ຂປລ
ຂປລ.ໂຄງການມື້ລະຖົງ ເປັນໂຄງການໜຶ່ງ ປະກອບສ່ວນ ເຮັດໃຫ້ຊາວໜຸ່ມມີຄວາມຮັກຄວາມສະອາດ, ຮັກສິ່ງ ແວດລ້ອມ. ດັ່ງຊາວໜຸ່ມແຂວງສາລະວັນ ໄດ້ຮ່ວມແຮງ ຮ່ວມໃຈເລີ່ມຕົ້ນກິດຈະກຳເກັບຂີ້ເຫຍື້ອ ເພື່ອໃຫ້ ສັງຄົມໜ້າຢູ່ ໂດຍບໍ່ຫວັງສິ່ງຕອບແທນ ເຊີ່ງບໍ່ພຽງ ແຕ່ເປັນການເກັບຂີ້ເຫຍື້ອເທົ່ານັ້ນ
ຂປລ.ໂຄງການມື້ລະຖົງ ເປັນໂຄງການໜຶ່ງ ປະກອບສ່ວນ ເຮັດໃຫ້ຊາວໜຸ່ມມີຄວາມຮັກຄວາມສະອາດ, ຮັກສິ່ງ ແວດລ້ອມ. ດັ່ງຊາວໜຸ່ມແຂວງສາລະວັນ ໄດ້ຮ່ວມແຮງ ຮ່ວມໃຈເລີ່ມຕົ້ນກິດຈະກຳເກັບຂີ້ເຫຍື້ອ ເພື່ອໃຫ້ ສັງຄົມໜ້າຢູ່ ໂດຍບໍ່ຫວັງສິ່ງຕອບແທນ ເຊີ່ງບໍ່ພຽງ ແຕ່ເປັນການເກັບຂີ້ເຫຍື້ອເທົ່ານັ້ນ, ຍັງເປັນປູກຈິດ ສຳນຶກໃຫ້ໄວໜຸ່ມ, ຊາວໜຸ່ມ ຫັນມາໃສ່ໃຈໃນການ ຮັກສາສິ່ງແວດລ້ອມຊ່ວຍກັນດ້ວຍການລົງມືເຮັດຕົວຈິງ ແລະ ການສົ່ງຕໍ່ຄວາມຮັບຜິດຊອບໃຫ້ສັງຄົມທີ່ບໍ່ຄວນເບິ່ງຂ້າມຕໍ່ບັນຫາການຖິ້ມຂີ້ເຫຍື້ອຊະຊາຍ.
ນ້ອງແຈັກ ຫລື ສົດໃສ ວິໄລຄໍາ, ຢູ່ບ້ານໂພນໄຜ່ ເມືອງສາລະວັນໃຫ້ຮູ້ວ່າ: ຍ້ອນໄດ້ຮັບແຮງບັນດານ ໃຈຈາກ “ອ້າຍປັນ” ໂຄງການມື້ລະຖົງ One bag a Day, ຢູ່ທີ່ນະຄອນປາກເຊຈຶ່ງໄດ້ຕົວຈິງ, ໄວໜຸ່ມແຂວງອື່ນ ສາມາດ ເຮັດໄດ້, ໃນນາມເຮົາເປັນໄວໜຸ່ມແຂວງສາລະວັນ ກໍສາມາດເຮັດໄດ້ເຊັ່ນກັນ ເຊິ່ງເລີ່ມຕົ້ນຈາກຕົວ ເຮົາເອງ ໂດຍບໍ່ຕ້ອງລໍຖ້າໃຜບອກ.
ນ້ອງໄດ້ເລີ່ມລົງມືເກັບຂີ້ເຫຍື້ອມາແລ້ວ 4 ວັນ, ແຕ່ວັນທີ 10 ພຶດສະພາ 2026. ໂດຍກໍານົດເອົາຈຸດ ອະນຸສາວະລີ ອົງແກ້ວ ເປັນຈຸດເລີ່ມຕົ້ນ ເພື່ອເຮັດ ໃຫ້ສະຖານທີ່ດັ່ງກ່າວ ມີຄວາມສະອາດ, ສວຍງາມ; ໃນມື້ທໍາອິດ ມີພຽງ 2 ຄົນເທົ່ານັ້ນ ແລະ ຕໍ່ມາກໍ ເລີ່ມມີນ້ອງໆ, ໝູ່ຄູ່ໃຫ້ຄວາມສົນໃຈ ເຂົ້າຮ່ວມເປັນ ຈິດອາສາ, ເກັບຂີ້ເຫຍື້ຶອໃນທຸກໆມື້ ນັບແຕ່ເວລາ 16:30 ໂມງ - 17:30 ໂມງແລງ, ເພື່ອສ້າງສະຖານທີ່ ດັ່ງກ່າວ ກາຍເປັນແບບຢ່າງທີ່ມີຄວາມສະອາດ,ສວຍງາມ.
ໂຄງການ “ມື້ລະຖົງ” One Bag A Day ເປັນກິດ ຈະກໍາໜຶ່ງ ທີ່ໄດ້ຮັບຄວາມນິຍົມ, ໄວໜຸ່ມຫລາຍ ແຂວງ ໄດ້ລົງມືເຮັດຢ່າງຈິງຈັງ ແລະ ຢູ່ແຂວງສາ ລະວັນ ກໍເລີ່ມເປັນຮູບປະທຳແລ້ວ, ຍ້ອນນ້ອງໆໄວ ໜຸ່ມ ມີຈິດໃຈຮັກຄວາມສະອາດ, ຮັກສິ່ງແວດລ້ອມ ແລະ ໃຊ້ເວລາຫວ່າງເປັນປະໂຫຍດ ເພື່ອສັງຄົມ, ກ້າລົງມືເຮັດໃນສິ່ງທີ່ດີໆ ແລະ ໜ້າຊົມເຊີຍ, ເປັນການປູກຈິດສຳນຶກໃຫ້ທຸກຄົນໃນສັງຄົມ ຫັນມາໃສ່ ໃຈຕໍ່ການຮັກສາສິ່ງແວດລ້ອມ, ຮັກສາຄວາມສະອາດໂດຍເລີ່ມຕົ້ນຈາກສິ່ງເລັກໆນ້ອຍໆທີ່ເຮົາບໍ່ຄວນເບີ່ງຂ້າມ.
ໂດຍ: ວິໄລວອນ ສິດທິໄຊ
KPL
