ ໄປໃນທົ່ວໂລກ./.
(ບັນນາທິການຂ່າວ: ຕ່າງປະເທດ) ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
