ຂປລ
ວັນທີ 3 ຕຸລານີ້ ແມ່ນວັນຄົບຮອບ 13 ປີ ແຫ່ງການສະເໜີ ຂໍ້ລິເລີ່ມຮ່ວມກັນສ້າງ “ເສັ້ນທາງສາຍໄໝ ທາງທະເລ ໃນສະຕະວັນທີ 21”. ການກໍ່ສ້າງເສັ້ນທາງສາຍໄໝ ທາງທະເລ ສາຍນີ້ ໄດ້ຊຸກຍູ້ການຮ່ວມມື ດ້ານເສດຖະກິດ ການຄ້າ ລະຫວ່າງ ສປ ຈີນ ກັບບັນດາປະເທດ ໃນພາກພື້ນ
ຂປລ.ວິທະຍຸ ໂທລະພາບ ສູນກາງຈີນ, ວັນທີ 3 ຕຸລານີ້ ແມ່ນວັນຄົບຮອບ 13 ປີ ແຫ່ງການສະເໜີ ຂໍ້ລິເລີ່ມຮ່ວມກັນສ້າງ “ເສັ້ນທາງສາຍໄໝ ທາງທະເລ ໃນສະຕະວັນທີ 21”. ການກໍ່ສ້າງເສັ້ນທາງສາຍໄໝ ທາງທະເລ ສາຍນີ້ ໄດ້ຊຸກຍູ້ການຮ່ວມມື ດ້ານເສດຖະກິດ ການຄ້າ ລະຫວ່າງ ສປ ຈີນ ກັບບັນດາປະເທດ ໃນພາກພື້ນ ເຊັ່ນ: ອາຊີ ຕາເວັນອອກສຽງໃຕ້, ອາຟຣິກາ ແລະ ອາເມລິກາ ລາຕິນ ຢ່າງມີປະສິດທິຜົນ ແລະ ກ້າວຂຶ້ນສູ່ລະດັບໃໝ່ ຢ່າງບໍ່ຢຸດຢັ້ງ.ນັບແຕ່ຕົ້ນປີນີ້ມາ, ສປ ຈີນ ໄດ້ເປີດເສັ້ນທາງເດີນເຮືອ ການຄ້າຕ່າງປະເທດ ໂດຍກົງຫລາຍສາຍ ໄປຍັງ ອາເມລິກາ ລາຕິນ, ອາຊີ ຕາເວັນອອກ ສຽງໃຕ້ ແລະ ອື່ນໆ, ປັດຈຸບັນ, ເສັ້ນທາງເດີນເຮືອກຳປັ່ນຂົນສົ່ງ ຕູ້ສິນຄ້າສາກົນ ໄດ້ກວມເອົາຫລາຍກວ່າ 100 ປະເທດ ແລະ ເຂດແຄວ້ນ ທົ່ວໂລກ. ເສັ້ນທາງເດີນເຮືອ ປະຈຳອາທິດ ສາຍທຳອິດ ຂອງແຂວງ ຟູຈ້ຽນຈີນ ທີ່ມຸ່ງໜ້າໄປສູ່ ຝັ່ງຕາເວັນອອກຂອງ ອາເມລິກາໃຕ້ ໂດຍກົງ ໄດ້ເປີດບໍລິການ ຢ່າງເປັນທາງການ ເຊິ່ງເປັນການເພີ່ມຊ່ອງທາງໃໝ່ໃນການເຊື່ອມໂຍງ ເຊື່ອມຈອດ ທາງທະເລ ລະຫວ່າງ ສປ ຈີນ ກັບ ບັນດາປະເທດ ທີ່ຮ່ວມກັນສ້າງ "ໜຶ່ງແລວ ໜຶ່ງເສັ້ນທາງ"./.
(ບັນນາທິການຂ່າວ: ຕ່າງປະເທດ) ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
