ຂປລ
ຂປລ. ແຫລ່ງຂ່າວຈາກແຂວງ ຫລວງພະບາງ ໃຫ້ຮູ້ວ່າ: ໃນໄລຍະ 6 ເດືອນຕົ້ນປີ 2026 ນີ້, ເສດຖະກິດ ຂອງແຂວງຫລວງພະບາງ ຍັງສືບ ຕໍ່ຂະຫຍາຍຕົວເກືອບ 4%, ປັດ ໄຈຕົ້ນຕໍທີ່ຊຸກຍູ້ການເຕີບໂຕແມ່ນ ມາຈາກຂະແໜງການບໍລິການ ແລະ ການທ່ອງທ່ຽວ ຊຶ່ງຂະຫຍາຍ ຕົວເຖິງ 4,75%, ສາມາດດຶງດູດ ນັກທ່ອງທ່ຽວເຂົ້າມາທ່ອງທ່ຽວໄດ້ ຫລາຍກວ່າ 1 ລ້ານເທື່ອຄົນ, ສ້າງ ລາຍຮັບຕົວຈິງໃຫ້ແກ່ແຂວງ ແລະ ປະຊາຊົນຢ່າງຫລວງຫລາຍ,
ສ່ວນ ດ້ານງົບປະມານສາມາດຈັດເກັບ ລາຍຮັບໄດ້ຫລາຍກວ່າ 857 ຕື້ກີບ, ເທົ່າກັບ 76,79% ຂອງແຜນການ ປີ, ອັນພົ້ນເດັ່ນແມ່ນລາຍຮັບພູດ ສູນກາງປະຕິບັດໄດ້ລື່ນແຜນການຫລາຍກວ່າ 2 ເທົ່າຕົວ, ຍ້ອນການ ນຳໃຊ້ລະບົບທັນສະໄໝເຂົ້າໃນການ ຄຸ້ມຄອງ ເຊັ່ນ: ລະບົບຂາຍປີ້ເຂົ້າຊົມ ແຫລ່ງທ່ອງທ່ຽວອອນລາຍ ແລະ ການເກັບຄ່າທໍານຽມທາງ, ພາສີ ທີ່ດິນຜ່ານລະບົບທັນສະໄໝ, ຄຽງ ຄູ່ກັນນັ້ນ ສາມາດແກ້ໄຂບັນຫາ ຄູອາສາສະໝັກໄດ້ຢ່າງເດັດຂາດ ໂດຍການບັນຈຸຄູອາສາເຂົ້າເປັນ ລັດຖະກອນໄດ້ 100% ຈຳນວນ 419 ຄົນ, ສາມາດມ້າງຄະດີຢາ ເສບຕິດໄດ້ 48 ລາຍ ແລະ ທຳລາຍ ກຸ່ມແກ້ງສະແກມເມີ (Scam-mer) ພ້ອມສົ່ງກັບຄືນປະເທດໄດ້ ເປັນຈຳນວນຫລາຍ.
ທ່ານ ບຸນເລື່ອມ ມະນີວົງ ເລຂາ ບໍລິຫານງານພັກແຂວງຫລວງພະ ບາງ ໄດ້ລາຍງານ ໃນໂອກາດທີ່ທ່ານ ທອງລຸນ ສີສຸລິດ ເລຂາທິການ ໃຫຍ່ ຄະນະບໍລິຫານງານສູນກາງ ພັກ, ປະທານປະເທດ ເຄື່ອນໄຫວ ຢ້ຽມຢາມ ແລະ ເຮັດວຽກຢູ່ແຂວງ ຫລວງພະບາງ ເມື່ອບໍ່ດົນມານ້ີ ວ່າ: ປັດຈຸບັນທ່ົວແຂວງມີໄຟຟ້າ ໃນລະບົບຊົມໃຊ້ແລ້ວ 93% ຂອງ ຈຳນວນບ້ານທັງໝົດ ແລະ ລະບົບ ນ້ຳປະປາໄດ້ຂະຫຍາຍຕົວໄປ ສູ່ 136 ບ້ານ. ສຳລັບທິດທາງ ແຜນການ 6 ເດືອນທ້າຍປີ 2026, ໄດ້ວາງຄາດໝາຍສູ້ຊົນ ໃຫ້ເສດຖະກິດຂະຫຍາຍຕົວໃຫ້ໄດ້ ຫລາຍກວ່າ 6% ແລະ ດຶງດູດນັກ ທ່ອງທ່ຽວໃຫ້ບັນລຸ 3 ລ້ານກວ່າ ເທື່ອຄົນ ພ້ອມທັງສະເໜີໃຫ້ຊ່ວຍ ຊຸກຍູ້ໂຄງການຍຸດທະສາດທີ່ສຳຄັນ ເຊັ່ນ: ໂຄງການສ້າງຂົວຂ້າມນ້ຳ ຂອງ ລະຫວ່າງ ນະຄອນຫລວງ ພະບາງ ຫາ ເມືອງຈອມເພັດ, ໂຄງການປັບປຸງເສັ້ນທາງແຕ່ພູຕິດ ເຜິ້ງ ເຊື່ອມຈອດຊາຍແດນ ແຂວງ ດຽນບຽນ ສສ ຫວຽດນາມ ແລະ ການຍົກລະດັບດ່ານນາຊອນ-ຫ້ວຍ ປວກ ເມືອງໂພນທອງ ເປັນດ່ານ ສາກົນ ເພື່ອເປີດປະຕູການຄ້າ ແລະ ການທ່ອງທ່ຽວໃຫ້ກວ້າງຂວາງ ກວ່າເກົ່າ
ຂ່າວ-ພາບ: ທະນູສິນ ອິດທິພົນ
KPL
