ຂປລ. ເມື່ອມໍ່ໆມານີ້ ທີ່ພະແນກ ກະສິກໍາ ແລະ ສິ່ງແວດລ້ອມແຂວງ ແຂວງບໍລິຄຳໄຊ ໄດ້ຈັດກອງປະຊຸມ ຮັບຮອງຜົນການປະເມີນໄລຍະ ທ້າຍສະໄໝຕາມດໍາລັດ 348 ວ່າ ດ້ວຍມາດຕະຖານພົ້ນທຸກ ແລະ ມາດຕະຖານພັດທະນາຂອງແຂວງ ບໍລິຄໍາໄຊ ປີ 2025 ພາຍໃຕ້ການ ເປັນປະທານຂອງທ່ານ ເລື່ອນວິໄລ ຈັນທະລາພັນ ຮອງເລຂາພັກແຂວງ, ຮອງປະທານສະພາປະຊາຊົນ ແຂວງ, ມີຕາງໜ້າພະແນກການ ທີ່ກ່ຽວຂ້ອງຂອງແຂວງ, ກອງ ກໍ່ສ້າງຮາກຖານຂັ້ນແຂວງ-ເມືອງ ແລະ ແຂກຖືກເຊີນຈາກພາກສ່ວນ ທີ່ກ່ຽວຂ້ອງເຂົ້າຮ່ວມ. ທ່ານ ໂພຄໍາ ຈັນທະສຸກ ຫົວໜ້າ ພະແນກກະສິກໍາ ແລະ ສິ່ງແວດລ້ອມ ໄດ້ຂຶ້ນຜ່ານບົດລາຍງານການປະ ເມີນໄລຍະທ້າຍສະໄໝ ຕາມດໍາລັດ 348 ວ່າດ້ວຍມາດຕະຖານພົ້ນທຸກ ແລະ ມາດຕະຖານພັດທະນາຂອງ ແຂວງບໍລິຄໍາໄຊ ປີ 2025 ແລະ ທິດທາງແຜນການ 2026-2030 ຫລັງຈາກນັ້ນບັນດາຄະນະປະທານ ພ້ອມດ້ວຍແຂກທີ່ເຂົ້າຮ່ວມກອງ ປະຊຸມໄດ້ພ້ອມກັນສຸມສະຕິປັນຍາ ໃນການຄົ້ນຄວ້າປະກອບຄໍາຄິດຄໍາເຫັນແລກປ່ຽນບົດຮຽນຈາກ ປະສົບການ ແລະ ພຶດຕິກໍາຕົວຈິງຕໍ່ ກັບການຈັດຕັ້ງປະຕິບັດວຽກງານທີ່ ຄະນະຮັບຜິດຊອບໃນແຕ່ລະຂັ້ນໄດ້ອມກັນເອົາໃຈໃສ່ຈັດຕັ້ງປະຕິບັດ ວຽກງານດັ່ງກ່າວຢ່າງຕັ້ງໜ້າ ແລະ ມີຜົນສໍາເລັດຕະຫລອດໄລຍະຜ່ານ ມາ ເພື່ອຮັບຮອງເອົາບັນດາທິດທາງ ແຜນການຕົວເລກຄາດໝາຍສູ້ຊົນ ໃນການແກ້ໄຂຄວາມທຸກຍາກ ແລະ ການພັດທະນາຕິດພັນກັບການສ້າງ ບ້ານໃຫຍ່ ໃຫ້ກາຍເປັນຕົວເມືອງໃນ ຊົນນະບົດຮອດປີ 2030 ຄື ການ ສ້າງຕັ້ງໃຫ້ຕາແສງມີຄວາມເຂັ້ມ ແຂງໃນການນໍາພາຊຸມຊົນຢູ່ຂັ້ນ ບ້ານ. ອີງຕາມມະຕິກອງປະຊຸມເປີດ ກວ້າງຂອງຄະນະບໍລິຫານງານພັກ ແຂວງ ໄດ້ຮັບຮອງເອົາຄາດໝາຍສູ້ ຊົນຮອດປີ 2030 ຕ້ອງສູ້ຊົນແກ້ໄຂ ຄວາມທຸກຍາກຂອງຄອບຄົວໃຫ້ຍັງ ເຫລືອ 1,08% ຂອງບ້ານທຸກຍາກ. ສ້າງເງື່ອນໄຂໃຫ້ເມືອງວຽງທອງ ບັນລຸມາດຕະຖານເມືອງພົ້ນທຸກໃນ ປີ 2029 ແລະ ເມືອງໄຊຈໍາພອນ ພົ້ນທຸກ ໃນປີ 2030. ສ້າງຄອບຄົວ ພັດທະນາໃຫ້ບັນລຸກວມ 95,98%. ສ້າງບ້ານພັດທະນາໃຫ້ບັນລກວມ 93,31%. ສ້າງເມືອງທ່າ ພະບາດ-ປາກກະດິງ-ບໍລິຄັນ ເປັນ ເມືອງເຂັ້ມແຂງຮອບດ້ານ ແລະ ສູ້ ຊົນສ້າງບ້ານໃຫຍ່, ບ້ານບົວແວງ ຄໍາ ແລະ ບ້ານປາກທວາຍ ໃຫ້ເປັນ ຕົວເມືອງໃນຊົນນະບົດ. ໃນກອງປະຊຸມຄັ້ງນີ້ ຍັງໄດ້ ຮັບຟັງການຜ່ານມະຕິຕົກລົງຂອງ ຄະນະກໍາມະການປົກຄອງແຂວງ ສະບັບເລກທີ 46 ວ່າດ້ວຍການຍ້ອງ ຍໍສັນລະເສີນຕໍ່ກັບຜູ້ທີ່ມີຜົນງານດີ ເດັ່ນໃນການປະກອບສ່ວນເຂົ້າໃນ ການສ້າງສາພັດທະນາແຂວງບໍລິ ຄໍາໄຊ ໃຫ້ແກ່ກົມກອງທີ່ມີຜົນງານ ດີເດັ່ນປະກອບສ່ວນເຂົ້າໃນການ ປະເມີນໄລຍະທ້າຍສະໄໝຕາມດໍາ ລັດ 348 /ລບ ວ່າດ້ວຍມາດຕະຖານ ພົ້ນທຸກ ແລະ ພັດທະນາໃຫ້ກັບ 16 ພາກສ່ວນ. ໃນນີ້, ປະກອບມີພະແນກ ກະສິກໍາ ແລະ ປ່າໄມ້ແຂວງ, ຂະແໜງ ພັດທະນາຊົນນະບົດ ແລະ ຫລຸດຜ່ອນ ຄວາມທຸກຍາກ, ອົງການປົກຄອງ ເມືອງ 7 ເມືອງ ແລະ ຫົວໜ້າຫ້ອງ ການກະສິກໍາ ແລະ ສິ່ງແວດລ້ອມ 7 ເມືອງ, ຕາງໜ້າຄະນະກໍາມະການ ປົກຄອງແຂວງໃຫ້ກຽດຂຶ້ນມອບໃບ ຍ້ອງຍໍໃຫ້ແຕ່ລະພາກສ່ວນໃນຄັ້ງ ນີ້ ໂດຍແມ່ນທ່ານ ເລື່ອນວິໄລ ຈັນທະລາພັນ ຮອງເລຂາພັກແຂວງ, ຮອງປະທານສະພາປະຊາຊົນແຂວງ.