ຄວາມຕື່ນເຕັ້ນເທື່ອໃໝ່ກຳລັງຈະເກີດຂຶ້ນເພາະວ່າ ສາຍການບິນຫວຽດເຈັດ (Vietjet)ໄດ້ຂະຫຍາຍເຄືອຂ່າຍການບິນລະຫວ່າງຫວຽດນາມ ແລະ ຈີນເພີ່ມເຕີມອີກ, ຫລັງຈາກການເປີດໂຕບໍລິການຖ້ຽວບິນ Shanghai ແລະ Chengdu ໃນຕົ້ນປີນີ້. ສາຍ​ການ​ບິນ​ນີ້​ຈະ​ເປັນ​ສາຍ​ການ​ບິນ​ທຳ​ອິດ​ທີ່​ຈະ​​ບິນ​ໂດຍ​ກົງ​ເຊື່ອມ​ຕໍ່​ສູນ​ກາງ​ເສດ​ຖະ​ກິດ​ຂອງ​ຫວຽດ​ນາມ​ ຄື ນະ​ຄອນ​ໂຮ່​ຈີ​ມິນ​ກັບ​ນະ​ຄອນ​ຊີ​ອານ​ຂອງ​ຈີນ ຊຶ່ງຈະເຮັດໃຫ້ນັກທ່ອງທ່ຽວມີທາງເລືອກໃນການເດີນທາງຫລາຍຂຶ້ນ, ເຮັດໃຫ້ເວລາເດີນທາງໜ້ອຍລົງ ແລະ ປະຢັດຄ່າໃຊ້ຈ່າຍຫລາຍຂຶ້ນ.

ເສັ້ນທາງ​ບິນນະຄອນໂຮ່ຈີ​ມິນ-ຊີ​ອານ ​ຈະ​ເປີດ​ບໍລິການ​ໃນ​ວັນ​ທີ 29 ​ເມສາ 2024 ດ້ວຍ​ຖ້ຽວ​ບິນ​ໄປ​ກັບ 4 ຖ້ຽວ​ຕໍ່​ອາທິດ. ຖ້ຽວບິນຈາກນະຄອນໂຮ່ຈີມິນ ຫາ ເມືອງຊີອານ ອອກເດີນທາງທຸກວັນຈັນ, ວັນພຸດ, ວັນສຸກ ແລະ ວັນອາທິດ ເວລາ 20:05 ໂມງ (ຕາມເວລາທ້ອງຖິ່ນ)ແລະ ລົງຈອດຢູ່ສະໜາມບິນສາກົນຊີອານ ຊຽງຢາງ ເວລາ 01:30 ໂມງຂອງມື້ຕໍ່ມາ (ຕາມເວລາທ້ອງຖິ່ນ). ຖ້ຽວບິນຂາກັບຈາກຊີອານ ໄປນະຄອນໂຮ່ຈີມິນ ອອກເດີນທາງທຸກໆວັນຈັນ, ອັງຄານ, ວັນພະຫັດ ແລະ ວັນເສົາ ເວລາ 02:30 ໂມງ (ຕາມເວລາທ້ອງຖິ່ນ) ແລະ ລົງຈອດຢູ່ນະຄອນໂຮ່ຈີມິນ ເວລາ 06:25 ໂມງ (ຕາມເວລາທ້ອງຖິ່ນ).

ເພື່ອເປັນການສະເຫລີມສະຫລອງເສັ້ນທາງໃໝ່ ແລະ ການເດີນທາງທີ່ຖືກ ສາຍການບິນ Vietjet ເປີດໂຕຫລຸດລາຄາກັບ Friday sale ທຸກວັນສຸກດ້ວຍຄ່າໂດຍສານຕໍ່າສຸດ 0 ໂດລາ(ບໍ່ລວມພາສີ ແລະ ຄ່າທຳນຽມ) ສຳລັບການເດີນທາງຈົນຮອດວັນທີ 31 ທັນວາ 2024 (ບໍ່ລວມມື້ພັກ, ປີໃໝ່ຕາມປະຕິທິນ ແລະ ເວລາທີ່ມີເດີນທາງຫລາຍຂອງລະດູການທ່ອງທ່ຽວ). ໂປຣໂມຊັນນີ້ ມີໃຫ້ຈັບຈອງທຸກໆວັນສຸກຈົນຮອດທ້າຍປີທີ່ເວັບໄຊ www.vietjetair.com ແລະ ແອັບມືຖື Vietjet Air. ເມື່ອໃຊ້ບໍລິການຂອງສາຍການບິນ Vietjet ທ່ານຈະໄດ້ສຳຜັດກັບເຮືອບິນທີ່ທັນສະໄໝ ແລະ ເປັນມິດກັບສິ່ງແວດລ້ອມ, ພະນັກງານການບິນທີ່ເປັນມືອາຊີບ ແລະ ສຳຜັດ ກັບອາຫານທີ່ແຊບຊ້ອຍ ພ້ອມກັບອາຫານນາໆຊາດ ແລະ ອາຫານຫວຽດນາມ ທີ່ນິຍົມເຊັ່ນ: ເຝີ ແລະ ເຂົ້າຈີ່ຫວຽດນາມ. ນອກຈາກນັ້ນ, ທ່ານສາມາດເພີດເພີນກັບການສະແດງວັດທະນະທໍາ ແລະ ສິລະປະ ທີ່ເປັນເອກະລັກໃນລະຫວ່າງການເດີນທາງຂອງທ່ານ ຢູ່ທີ່ລະດັບຄວາມສູງ 10.000 ແມັດ. ພ້ອມນີ້, ສາຍການບິນ Vietjet ຍັງມອບປະກັນໄພ SkyCare ໃຫ້ກັບຜູ້ໂດຍສານທັງໝົດເພື່ອຮັບປະກັນການເດີນທາງທີ່ບໍ່ມີຄວາມກັງວົນ.

KPL