ຂປລ
ກົມສະສົມ ສ.ອາເມລິກາ (Fed) ໄດ້ຕົກລົງຮັກສາອັດຕາດອກເບ້ຍ ຄືດັ່ງການຄາດຄະເນ, ໃນສະພາບພື້ນຖານ ເສດຖະກິດໃຫຍ່ທີ່ສຸດ ໃນໂລກ ຍັງພວມຜະເຊີນໜ້າກັບສະພາບໄພເງິນເຟີ້ ທີ່ແກ່ຍາວ, ຄວາມຕ້ອງການ ດ້ານແຮງງານຫລຸດລົງ
ຂປລ.ວິທະຍຸ ກະຈາຍສຽງ ຫວຽດນາມ: ວັນທີ 18 ມີນາ, ກົມສະສົມ ສ.ອາເມລິກາ (Fed) ໄດ້ຕົກລົງຮັກສາອັດຕາດອກເບ້ຍ ຄືດັ່ງການຄາດຄະເນ, ໃນສະພາບພື້ນຖານ ເສດຖະກິດໃຫຍ່ທີ່ສຸດ ໃນໂລກ ຍັງພວມຜະເຊີນໜ້າກັບສະພາບໄພເງິນເຟີ້ ທີ່ແກ່ຍາວ, ຄວາມຕ້ອງການ ດ້ານແຮງງານຫລຸດລົງ ແລະ ແງ່ຫວັງການເຕີບໂຕ “ບໍ່ແນ່ນອນ” ຍ້ອນການປະທະກັນຢູ່ ຕາເວັນອອກກາງ.
ພາຍຫລັງ ການລົງຄະແນນສຽງ ດ້ວຍອັດຕາ 11 -1, ເຟດ ໄດ້ຕົກລົງຮັກສາ ອັດຕາດອກເບ້ຍ ຈາກລະດັບ 3,5% ຮອດ 3,75%, ພ້ອມກັນນັ້ນ ກໍ່ເປີດຄວາມສາມາດ ຫລຸດຜ່ອນອັດຕາດອກເບ້ຍ ໃນທ້າຍປີນີ້.
ໃນຖະແຫລງການໜຶ່ງ, ເຟດໃຫ້ຮູ້ວ່າ: “ຜົນກະທົບຂອງບັນດາ ການຜັນແປຢູ່ ຕາເວັນອອກາງ ຕໍ່ກັບພື້ນຖານເສດຖະກິດ ສ.ອາເມລິກາ ແມ່ນສິ່ງທີ່ບໍ່ແນ່ນອນ”.
ເຟດຖືວ່າ “ຄວາມຂາດສະຖຽນລະພາບ ກ່ຽວກັບແງ່ຫວັງ ດ້ານເສດຖະກິດ ຍັງຢູ່ລະດັບສູງ”. ພ້ອມກັນນັ້ນ, ເຟດ ກໍ່ຍົກການຄາດຄະເນ ໄພເງິນເຟີ້ຂຶ້ນລະດັບ 2,7% ໃນທ້າຍປີນີ້, ພ້ອມທັງກ່າວເຕືອນ ຄວາມສ່ຽງເກີດສະພາບລາຄາຂຶ້ນລົງ ແບບຜິດປົກກະຕິ ຍ້ອນສົງຄາມຢູ່ ຕາເວັນອອກກາງ./.
KPL
