ຂປລ
ກະຊວງຄົມມະນາຄົມ ມາເລເຊຍ ອອກປະກາດແຈ້ງການວ່າ: ການກໍ່ສ້າງທາງລົດໄຟ ຝັ່ງທະເລຕາເວັນອອກ ມາເລເຊຍ ເຊິ່ງເປັນໂຄງການ ສັນຍະລັກພາຍໃຕ້ ຂໍ້ລິເລີ່ມຮ່ວມກັນສ້າງ “ໜຶ່ງແລວໜຶ່ງເສັ້ນທາງ” ຂອງຈີນ ຢູ່ມາເລເຊຍ ໄດ້ມີຄວາມຄືບໜ້າສຳຄັນ.
ຂປລ.ວິທະຍຸໂທລະພາບ ສູນກາງ ຈີນ (CMG): ກະຊວງຄົມມະນາຄົມ ມາເລເຊຍ ອອກປະກາດແຈ້ງການວ່າ: ການກໍ່ສ້າງທາງລົດໄຟ ຝັ່ງທະເລຕາເວັນອອກ ມາເລເຊຍ ເຊິ່ງເປັນໂຄງການ ສັນຍະລັກພາຍໃຕ້ ຂໍ້ລິເລີ່ມຮ່ວມກັນສ້າງ “ໜຶ່ງແລວໜຶ່ງເສັ້ນທາງ” ຂອງຈີນ ຢູ່ມາເລເຊຍ ໄດ້ມີຄວາມຄືບໜ້າສຳຄັນ.
ມາຮອດເດືອນທັນວາປີ 2025 ການກໍ່ສ້າງ ໂຄງການດັ່ງກ່າວ ໄດ້ສຳເລັດແລ້ວ 90,81%, ເຊິ່ງລື່ນຄາດໝາຍປະຈຳປີ. ຄາດວ່າ ຈະສ້າງສຳເລັດ ໃນເດືອນທັນວາປີ 2026 ແລະ ຈະເປີດນຳໃຊ້ ທາງການຄ້າ ຢ່າງເປັນທາງການໃນເດືອນມັງກອນປີ 2027.
ນອກຈາກນັ້ນ, ທາງລົດໄຟຝັ່ງທະເລຕາເວັນອອກ ມາເລເຊຍ ມີຄວາມຍາວ ທັງໝົດ 665 ກິໂລແມັດ, ດ້ວຍ ມູນຄ່າ ການລົງທຶນທັງໝົດ ຫລາຍກວ່າ 10 ຕື້ໂດລາ ເຊິ່ງເປັນເສັ້ນທາງ ຄົມມະນາຄົມ ສາຍຫລັກ ທີ່ເຊື່ອມຕໍ່ ຝັ່ງທະເລຕາເວັນອອກ ແລະ ຝັ່ງທະເລຕາເວັນຕົກ ຂອງ ແຫລມມາລາຢູ. ທາງລົດໄຟດັ່ງກ່າວ ຈະກາຍເປັນແຮງຂັບເຄື່ອນ ສຳຄັນໃນການຊຸກຍູ້ ໃຫ້ເສດຖະກິດ ເຂດແຄວ້ນຕ່າງໆ ຂອງ ມາເລເຊຍ ພັດທະນາໄດ້ຢ່າງດຸນດ່ຽງ ແລະ ລົງເລິກ ການເຊື່ອມໂຍງ ເຊື່ອມຈອດ ລະຫວ່າງ ຈີນ-ມາເລເຊຍ ຂຶ້ນຕື່ມອີກ./
KPL
