ຂປລ
ທ່ານ ສະເຕຟານ ດູຈາຣິກ ໂຄສົກເລຂາທິການໃຫຍ່ອົງການ ສະຫະປະຊາຊາດ ໄດ້ແຈ້ງໃຫ້ຮູ້ ໃນກອງປະຊຸມ ຖະແຫລງຂ່າວ ປະຈຳວັນວ່າ: ການເຄື່ອນໄຫວທາງການທະຫານທີ່ເກີດຂຶ້ນ ຫລັງຈາກ ສ.ອາເມລິກາ ແລະ ອີຣານ ເຊັນບົດບັນທຶກຄວາມເຂົ້າໃຈ ໄດ້ດຳເນີນມາຫລາຍວັນແລ້ວ ການປະທະກັນດັ່ງກ່າວ ມີຄວາມສ່ຽງ ຈະຂະຫຍາຍກວ້າງ ອອກຕື່ມອີກ ແລະ ກຳລັງສົ່ງຜົນກະທົບຕໍ່ ຄວາມໝັ້ນຄົງ, ລາຄາພະລັງງານ ໃນພາກພື້ນ ກໍຄື ເສດຖະກິດ ການຄ້າໂລກ.
ຂປລ.ວິທະຍຸ ໂທລະພາບ ສູນກາງຈີນ, ວັນທີ 22 ກໍລະກົດນີ້, ທ່ານ ສະເຕຟານ ດູຈາຣິກ ໂຄສົກເລຂາທິການໃຫຍ່ອົງການ ສະຫະປະຊາຊາດ ໄດ້ແຈ້ງໃຫ້ຮູ້ ໃນກອງປະຊຸມ ຖະແຫລງຂ່າວ ປະຈຳວັນວ່າ: ການເຄື່ອນໄຫວທາງການທະຫານທີ່ເກີດຂຶ້ນ ຫລັງຈາກ ສ.ອາເມລິກາ ແລະ ອີຣານ ເຊັນບົດບັນທຶກຄວາມເຂົ້າໃຈ ໄດ້ດຳເນີນມາຫລາຍວັນແລ້ວ, ການປະທະກັນດັ່ງກ່າວ ມີຄວາມສ່ຽງ ຈະຂະຫຍາຍກວ້າງ ອອກຕື່ມອີກ ແລະ ກຳລັງສົ່ງຜົນກະທົບຕໍ່ ຄວາມໝັ້ນຄົງ, ລາຄາພະລັງງານ ໃນພາກພື້ນ ກໍຄື ເສດຖະກິດ ການຄ້າໂລກ. ອົງການ ສະຫະປະຊາຊາດ ຮຽກຮ້ອງອີກຄັ້ງ ໃຫ້ບັນດາຝ່າຍທີ່ກ່ຽວຂ້ອງ ຈົ່ງຍຸດຕິການຍົກລະດັບການເຄື່ອນໄຫວ ທາງການທະຫານ ແລະ ກັບຄືນສູ່ ເສັ້ນທາງແກ້ໄຂ ບັນຫາດ້ວຍວິທີ ທາງການທູດຄືນໃໝ່. ຈາກນັ້ນ ທ່ານ ດູຈາຣິກ ກ່າວຕື່ມວ່າ: ການໃຊ້ຈ່າຍ ດ້ານການທະຫານທົ່ວໂລກ ໃນປັດຈຸບັນແມ່ນຫລາຍເກີນໄປ, ກ່ອນໜ້ານີ້, ທ່ານ ອັນໂຕນີໂອ ກູເຕີເຣັສ ເລຂາທິການໃຫຍ່ ອົງການ ສະຫະປະຊາຊາດ ໄດ້ຮຽກຮ້ອງມາຫລາຍເທື່ອແລ້ວວ່າ ຈົ່ງຈັດເອົາຊັບພະຍາກອນ ຫລາຍກວ່າເກົ່າ ເຂົ້າໃນການພັດທະນາ ແລະ ພາລະກິດ ມະນຸດສະທຳ ແຕ່ບໍ່ແມ່ນສືບຕໍ່ ເພີ່ມລາຍຈ່າຍ ທາງການທະຫານ ໃຫ້ຫລາຍຂຶ້ນກວ່າເກົ່າ./.
(ບັນນາທິການຂ່າວ: ຕ່າງປະເທດ) ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
