ຂປລ
ທ່ານ ສີຈິ້ນຜິງ ປະທານປະເທດຈີນ ໂດຍເນັ້ນໜັກວ່າ: ບົນຂະບວນການໃໝ່, ຕ້ອງຈັດຕັ້ງປະຕິບັດໜ້າທີ່ ພື້ນຖານກ່ຽວກັບ ການບຳລຸງສ້າງຄົນ ໃຫ້ມີຄຸນສົມບັດທີ່ດີ, ຍຶດໝັ້ນຝຶກຝົນຫລໍ່ຫລອມ ຈິດວິນຍານ ແລະ ບຳລຸງສ້າງຄົນດ້ວຍທິດສະດີ ທີ່ປະດິດສ້າງຂອງພັກ ຢ່າງບໍ່ລົດລະ,ບຳລຸງສ້າງຜູ້ກໍ່ສ້າງ ແລະ ຜູ້ສືບທອດສັງຄົມນິຍົມ ທີ່ມີການພັດທະນາ ຮອບດ້ານ ທັງຄຸນສົມບັດ ປັນຍາ ສິລະປະພະລະ ແລະ ແຮງງານ.
ຂປລ.ວິທະຍຸ ໂທລະພາບ ສູນກາງຈີນ, ກອງປະຊຸມ ວຽກງານ ການສຶກສາ ຂັ້ນພື້ນຖານ ທົ່ວປະເທດຈີນ ໄດ້ຈັດຂຶ້ນ ໃນວັນທີ 22 ກໍລະກົດນີ້ ຢູ່ນະຄອນຫລວງປັກກິ່ງ. ກອງປະຊຸມ ໄດ້ເຜີຍແຜ່ຄຳຊີ້ນຳສຳຄັນຂອງ ທ່ານ ສີຈິ້ນຜິງ ປະທານປະເທດຈີນ ໂດຍເນັ້ນໜັກວ່າ: ບົນຂະບວນການໃໝ່, ຕ້ອງຈັດຕັ້ງປະຕິບັດໜ້າທີ່ ພື້ນຖານກ່ຽວກັບ ການບຳລຸງສ້າງຄົນໃຫ້ມີຄຸນສົມບັດທີ່ດີ, ຍຶດໝັ້ນຝຶກຝົນຫລໍ່ຫລອມ ຈິດວິນຍານ ແລະ ບຳລຸງສ້າງຄົນດ້ວຍທິດສະດີ ທີ່ປະດິດສ້າງຂອງພັກຢ່າງບໍ່ລົດລະ,ບຳລຸງສ້າງຜູ້ກໍ່ສ້າງ ແລະ ຜູ້ສືບທອດສັງຄົມນິຍົມ ທີ່ມີການພັດທະນາ ຮອບດ້ານ ທັງຄຸນສົມບັດ ປັນ ຍາ ສິລະປະພະລະ ແລະ ແຮງງານ. ຕ້ອງເຄົາລົບ ແລະ ປະຕິບັດຕາມກົດເກນການສຶກສາ, ຍົກສູງຄຸນນະພາບການສຶກສາແລະການຮຽນ-ການສອນ. ຕ້ອງຮັກສາເສັ້ນພື້ນຖານແຫ່ງຄວາມຍຸດຕິທຳ ດ້ານການສຶກສາ ໃຫ້ໜັກແໜ້ນ. ຕ້ອງເສີມຂະຫຍາຍຈິດໃຈ ນັກການສຶກສາ, ເພີ່ມທະວີ ການກໍ່ສ້າງຈັນຍາບັນ ແລະ ແບບແຜນຂອງຄູ, ບຳລຸງ ສ້າງຖັນແຖວຄູອາຈານແບບມືອາຊີບ ແລະ ມີຄຸນນະພາບສູງ. ຄະນະພັກ ແລະ ອົງການປົກຄອງທຸກຂັ້ນ ຕ້ອງແບກຫາບໜ້າ ທີ່ຮັບຜິດຊອບທາງການເມືອງ ຢ່າງແທ້ຈິງ ແລະ ສ້າງສະພາບການໃໝ່ ແຫ່ງການພັດທະນາ ການສຶກສາຂັ້ນພື້ນຖານ ທີ່ມີຄຸນນະພາບສູງຢ່າງບໍ່ຢຸດຢັ້ງ./.
(ບັນນາທິການຂ່າວ: ຕ່າງປະເທດ) ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
