ສະມາຊິກສະມັດຊາລັດຖະສະພາປະເທດທີ່ໃຊ້ ພາສາຝຣັ່ງ ຮ່ວມແລກປ່ຽນຫລາຍບັນຫາສຳຄັນ

11/04/2024 14:13
Email Print 1325
ຂປລ ຂປລ. ໃນລະຫວ່າງວັນທີ 10-11 ເມສາ 2024 ນີ້, ກໍາມາທິການການຕ່າງປະເທດ ສະພາແຫ່ງຊາດລາວ ຈັດກອງປະຊຸມກຳມາທິການວຽກງານເສດຖະກິດ, ສັງຄົມ ແລະ ສິ່ງແວດລ້ອມ ຂອງສະມັດ ຊາລັດຖະສະພາປະເທດທີ່ໃຊ້ພາສາຝຣັ່ງ ຢູ່ນະຄອນຫລວງພະບາງ

ຂປລ. ໃນລະຫວ່າງວັນທີ 10-11 ເມສາ 2024 ນີ້, ກໍາມາທິການການຕ່າງປະເທດ ສະພາແຫ່ງຊາດລາວ ຈັດກອງປະຊຸມກຳມາທິການວຽກງານເສດຖະກິດ, ສັງຄົມ ແລະ ສິ່ງແວດລ້ອມ ຂອງສະມັດ ຊາລັດຖະສະພາປະເທດທີ່ໃຊ້ພາສາຝຣັ່ງ ຢູ່ນະຄອນຫລວງພະບາງ ​ໂດຍ​ມີ ທ່ານ ສົມມາດ ພົນເສນາຮອງປະທານສະພາແຫ່ງຊາດ, ທ່ານ ວົງພະຈັນ ທິບພະຈັນ ປະທານສະພາປະຊາຊົນ ແຂວງຫລວງພະບາງ, ມີບັນດາສະມາຊິກສະພາ ຂອງສະມັດຊາລັດຖະສະພາປະເທດທີ່ໃຊ້ພາສາຝຣັ່ງ (APF) ຈາກ 9 ປະເທດ ແລະ 2 ອົງການ, ພ້ອມ​ດ້ວຍພາກສ່ວນກ່ຽວຂ້ອງ ​ເຂົ້າ​ຮ່ວມ.

          ​​ໃນກອງປະຊຸມ, ທ່ານ ສົມມາດ ພົນເສນາ ໄດ້ເໜັ້ນໜັກຫລາຍບັນຫາສໍາຄັນ ໂດຍສະເພາະ ແມ່ນສະພາບການພາກພື້ນ ແລະ ສາກົນທີ່ຍັງສືບຕໍ່ເປັນທ່າອ່ຽງທາງດ້ານອຸປະສັກ ແລະ ສິ່ງທ້າທາຍຕໍ່ການກ້າວໄປຂ້າງໜ້າ ຂອງບັນດາປະເທດຕ່າງໆໃນທົ່ວໂລກ. ພ້ອມນີ້, ທ່ານ​ຍັງ​ໄດ້​ເນັ້ນໃຫ້ຄະນະຜູ້ແທນ ທີ່ເຂົ້າຮ່ວມກອງປະຊຸມ ພ້ອມກັນແລກປ່ຽນບົດຮຽນ ໂດຍສະເພາະແມ່ນບັນຫາ ແລະ ອຸປະສັກທີ່ເປັນສິ່ງກີດຂວາງ ໃນການພັດທະນາເສດຖະກິດ-ສັງຄົມ ແລະ ບັນຫາສິ່ງແວດລ້ອມ ຂອງບັນດາປະເທດສະມາຊິກລັດຖະສະພາທີ່ໃຊ້ພາສາຝຣັ່ງ, ການຊຸກຍູ້ສົ່ງເສີມການນໍາໃຊ້ພາສາຝຣັ່ງທີ່ປັດຈຸບັນເຫັນວ່າ ມີທ່າອ່ຽງຫລຸດລົງຫລາຍ ຖ້າທຽບໃສ່ພາສາອັງກິດ.

ກອງປະຊຸມ, ໄດ້ຮັບຟັງການສະເໜີບົດກ່ຽວ ກັບປະສົບການປະຕິບັດ ວຽກງານຕົວຈິງຈາກບັນ ດານັກຊ່ຽວຊານ ແລະ ແລກປ່ຽນບົດຮຽນທີ່ດີທີ່ສຸດຮ່ວມກັນ ຂອງສະມາຊິກສະພາແຫ່ງຊາດ ໃນບັນດາປະເທດສະມາຊິກ APF, ກອງປະຊຸມໄດ້ຮັບຮອງເອົາບົດບັນທຶກ ແລະ ຖະແຫລງການຂອງກອງປະ ຊຸມສະໄໝສາມັນຄັ້ງຜ່ານມາ, ຮັບຟັງການປະກອບຄໍາເຫັນຂອງປະທານກໍາມາທິການ, ປະທານກອງປະຊຸມ, ຮັບຟັງການລາຍງານຂອງຜູ້ຊ່ຽວຊານ ດ້ານນິຕິເວດວິທະຍາຂອງ AFD ແລະ FAO, ຮັບຟັງການເຜີຍແຜ່ນິຕິກໍາກ່ຽວກັບ ນະໂຍບາຍດິນຟ້າອາກາດ, ກວດກາຮ່າງບົດລາຍງານ ແລະ ມະຕິສຳຄັນ​ຕ່າງ​ໆເຊັ່ນ: ຮ່າງບົດລາຍງານຄວາມຫລາກຫລາຍທາງຊີວະພາບ; ການປົກປ້ອງ ແລະ ປົກປັກຮັກສາຄວາມຫລາກຫລາຍທາງຊີວະພາບ; ຮ່າງບົດລາຍງານກ່ຽວກັບຫົວຂໍ້ ທີ່ງ່າຍດາຍສຳລັບການມີເສລີພາບ ຂອງແມ່ຍິງໃນພາກພື້ນອາຟຣິກາ ທີ່ໃຊ້ພາສາຝຣັ່ງ, ສົນທະນາ ແລະ ປຶກສາຫາລືກ່ຽວກັບບົດລາຍງານ ການຕິດຕາມການເຈລະຈາການຄ້າສາກົນ ທີ່ດຳເນີນໃນຂອບຂອງອົງການການຄ້າໂລກ (OMC); ພ້ອມທັງໄດ້ປຶກສາຫາລືກ່ຽວກັບ ວຽກງານຂອງກໍາມາທິການໃນອະນາຄົດ; ຮ່າງຄໍາເຫັນຂອງຄະນະ APF ສຳ ລັບກອງປະຊຸມສຸດຍອດ ຂອງບັນດາປະເທດທີ່ໃຊ້ພາສາຝຣັ່ງ ປະຈໍາປີ 2024 ພາຍໃຕ້ຫົວຂໍ້: ປັບປຸງການເຄື່ອນໄຫວຂອງພົນລະເມືອງ ຢູ່ບັນດາປະເທດທີ່ໃຊ້ພາສາຝຣັ່ງ ເພື່ອຊຸກຍູ້ຄວາມຄິດສ້າງສັນ, ນະວັດຕະກໍາ ແລະ ການປະກອບການ; ສົນທະນາປິ່ນອ້ອມວຽກງານເສດຖະກິດ; ສົນທະນາກ່ຽວກັບການລົບລ້າງ ມົນລະພິດຈາກປລາສຕິກ ແລະ ບັນຫາອື່ນໆ ແລະ ຮັບຮອງວັນເວລາຈັດກອງປະຊຸມຄັ້ງຕໍ່ໄປ.

ກ່ອນເປີດກອງປະຊຸມດັ່ງກ່າວ, ຄະນະຜູ້ແທນຂອງກອງປະຊຸມ ຍັງໄດ້ເຄື່ອນໄຫວຢ້ຽມຢາມໂຮງຮຽນປະຖົມຫລວງພະບາງ, ໂຮງຮຽນວິທະຍາໄລຄູຫລວງພະບາງ, ພ້ອມທັງຮັບຟັງການລາຍງານຫຍໍ້ ສະພາບການຮຽນການສອນພາສາຝຣັ່ງ ທົ່ວແຂວງຫລວງພະບາງ ແລະ ໄດ້ເຄື່ອນໄຫວຢ້ຽມຢາມ ສວນກະເສດອິນຊີ (ສວນອຸ່ນເຮືອນ), ຢ້ຽມ ແລະ ເຮັດວຽກທີ່ຟາມອາຍອຸ່ນ ເພື່ອຮັບຟັງສະພາບການພັດທະນາ ການກະເສດສີຂຽວໃນເຂດດັ່ງກ່າວ.

ພາຍຫລັງທີ່ສຳເລັດການເຂົ້າຮ່ວມກອງປະຊຸມແລ້ວ, ຄະນະຜູ້ແທນຍັງຈະໄດ້ຢ້ຽມຊົມຫໍພິພິທະພັນ ຫລວງພະບາງ(ພະລາດຊະວັງເກົ່າ), ວັດຊຽງທອງ ແລະ ຕາດກວາງຊີ ຊຶ່ງເປັນສະຖານທີ່ທ່ອງທ່ຽວ ທີ່ສໍາຄັນດ້ານປະຫວັດສາດ ແລະ ທຳມະຊາດ ຂອງແຂວງຫລວງພະບາງ.

ຂ່າວ: ກໍາມາທິການການຕ່າງປະເທດ

ພາບ: ສອນສັກ ວັນວິໄຊ
KPL

ຂ່າວອື່ນໆ

    • ຄອສພ ຈັດກອງປະຊຸມສະຫລຸບວຽກກວດກາ ປະຈໍາປີ 2023ການເມືອງ

      ຄອສພ ຈັດກອງປະຊຸມສະຫລຸບວຽກກວດກາ ປະຈໍາປີ 2023

      5/23/2024 8:29:45 PM

      ຂປລ. ຄະນະໂຄສະນາອົບຮົມສູນກາງພັກ (ຄອສພ) ຈັດກອງປະຊຸມສະຫລຸບວຽກງານກວດກາ ປະຈໍາປີ 2023 ແລະ ທິດທາງວຽກງານ ປະຈໍາປີ 2024 ໃນວັນທີ 23 ພຶດສະພາ 2024 ໂດຍການເປັນປະທານຮ່ວມຂອງ ສະຫາຍ ຄໍາພັນ ເຜີຍຍະວົງ ຄະນະເລຂາ ທິການສູນກາງພັກ, ເລຂາຄະນະພັກ ຫົວໜ້າ ຄອສພ ປະທານສະພາທິດສະດີສູນກາງພັກ, ສະຫາຍ ນາງ ວິລະວອນ ພັນທະວົງ ຄະນະປະຈໍາພັກ ປະທານກວດກາ, ຮອງຫົວໜ້າ ຄອສພ ແລະ ສະຫາຍ ສຸກຄຳເພັດ ເຮືອງບຸດສີ ຮອງປະທານຄະນະກວດກາສູນກາງພັກ, ມີບັນດາສະຫາຍຄະນະພັກຂອງບັນດາກົມພາຍໃນ ຄອສພ

    • ຄະນະພັກຮາກຖານກອງພັນເຄມີ 15 ສະຫລຸບການກໍ່ສ້າງ ໜ່ວຍພັກປອດໃສ, ເຂັ້ມແຂງ, ໜັກແໜ້ນ ປະຈໍາປີ 2023ການເມືອງ

      ຄະນະພັກຮາກຖານກອງພັນເຄມີ 15 ສະຫລຸບການກໍ່ສ້າງ ໜ່ວຍພັກປອດໃສ, ເຂັ້ມແຂງ, ໜັກແໜ້ນ ປະຈໍາປີ 2023

      5/23/2024 8:24:17 PM

      ຂປລ. ຄະນະພັກຮາກຖານກອງພັນເຄມີ 15 ຈັດກອງປະຊຸມສະຫລຸບ ຖອດຖອນບົດຮຽນ ການປັບປຸງກໍ່ສ້າງໜ່ວຍພັກ ປອດໃສ, ເຂັ້ມແຂງ, ໜັກແໜ້ນ ປະຈໍາປີ 2023 ແລະ ວາງທິດທາງແຜນ ການ ປະຈໍາປີ 2024 ໃນວັນທີ 23 ພຶດສະພາ 2024 ໂດຍການເປັນ ປະທານຂອງ ສະຫາຍ ພັນໂທ ຄຳເຜີຍ ສິມມາໄລ ຮອງຫົວໜ້າກົມເຄມີສາດ ກົມໃຫຍ່ເສນາທິການກອງທັບ, ມີຄະນະພັກຮາກຖານ, ບັນດາຄະນະໜ່ວຍພັກ ພ້ອມດ້ວຍສະມາຊິກພັກເຂົ້າຮ່ວມ.

    • ສຳມະນາ ສະຫລອງຜົນສໍາເລັດ ການປະຕິບັດ 5 ຫລັກການ ແຫ່ງການຢູ່ຮ່ວມກັນໂດຍສັນຕິການເມືອງ

      ສຳມະນາ ສະຫລອງຜົນສໍາເລັດ ການປະຕິບັດ 5 ຫລັກການ ແຫ່ງການຢູ່ຮ່ວມກັນໂດຍສັນຕິ

      5/23/2024 8:05:06 PM

      ຂປລ. ສະຖາບັນການຕ່າງປະເທດ ຮ່ວມກັບສະຖານເອກອັກຄະລັດຖະທູດ ແຫ່ງ ສປ ຈີນ ປະ ຈຳ ສປປ ລາວ ໄດ້ຈັດສຳມະນາ ພາຍໃຕ້ຫົວຂໍ້ “ເພີ່ມທະວີການສ້າງຄູ່ຮ່ວມຊະຕາກຳ ລາວ-ຈີນ ແລະ ຄູ່ຮ່ວມຊະຕາກຳຂອງມວນມະນຸດ ເພື່ອເສີມຂະຫຍາຍ 5 ຫລັກການແຫ່ງການຢູ່ຮ່ວມກັນໂດຍສັນຕິ" ເພື່ອເປັນການລະນຶກເຖິງ ແລະ ສະເຫລີມສະຫລອງຜົນສໍາເລັດ ຂອງການຈັດຕັ້ງປະຕິບັດ 5 ຫລັກ ການດັ່ງກ່າວ ຄົບຮອບ 70 ປີ

    • ໄຂກອງປະຊຸມສະໄໝສາມັນ ຂອງ ລັດຖະບານ ປະຈຳເດືອນພຶດສະພາ 2024ການເມືອງ

      ໄຂກອງປະຊຸມສະໄໝສາມັນ ຂອງ ລັດຖະບານ ປະຈຳເດືອນພຶດສະພາ 2024

      5/23/2024 7:33:50 PM

      ຂປລ. ກອງປະຊຸມສະໄໝສາມັນຂອງລັດຖະບານ ປະຈຳເດືອນພຶດສະພາ 2024 ໄດ້ໄຂຂຶ້ນໃນຕອນເຊົ້າວັນທີ 23 ພຶດສະພາ 2024 ທີ່ສໍານັກງານນາຍົກລັດຖະມົນຕີ, ພາຍໃຕ້ການເປັນປະທານ ຂອງ ທ່ານ ສອນໄຊ ສີພັນດອນ ນາຍົກລັດຖະມົນຕີ, ມີບັນດາທ່ານຮອງນາຍົກລັດຖະມົນຕີ, ສະມາຊິກລັດຖະບານ, ຜູ້ຕາງໜ້າກະຊວງ-ອົງການ ເຂົ້າຮ່ວມແບບເຊິ່ງໜ້າ, ການນໍາຂອງບັນດາແຂວງ ແລະ ນະຄອນຫລວງວຽງຈັນ ເຂົ້າຮ່ວມຜ່ານລະບົບກອງປະຊຸມທາງໄກ

    • ທູຕານຸທູດ  7 ປະເທດ ຢ້ຽມຢາມ ເມືອງມໍລະດົກໂລກ ຫລວງພະບາງການເມືອງ

      ທູຕານຸທູດ 7 ປະເທດ ຢ້ຽມຢາມ ເມືອງມໍລະດົກໂລກ ຫລວງພະບາງ

      5/23/2024 7:25:12 PM

      ຂປລ. ໃນລະຫວ່າງ ວັນທີ 20-22 ພຶດສະພາ 2024 ນີ້, ທ່ານ ໂພໄຊ ໄຂຄຳພິທູນ ຮອງລັດຖະມົນຕີ ກະຊວງການຕ່າງປະເທດ ໄດ້ນຳພາຄະນະທູຕານຸທູດ ຈາກ 7 ປະເທດ ຄື: ບູນກາລີ, ອິນເດຍ, ຍີ່ປຸ່ນ, ສ ເກົາຫລີ, ຕວັກກີ, ສສ ຫວຽດນາມ ແລະ ຊຳບີ ເຊິ່ງເປັນສະມາຊິກຄະນະກຳມະ ການມໍຣະດົກໂລກ (World Heritage Committee) ຂອງອົງການ ອຸຍແນັສໂກ ປະຈຳຢູ່ ປາຣີ, ທີ່ເດີນທາງມາຈາກປະເທດຝຣັ່ງ, ບູນກາລີ ແລະ ນະຄອນຫລວງວຽງຈັນ

ads
ads

Top