ຂປລ
ນະໂຍບາຍ ອຳນວຍຄວາມສະດວກໃນການເຂົ້າ-ອອກເມືອງ ໄດ້ຮັບການປັບປຸງດີຂຶ້ນ ຢ່າງຕໍ່ເນື່ອງ, ການຄືນເງິນພາສາ ເມື່ອອອກປະເທດ ສະບັບ 2.0 ໄດ້ເລີ່ມປະຕິບັດ ໃນວັນທີ 1 ກໍລະກົດປີນີ້
ຂປລ.ວິທະຍຸ-ໂທລະພາບ ສູນກາງຈີນ, ວັນທີ 17 ສິງຫານີ້, ຫ້ອງການຖະແຫລງຂ່າວ ຂອງລັດຖະບານຈີນ ໄດ້ຈັດກອງປະຊຸມ ຖະແຫລງຂ່າວ ເພື່ອແຈ້ງໃຫ້ຮູ້ສະພາບ ການດຳເນີນງານ ດ້ານເສດຖະກິດແຫ່ງຊາດ ໃນເດືອນກໍລະກົດຜ່ານມາ. ຜູ້ຮັບຜິດຊອບທີ່ກ່ຽວຂ້ອງ ຈາກອົງການສະຖິຕິແຫ່ງຊາດຈີນໃຫ້ຮູ້ວ່າ: ນະໂຍບາຍ ອຳນວຍຄວາມສະດວກໃນການເຂົ້າ-ອອກເມືອງ ໄດ້ຮັບການປັບປຸງດີຂຶ້ນ ຢ່າງຕໍ່ເນື່ອງ, ການຄືນເງິນພາສາ ເມື່ອອອກປະເທດ ສະບັບ 2.0 ໄດ້ເລີ່ມປະຕິບັດ ໃນວັນທີ 1 ກໍລະກົດປີນີ້, ການຊື້ເຄື່ອງ, ການທ່ອງທ່ຽວ ແລະ ການບໍລິໂພກ ທີ່ມີຄຸນນະພາບສູງ ຂອງນັກທ່ອງທ່ຽວຕ່າງປະເທດ ທີ່ມາທ່ຽວປະເທດຈີນ ໄດ້ເພີ່ມຂຶ້ນຢ່າງຕໍ່ເນື່ອງ. ໃນເດືອນກໍລະກົດ, ມູນຄ່າສິນຄ້າ ທີ່ຂໍຄືນເງິນພາສີເມື່ອອອກປະເທດຢູ່ຫລາຍທ້ອງຖິ່ນ ໄດ້ເພີ່ມຂຶ້ນຢ່າງຫລວງຫລາຍ, ກະແສ “ການທ່ອງທ່ຽວ ປະເທດຈີນ” ພວມຫັນເປັນກິດຈະກຳ “ການຊື້ເຄື່ອງຢູ່ຈີນ” ເພີ່ມຂຶ້ນຢ່າງຕໍ່ເນື່ອງ./.
(ບັນນາທິການຂ່າວ: ຕ່າງປະເທດ) ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
