ຂປລ
ຄະນະລັດຖະບານໄທ ໄດ້ອະນຸມັດ ການຍົກເລີກ ນະໂຍບາຍ ຍົກເວັ້ນວີຊາ ເຂົ້າເມືອງ 60 ວັນ ສຳລັບ ພົນລະເມືອງ 90 ກວ່າປະເທດ ແລະ ກັບໄປຟື້ນຟູ ມາດຕະຖານ ການເຂົ້າເມືອງ ໃນເມື່ອກ່ອນ ເຊິ່ງປົກກະຕິແລ້ວ ໄດ້ອະນຸຍາດ ໃຫ້ເຂົ້າເມືອງໂດຍຍົກເວັ້ນວີຊາ 30 ວັນ.
ຂປລ.ວິທະຍຸ-ໂທລະພາບ ສູນກາງຈີນ,ສື່ມວນຊົນໄທ ລາຍງານໃນວັນທີ 19 ພຶດສະພານີ້ວ່າ: ຄະນະລັດຖະບານໄທ ໄດ້ອະນຸມັດ ການຍົກເລີກ ນະໂຍບາຍ ຍົກເວັ້ນວີຊາ ເຂົ້າເມືອງ 60 ວັນ ສຳລັບ ພົນລະເມືອງ 90 ກວ່າປະເທດ ແລະ ກັບໄປຟື້ນຟູ ມາດຕະຖານ ການເຂົ້າເມືອງ ໃນເມື່ອກ່ອນ ເຊິ່ງປົກກະຕິແລ້ວ ໄດ້ອະນຸຍາດ ໃຫ້ເຂົ້າເມືອງໂດຍຍົກເວັ້ນວີຊາ 30 ວັນ.ທ່ານ ສຸຣະສັກ ພັນຈະເລີນວໍຣະກຸນ ລັດຖະມົນຕີ ກະຊວງການທ່ອງທ່ຽວ ແລະ ກິລາໄທ ກ່າວວ່າ: ຄະນະກຳມະການ ນະໂຍບາຍ ວີຊາ ຈະດຳເນີນ ການກວດກາ ສະເພາະຕໍ່ບຸກຄົນແຕ່ລະປະເທດ ແລະ ຈະພິຈາລະນາປັດໄຈ ດ້ານຄວາມປອດໄພ ແລະ ເສດຖະກິດສຳລັບການວາງນະໂຍບາຍ ຍົກເວັ້ນວີຊາໃໝ່ໃນຕໍ່ໜ້າ./.
(ບັນນາທິການຂ່າວ: ຕ່າງປະເທດ) ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
