ຂປລ
ອົງການ ຄຸ້ມຄອງຄົນ ເຂົ້າເມືອງ ແຫ່ງຊາດຈີນ ໄດ້ຈັດ ກອງປະຊຸມ ຖະແຫລງຂ່າວ. ໃນໂອກາດນີ້, ໂຄສົກ ຖະແຫລງຂ່າວ ອົງການດັ່ງກ່າວ ໄດ້ປະກາດຕົວເລກ ຂໍ້ມູນສຳຄັນ ແລະ ປະສິດທິຜົນ ກ່ຽວກັບ ການຄຸ້ມຄອງຄົນເຂົ້າເມືອງປີ 2025.
ຂປລ. ວິທະຍຸໂທລະພາບ ສູນກາງຈີນ (CMG): ວັນທີ 28 ມັງກອນນີ້, ອົງການ ຄຸ້ມຄອງຄົນ ເຂົ້າເມືອງ ແຫ່ງຊາດຈີນ ໄດ້ຈັດ ກອງປະຊຸມ ຖະແຫລງຂ່າວ. ໃນໂອກາດນີ້, ໂຄສົກ ຖະແຫລງຂ່າວ ອົງການດັ່ງກ່າວ ໄດ້ປະກາດຕົວເລກ ຂໍ້ມູນສຳຄັນ ແລະ ປະສິດທິຜົນ ກ່ຽວກັບ ການຄຸ້ມຄອງຄົນເຂົ້າເມືອງປີ 2025.
ກອງປະຊຸມໃນຄັ້ງນີ້ ໃຫ້ຮູ້ວ່າ: ປີ 2025, ອົງການ ຄຸ້ມຄອງຄົນ ເຂົ້າເມືອງ ໃນທົ່ວປະເທດຈີນ ໄດ້ກວດກາຄົນເຂົ້າ-ອອກເມືອງ ລວມມີ 697 ລ້ານເທື່ອຄົນ, ເພີ່ມຂຶ້ນ 14,2% ເມື່ອທຽບໃສ່ ປີ 2024, ເປັນຕົວເລກ ສະຖິຕິສູງສຸດ ໃນປະຫວັດສາດ. ໃນນັ້ນ ພົນລະເມືອງ ຢູ່ແຜ່ນດິນໃຫຍ່ຈີນ ລວມມີ 335 ລ້ານເທື່ອຄົນ ເພີ່ມຂຶ້ນ 15,1%, ພົນລະເມືອງເຂດຮົງກົງ, ມາກາວ ແລະ ເຂດໄຕ້ຫວັນ ຈໍານວນ 279 ລ້ານເທື່ອຄົນ ເພີ່ມຂຶ້ນ 10,1%, ຊາວຕ່າງປະເທດ 82.035.000 ເທື່ອຄົນ, ເພີ່ມຂຶ້ນ 26,4%, ຊາວຕ່າງປະເທດ ທີ່ເຂົ້າເມືອງ ດ້ວຍການຍົກເວັ້ນ ວິຊາ ລວມມີເຖິງ 30.080.000 ເທື່ອຄົນ, ກວມເອົາ 73,1% ຂອງ ຊາວຕ່າງປະເທດ ທີ່ເຂົ້າເມືອງ ຈີນ, ເພີ່ມຂຶ້ນ 49,5% ເມື່ອທຽບໃສ່ ປີ 2024./
KPL
