ຂປລ
ສະຖາບັນຄົ້ນຄວ້າ ຟຣາເຊີການາດາ ໄດ້ປະກາດ “ບົດລາຍງານຄວາມເສລີ ດ້ານເສດຖະກິດໂລກ ປະຈຳປີ 2026”. ເຂດບໍລິຫານພິເສດ ຮົງກົງ ຂອງ ສປ ຈີນ ໄດ້ຮັບການປະເມີນ ເປັນກຸ່ມເສດຖະກິດເສລີ ທີ່ສຸດໃນໂລກ ອີກຄັ້ງໜຶ່ງ.
ຂປລ.ວິທະຍຸ ໂທລະພາບ ສູນກາງຈີນ,ວັນທີ 6 ຕຸລານີ້, ສະຖາບັນຄົ້ນຄວ້າ ຟຣາເຊີການາດາ ໄດ້ປະກາດ “ບົດລາຍງານຄວາມເສລີ ດ້ານເສດຖະກິດໂລກ ປະຈຳປີ 2026”. ເຂດບໍລິຫານພິເສດ ຮົງກົງ ຂອງ ສປ ຈີນ ໄດ້ຮັບການປະເມີນ ເປັນກຸ່ມ ເສດຖະກິດເສລີ ທີ່ສຸດໃນໂລກ ອີກຄັ້ງໜຶ່ງ.ຈາກນັ້ນ ໂຄສົກອົງການ ປົກຄອງ ເຂດບໍລິຫານພິເສດ ຮົງກົງ ຂອງ ສປ ຈີນ ກ່າວວ່າ: ບົດລາຍງານດັ່ງກ່າວ ໄດ້ຢືນຢັນທ່າແຮງດ້ານຕະຫລາດເສລີ ລວມທັງ ສະພາບແວດລ້ອມ ການດຳເນີນທຸລະກິດ ທີ່ເປີດປະຕູ, ມີປະສິດທິຜົນສູງ ແລະ ຍຸຕິທຳຂອງຮົງກົງ ອີກຄັ້ງໜຶ່ງ.ຂະນະທີ່ ຮົງກົງ ປະຕິບັດຕາມຫລັກການປະເທດດຽວ ສອງລະບອບ ເຊິ່ງໄດ້ຮັບການຄ້ຳຊູ ຂອງປະເທດຊາດ ແລະ ເຊື່ອມໂຍງກັບໂລກ, ມີການທະນາຄານ, ການຂົນສົ່ງທາງທະເລ, ການຄ້າ ແລະ ການບໍລິການມືອາຊີບທີ່ເຊື່ອມຕໍ່ກັບ ມາດຕະຖານສູງສຸດຂອງສາກົນ, ທັງມີໂຄງສ້າງຈັດຕັ້ງ ອົງການປົກຄອງ ທີ່ມີປະສິດທິພາບສູງ, ຖັນແຖວ ລັດຖະກອນ ທີ່ສຸຈະຫລິດ ແລະ ເປັນມືອາຊີບ. ນັບແຕ່ປີນີ້ເປັນຕົ້ນມາ, ຮົງກົງ ໄດ້ສ້າງຜົນງານດີເດັ່ນ ໃນການລຽງລໍາດັບກຳລັງແຂ່ງຂັນສາກົນ ຫລາຍປະການ, ເຊິ່ງໄດ້ສະແດງໃຫ້ເຫັນເຖິງ ທ່າແຮງແກນກາງ ຂອງຮົງກົງ ແລະ ຄວາມພະຍາຍາມ ຂອງອົງການປົກຄອງຮົງກົງ ໃນການຊຸກຍູ້ ການພັດທະນາ ໃນຄຸນນະພາບສູງ ໄດ້ຮັບຄວາມຮັບຮູ້ ຢ່າງກວ້າງຂວາງ ຈາກປະຊາຄົມໂລກ./.
(ບັນນາທິການຂ່າວ: ຕ່າງປະເທດ) ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
