ຂປລ
ອຸບັດຕິເຫດ ຈາກການຈະລາຈອນທາງບົກ ຢູ່ມາເລເຊຍ ໃນແຕ່ລະປີ ສ້າງຄວາມເສຍຫາຍ ດ້ານເສດຖະກິດ-ສັງຄົມປະມານ 30 ຕື້ຣິງກິດ (ປະມານ 3 ຕື້ໂດລາສະຫະລັດ). ໃນປີ 2025, ທົ່ວປະເທດມາເລເຊຍ ມີຜູ້ເສຍຊີວິດ 6.537 ຄົນ ຈາກອຸບັດຕິເຫດຈະລາຈອນທາງບົກ, ສະເລ່ຍແລ້ວ ມີຜູ້ເສຍຊີວິດ 18 ຄົນຕໍ່ວັນ.
ຂປລ.ວິທະຍຸ-ໂທລະພາບ ສູນກາງຈີນ, ອຸບັດຕິເຫດ ຈາກການຈະລາຈອນທາງບົກ ຢູ່ມາເລເຊຍ ໃນແຕ່ລະປີ ສ້າງຄວາມເສຍຫາຍ ດ້ານເສດຖະກິດ-ສັງຄົມປະມານ 30 ຕື້ຣິງກິດ (ປະມານ 3 ຕື້ໂດລາສະຫະລັດ). ໃນປີ 2025, ທົ່ວປະເທດມາເລເຊຍ ມີຜູ້ເສຍຊີວິດ 6.537 ຄົນ ຈາກອຸບັດຕິເຫດຈະລາຈອນທາງບົກ, ສະເລ່ຍແລ້ວ ມີຜູ້ເສຍຊີວິດ 18 ຄົນຕໍ່ວັນ. ຕົວເລກຂໍ້ມູນສະແດງໃຫ້ເຫັນວ່າ: ຜູ້ຂັບຂີ່ລົດຈັກ ແລະ ຜູ້ຊ້ອນທ້າຍແມ່ນກຸ່ມຫລັກ ທີ່ເສຍຊີວິດ ຈາກອຸບັດຕິເຫດ. ປີ 2025, ມີຜູ້ຂັບຂີ່ລົດຈັກ ແລະ ຜູ້ຊ້ອນທ້າຍເສຍຊີວິດ 4.340 ຄົນ, ກວມເອົາ 66,4% ຂອງຈຳນວນຜູ້ເສຍຊີວິດ ຈາກອຸບັດຕິເຫດທາງບົກທັງໝົດ. ຂະນະດຽວກັນ, ລົດຈັກກວມເອົາ ປະມານ 13,7% ຂອງພາຫະນະທີ່ກ່ຽວຂ້ອງກັບອຸບັດຕິເຫດ. ອຸບັດຕິເຫດ ຈາກການຈະລາຈອນທາງບົກ ປະມານ 80.6% ມີສ່ວນກ່ຽວຂ້ອງກັບ ການກະທຳຂອງຄົນ, ສ່ວນທີ່ຍັງເຫລືອ ແມ່ນກ່ຽວຂ້ອງກັບຖະໜົນຫົນທາງ ແລະ ພາຫະນະ./.
(ບັນນາທິການຂ່າວ: ຕ່າງປະເທດ) ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
