ຂປລ
“ອາຟຣິກາໃຕ້ ໃນຖານະເປັນສະມາຊິກ ທາງການຂອງ G20 ແລະ ຈະສືບຕໍ່ເຂົ້າຮ່ວມວຽກງານຂອງ G20 ຢ່າງຮອບດ້ານ ດ້ວຍທ່າທີ ທີ່ມີລັກສະນະສ້າງສັນ”.
ຂປລ.ວິທະຍຸ-ໂທລະພາບ ສູນກາງຈີນ, ທ່ານ ມາຕາເມລາ ຊີຣິລ ຣາມາໂຟຊາ ປະທານາທິບໍດີ ອາຟຣິກາໃຕ້ ກ່າວໃນເວລາກ່າວຄຳປາໄສລະດັບຊາດ ເມື່ອບໍ່ດົນມານີ້ວ່າ: “ອາຟຣິກາໃຕ້ ໃນຖານະເປັນສະມາຊິກ ທາງການຂອງ G20 ແລະ ຈະສືບຕໍ່ເຂົ້າຮ່ວມວຽກງານຂອງ G20 ຢ່າງຮອບດ້ານ ດ້ວຍທ່າທີ ທີ່ມີລັກສະນະສ້າງສັນ”. ທ່ານ ມາຕາເມລາ ຊີຣິລ ຣາມາໂຟຊາ ກ່າວເນັ້ນໜັກວ່າ: ອາຟຣິກາໃຕ້ ຍຶດໝັ້ນໃນການແກ້ໄຂ ຄວາມຂັດແຍ້ງກັນ ໂດຍຜ່ານການສົນທະນາແລະການຮ່ວມມື ຢ່າງສະເໝີຕົ້ນ ສະເໝີປາຍ,ເດັດດ່ຽວ ຄັດຄ້ານອິດທິກຳລັງພາຍນອກໃດໆ ສວຍໃຊ້ເລື່ອງທີ່ບໍ່ຖືກຕ້ອງມາແຊກແຊງ ວຽກງານພາຍໃນ ແລະ ທຳລາຍຄວາມສາມັກຄີ ທາງສັງຄົມ ຂອງອາຟຣິກາໃຕ້,“ບັນຫາຂອງອາຟຣິກາໃຕ້ ຕ້ອງໄດ້ຮັບການແກ້ໄຂ ດ້ວຍຄົນອາຟຣິກາໃຕ້ເອງ./.
(ບັນນາທິການຂ່າວ: ຕ່າງປະເທດ), ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
