ຂປລ
ຂປລ. ແຫລ່ງຂ່າວຈາກແຂວງ ອັດຕະປື ໃຫ້ຮູ້ວ່າ: ທ່ານ ບຸນເຖິງ ດວງສະຫວັນ ກຳມະການສູນກາງ ພັກ, ເລຂາຄະນະບໍລິຫານງານພັກ ແຂວງ, ປະທານສະພາປະຊາຊົນ ແຂວງອັດຕະປື ໄດ້ຕ້ອນຮັບການ ເຂົ້າຢ້ຽມຢາມ ແລະ ພົບປະຂອງ ທ່ານ ດາວ ບົດມຸນີ ກົງສຸນໃຫຍ່ ແຫ່ງລາຊະອານາຈັກ ກຳປູເຈຍ ປະຈຳພາກໃຕ້ລາວ(ທີ່ນະຄອນ ປາກເຊ) ພ້ອມດ້ວຍຄະນະ ເນື່ອງ ໃນໂອກາດທີ່ມາຮັບໜ້າທີ່ທາງການ ທູດຄົນໃໝ່ ຢູ່ ສປປ ລາວ ໃນວັນທີ 21 ກໍລະກົດ 2026 ທ່ີຫ້ອງວ່າການ ແຂວງອັດຕະປື.
ໂອກາດນີ້, ທ່ານ ດາວ ບົດມຸນີ ໄດ້ສະແດງຄວາມຂອບໃຈຢ່າງ ຈິງໃຈຕໍ່ ເລຂາພັກແຂວງອັດຕະປື ທີ່ໄດ້ໃຫ້ການຕ້ອນຮັບຢ່າງສົມກຽດ ແລະ ອົບອຸ່ນ ພ້ອມທັງຢືນຢັນວ່າ: ໃນຕະຫລອດໄລຍະການປະຕິບັດໜ້າທີ່ທາງການທູດຢູ່ ສປປ ລາວ ຂ້າພະເຈົ້າຈະສຸມທຸກສະຕິປັນຍາ ແລະ ຄວາມພະຍາຍາມ ເພື່ອເປັນ ຂົວຕໍ່ໃນການຊຸກຍູ້, ສົ່ງເສີມການ ພົວພັນຮ່ວມມື ລະຫວ່າງ ສອງ ປະເທດ ໃຫ້ມີຄວາມແໜ້ນແຟ້ນຍິ່ງໆຂ້ຶນ ໂດຍສະເພາະການຊຸກຍູ້ ການຮ່ວມມືດ້ານການຄ້າ, ການ ທ່ອງທ່ຽວ ແລະ ການຮັກສາຄວາມ ສະຫງົບຕາມບໍລິເວນຊາຍແດນ ລະຫວ່າງ ແຂວງອັດຕະປື ກັບ ບັນດາແຂວງທີ່ມີຊາຍແດນເຊື່ອມ ຈອດຂອງກຳປູເຈຍ ໃຫ້ມີຄວາມ ສະຫງົບ, ມີສະຖຽນລະພາບ ແລະ ຮ່ວມກັນພັດທະນາຢ່າງຍືນຍົງ.
ທ່ານ ບຸນເຖິງ ດວງສະຫວັນ ກໍໄດ້ສະແດງຄວາມຕ້ອນຮັບຢ່າງ ອົບອຸ່ນ ແລະ ສະແດງຄວາມຍິນດີ ຊົມເຊີຍຕໍ່ ທ່ານ ກົງສຸນໃຫຍ່ ທີ່ໄດ້ ຮັບການແຕ່ງຕັ້ງໃຫ້ມາປະຈຳການ ຢູ່ ສປປ ລາວ ພ້ອມທັງໄດ້ຕີລາຄາ ສູງຕໍ່ສາຍພົວພັນມິດຕະພາບທີ່ມີມູນ ເຊື້ອອັນດີງາມ, ການເປັນຄູ່ຮ່ວມ ຍຸດທະສາດຮອບດ້ານ ແລະ ໝ້ັນ ຄົງຍາວນານ ລະຫວ່າງ ສອງຊາດ ລາວ-ກຳປູເຈຍ ໂດຍສະເພາະ ການ ພົວພັນຮ່ວມມື ລະຫວ່າງ ແຂວງ ອັດຕະປື ກັບບັນດາແຂວງຊາຍແດນ ຂອງກຳປູເຈຍ ທີ່ນັບມື້ນັບໄດ້ຮັບ ການເສີມຂະຫຍາຍ ແລະ ແຕກ ດອກອອກຜົນໃນຫລາຍໆດ້ານ ບ່ໍ ວ່າຈະເປັນດ້ານການເມືອງ, ຄວາມ ໝັ້ນຄົງ, ເສດຖະກິດ-ການຄ້າ ແລະ ການໄປ-ມາຫາສູ່ຂອງປະຊາຊົນ ສອງຊາດ.
ໃນມື້ດຽວກັນ, ທ່ານ ດາວ ບົດ ມຸນີ ພ້ອມຄະນະຍັງໄດ້ເຂົ້າຢ້ຽມ ຢາມ ແລະ ພົບປະກັບ ທ່ານ ທະນູ ໄຊ ບັນຊາລິດ ປະທານຄະນະກຳມະ ການປົກຄອງແຂວງອັດຕະປື ເພ່ືອ ຢ້ຽມຢາມຖາມຂ່າວໃນໂອກາດທ່ ມາຮັບໜ້າທີ່ທາງການທູດຄົນໃໝ່ ຢູ່ ສປປ ລາວຕື່ມອີກ.
ຂ່າວ: ວິໄລສັກ ແກ້ວຫລວງໂຄດ
KPL
