ຂປລ
ສິງກະໂປ ແລະ ນູແວນເຊລັງ ໄດ້ເຊັນສັນຍາ ການຄ້າວັດສະດຸພື້ນຖານ ຢ່າງເປັນທາງການ ໂດຍໃຫ້ຄຳໝັ້ນສັນຍາວ່າ: ໃນອະນາຄົດ, ຖ້າຫາກເກີດວິກິດການ, ການສົ່ງອອກວັດສະດຸທີ່ຈຳເປັນຕ່າງໆ
ຂປລ.ວິທະຍຸ-ໂທລະພາບ ສູນກາງຈີນ, ວັນທີ 4 ພຶດສະພານີ້ ສິງກະໂປ ແລະ ນູແວນເຊລັງ ໄດ້ເຊັນສັນຍາ ການຄ້າວັດສະດຸພື້ນຖານ ຢ່າງເປັນທາງການ ໂດຍໃຫ້ຄຳໝັ້ນສັນຍາວ່າ: ໃນອະນາຄົດ, ຖ້າຫາກເກີດວິກິດການ, ການສົ່ງອອກວັດສະດຸທີ່ຈຳເປັນຕ່າງໆ ເຊັ່ນ: ທັນຍາຫານ, ພະລັງງານ, ຢາປົວພະຍາດ, ຜະລິດຕະພັນເຄມີ ແລະ ຜະລິດຕະພັນກໍ່ສ້າງ ເປັນຕົ້ນ ລະຫວ່າງ ສອງປະເທດ ຈະບໍ່ຖືກຈຳກັດ ທີ່ບໍ່ຈຳເປັນ ແລະ ສາມາດ ຈໍລະຈອນກັນ ຢ່າງຕໍ່ເນື່ອງ.ໃນໂອກາດນີ້ ທ່ານ ລໍເຣັນສ ວອງ ນາຍົກລັດຖະມົນຕີສິງກະໂປ ກ່າວວ່າ: ສັນຍາສະບັບນີ້ ເປັນສັນຍາບຸກທະລຸ ທີ່ສະແດງໃຫ້ເຫັນວ່າ: ເຖິງວ່າຜະເຊີນໜ້າກັບ ຄວາມກົດດັນ, ຄູ່ຮ່ວມມືທີ່ໄວ້ເນື້ອເຊື່ອໃຈກັນ ຍັງຈະຍຶດໝັ້ນຄຳໝັ້ນສັນຍາ ທີ່ມີຕໍ່ກັນ, ຮັບປະກັນການເປີດຕະຫລາດ ແລະ ການຈໍລະຈອນ ວັດສະດຸພື້ນຖານ./.
(ບັນນາທິການຂ່າວ: ຕ່າງປະເທດ) ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
