ທ່ານ ວຽງນະຄອນ ບົວລະພັນ ຮອງຫົວໜ້າພະແນກສຶກສາທິການ  ແລະ ກິລາແຂວງຈຳປາສັກ ໄດ້ກ່າວ ໃນພິທີສະເຫລີມສະຫລອງວັນຄູ ແຫ່ງຊາດ ຄົບຮອບ 32 ປີ ໃນ ອາທິດຜ່ານມາວ່າ: ທົ່ວແຂວງຈຳ ປາສັກ ມີໂຮງຮຽນສາມັນສຶກສາ  1.143 ແຫ່ງ, ມີອາຄານຮຽນ  1.932 ຫລັງ (ຖາວອນ 1.345 ຫລັງ, ເຄິ່ງຖາວອນ 443 ຫລັງ,  ຊ່ົວຄາວ 144 ຫລັງ, ມີຫ້ອງ ຮຽນ 4.485 ຫ້ອງ, ມີນັກຮຽນ  127.057 ຄົນ, ຍິງ 63.263 ຄົນ ແລະ ມີພະນັກງານ-ລັດຖະ ກອນທັງໝົດ 5.276 ຄົນ, ຍິງ  3.355 ຄົນ. ສຳລັບຜົນສໍາເລັດ ທ່ີພົ້ນເດັ່ນໃນການຈັດຕ້ັງປະຕິບັດ ວຽກງານໃນໄລຍະຜ່ານມາ ໂດຍມີ  3 ກຸ່ມວຽກ ເປັນຕົ້ນ ກຸ່ມວຽກງານ ສຶກສາ:ໄດ້ຂະຫຍາຍຕາໜ່າງການ ສຶກສາ ໂດຍສະເພາະ ໂຮງຮຽນ ລ້ຽງເດັກ-ອະນຸບານ ມີ 247 ແຫ່ງ,  ປະຖົມ 727 ແຫ່ງ, ມັດທະຍົມ 169 ແຫ່ງ, ອາຊີວະສຶກສາ ແລະ  ຊັ້ນສູງ 24 ແຫ່ງ; ຜົນງານການ ຮຽນ-ການສອນ: ນັກຮຽນເກັ່ງ ຂັ້ນຊັ້ນ ມ4 ແລະ ມ7 ສາມາດ ຍາດໄດ້ 9 ລາງວັນໃນລະດັບຊາດ  (ຫລຽນຄຳ 1, ຫລຽນເງິນ 2, ຫລຽນທອງ 2 ແລະ ຊົມເຊີຍ 4 ຈັດຢູ່ໃນອັນດັບ 3 ຂອງທົ່ວປະເທດ. ຜົນສອບຈົບຊ້ັນ ປ5  ແລະ ມ7 ປະຕິບັດໄດ້ 100%, ສ່ວນ ມ4 ປະຕິບັດໄດ້ 99,9%; ການພັດທະນາຄູ ແລະ ຈັດສັນ:  ໄດ້ບັນຈຸລັດຖະກອນຄູໃໝ່ໃນສົກ ຮຽນ 2025-2026 ທັງໝົດ 751 ຄົນ, ພ້ອມທັງຈັດຝຶກອົບຮົມຍົກ ລະດັບຄູສອນຫ້ອງຄວບ ແລະ  ຄູສອນທີ່ສອນບໍ່ຖືກສາຍຈຳນວນ ຫລວງຫລາຍ.

ສ່ວນກຸ່ມວຽກງານວິທະຍາ ສາດ: ພະແນກ ສສກ ແຂວງ ຮ່ວມ ກັບມະຫາວິທະຍາໄລຈຳປາສັກ  ແລະ ວິທະຍາໄລຄູປາກເຊ ໄດ້ ສຶກສາຄົ້ນຄວ້າວິໄຈສະພາບບັນຫາ ຂະແໜງການສຶກສາ ຈຳນວນ 3 ຫົວຂໍ້ ໂດຍມີຫົວຂໍ້ “ແນວທາງ ພັດທະນາຄຸນນະພາບການສຶກສາ ສາຍສາມັນ” ໄດ້ສຳເລັດຜົນ ແລະ  ກຽມນຳສະເໜີ. ກຸ່ມວຽກງານ ກິລາ-ກາຍຍະກຳ: ນັກກິລາແຂວງ ຈຳປາສັກ ຍາດໄດ້ 126 ຫລຽນ  (ຄຳ 28 ຫລຽນ, ເງິນ 44 ຫລຽນ,  ທອງ 54 ຫລຽນ) ຈັດຢູ່ໃນອັນດັບ 5 ຂອງງານມະຫະກຳ ກິລາແຫ່ງຊາດ ຄັ້ງທີ XII ທີ່ ນະຄອນຫລວງວຽງຈັນ ພ້ອມ ທັງທີມບານເຕະຍິງ ສາມາດຄວ້າ ແຊັມອັນດັບ 1 ທົ່ວປະເທດ ຈາກ ລາຍການ ໂຄລາ-ໂຄຄາ ລາວ.

ທ່ານ ວຽງນະຄອນ ບົວລະພັນ  ໃຫ້ຮູ້ຕື່ມວ່າ: ສຳລັບທິດທາງແຜນ ການຈຸດສຸມ ໃນສົກຮຽນ 2026- 2027, ພະແນກ ສສກ ແຂວງຈຳ ປາສັກ ໄດ້ວາງ 11 ຄາດໝາຍສູ້ ຊົນ ເປັນຕົ້ນ ຊຸກຍູ້ອັດຕາເຂົ້າຮຽນ ເດັກ 5 ປີ ໃຫ້ບັນລຸ 79%, ຫລຸດ ຜ່ອນອັດຕາປະລະຊັ້ນປະຖົມລົງ ເຫລືອ 5,6% ແລະ ສືບຕໍ່ຍົກລະດັບ ຄຸນນະພາບການສຶກສາທຸກຊັ້ນ-ທຸກ ສາຍ ແລະ ສ້າງນັກກິລາແຂວງໃຫ້ ຕິດທີມຊາດຢ່າງໜ້ອຍ 1 ຄົນ.   

ຂ່າວ-ພາບ: ຈັນທະວີສັກ

KPL