ຂປລ
ຊປລ. ແຫລ່ງຂ່າວຈາກແຂວງ ອຸດົມໄຊ ໃຫ້ຮູ້ວ່າ: ທ່ານ ບຸນຄົງ ຫລ້າຈຽມພອນ ເລຂາພັກແຂວງ ອຸດົມໄຊໄດ້ພົບປະກັບທ່ານລູ້ຮ່າຍ ໂຈ ອຳນວຍການ ບໍລິສັດ ທາງ ລົດໄຟ ລາວ-ຈີນ, ທ່ານ ດາວຈີນ ດາ ສີຫາລາດ ຜູ້ອຳນວຍການລັດ ວິສາຫະກິດລົດໄຟແຫ່ງຊາດລາວ, ຮອງອຳນວຍການບໍລິສັດທາງ ລົດໄຟລາວ-ຈີນພ້ອມດ້ວຍຄະນະ ໃນວັນທີ3ສິງຫາ2026ທີ່ຫ້ອງ ວ່າການແຂວງອຸດົມໄຊ,ເພື່ອແລກ ປ່ຽນບັນຫາການຄຸ້ມຄອງ,ການນຳ ໃຊ້ແລະການພັດທະນາທາງລົດໄຟ ລາວ-ຈີນຢູ່ແຂວງອຸດົມໄຊ.
ໃນໂອກາດນີ້,ທ່ານບຸນຄົງຫລ້າ ຈຽມພອນໄດ້ກ່າວຕ້ອນຮັບຄະນະ ຈາກບໍລິສັດທາງລົດໄຟລາວ-ຈີນ ຢ່າງອົບອຸ່ນພ້ອມທັງສະແດງຄວາມ ຂອບໃຈຕ່ໍລັດຖະບານ ສປປ ລາວ ແລະ ສປ ຈີນ ທີ່ໄດ້ຮ່ວມມືກໍ່ສ້າງ ເສັ້ນທາງລົດໄຟລາວ-ຈີນອັນເປັນ ໂຄງການຍຸດທະສາດ ທີ່ສ້າງຜົນ ປະໂຫຍດຢ່າງຫລວງຫລາຍຕໍ່ການ ພັດທະນາເສດຖະກິດ-ສັງຄົມຂອງ ແຂວງອຸດົມໄຊແລະບັນດາແຂວງ ພາກເໜືອ. ແຂວງອຸດົມໄຊ ຕັ້ງຢ່ ຈຸດໃຈກາງຂອງພາກເໜືອ ແລະ ເປັນຈຸດເຊື່ອມຕໍ່ສຳຄັນ ລະຫວ່າງ ລາວ,ຈີນ,ຫວຽດນາມແລະໄທ. ນອກຈາກນັ້ນ, ຍັງມີທ່າແຮງໃນ ການພັດທະນາ ດ້ານໂລຈິສຕິກ, ກະສິກຳ, ການທ່ອງທ່ຽວ ແລະ ອຸດສາຫະກຳ. ພ້ອມກັນນ້ີ ແຂວງ ກໍພວມສຸມໃສ່ດຶງດູດການລົງທຶນ ແລະນຳໃຊ້ທ່າແຮງຈາກເສັ້ນທາງ ລົດໄຟ ລາວ-ຈີນ ເພື່ອຂັບເຄື່ອນ ການເຕີບໂຕທາງເສດຖະກິດຂອງ ແຂວງ.
ແຂວງອຸດົມໄຊ ມີ 3 ສະຖານີຄື:ສະຖານີເມືອງໄຊ,ນາໝໍ້ແລະ ສະຖານີເມືຶອງງາ,ໃນນັ້ນສະຖານີ ເມືອງໄຊໄດ້ກາຍເປັນສູນກາງການ ເດີນທາງແລະຂົນສົ່ງສິນຄ້າຂອງ5ແຂວງພາກເໜືອ.ຜ່ານມາແຂວງ ໄດ້ຊຸກຍູ້ການລົງທຶນສ້າງສາງຄ່ຽນ ຖ່າຍສິນຄ້າ, ຄຸ້ມຄອງຄວາມປອດ ໄພຕາມແນວທາງລົດໄຟແລະຈັດ ສັນພື້ນທີ່ກວ່າ 300 ເຮັກຕາ ເພື່ອ ຮອງຮັບການພັດທະນາປ່ິນອ້ອມ ສະຖານີ.
ໃນການພົບປະຄັ້ງນີ້,ທ່ານບຸນ ຄົງຫລ້າຈຽມພອນໄດ້ສະເໜີບາງ ບັນຫາທີ່ຄວນໄດ້ຮັບການປັບປຸງ ໂດຍສະເພາະ ວຽກງານຂົນສົ່ງຜູ້ ໂດຍສານເຊັ່ນ:ການຈອງປີ້ລົດໄຟ ທີ່ຍັງບໍ່ພຽງພໍ,ການບໍລິການສຳລັບ ຄົນເຈັບ, ການຈັດລະບຽບລານ ຈອດລົດແລະການກໍ່ສ້າງຫລັງຄາ ບໍລິເວນລໍຖ້າຜູ້ໂດຍສານ. ພ້ອມກັນ ນັ້ນ,ຍັງໄດ້ສະເໜີໃຫ້ບໍລິສັດພິຈາ ລະນາເພີ່ມຖ້ຽວລົດໄຟ ຫລື ເພີ່ມ ໂກຕ້າການຈຳໜ່າຍປີ້ໃຫ້ສະຖານີ ເມືອງໄຊຕື່ມອີກ. ສຳລັບວຽກງານ ຂົນສົ່ງສິນຄ້າ, ໄດ້ສະເໜີໃຫ້ປັບປຸງ ຂັ້ນຕອນການຈອງຕູ້ສິນຄ້າໃຫ້ ວ່ອງໄວ,ປັບປຸງເສັ້ນທາງເຂົ້າສູ່ສະ ຖານີຂົນສົ່ງສິນຄ້າ ແລະ ສ້າງກົນໄກປະສານງານລະຫວ່າງບໍລິ ສັດລົດໄຟ,ພາກລັດແລະຜູ້ປະກອບ ການໃຫ້ມີປະສິດທິພາບຫລາຍ ຂຶ້ນ. ນອກຈາກນີ້, ຍັງໄດ້ສະເໜີ ໃຫ້ບໍລິສັດທາງລົດໄຟ ລາວ-ຈີນ ສືບຕໍ່ປະສານງານຢ່າງໃກ້ຊິດກັບ ອົງການປົກຄອງແຂວງ ເພື່ອ ຮ່ວມກັນພັດທະນາພື້ນທີ່ປິ່ນອ້ອມ ສະຖານີ, ຍົກລະດັບການບໍລິຫານ ແລະ ນຳໃຊ້ທາງລົດໄຟ ລາວ-ຈີນ ໃຫ້ເກີດຜົນປະໂຫຍດສູງສຸດ ເພື່ອ ໃຫ້ເສັ້ນທາງລົດໄຟ ເປັນແຮງຂັບ ເຄື່ອນສຳຄັນໃນການພັດທະນາ ເສດຖະກິດ-ສັງຄົມ ຂອງແຂວງອຸ ດົມໄຊ ແລະ ພາກເໜືອ ໃນໄລຍະ ຍາວ.
ຂ່າວ:ຄຳພັນແກ້ວມະນີ
KPL
