ຂປລ
ເມື່ອບໍ່ດົນມານີ້, ລົດໄຟຂົນສົ່ງສິນຄ້າ ຂະບວນໜຶ່ງ ໄດ້ເດີນທາງອອກຈາກ ນະຄອນສົງຊິງ ທາງພາກຕາເວັນຕົກ ສຽງໃຕ້ຂອງຈີນ ເພື່ອມຸ້ງໜ້າໄປສູ່ ນະຄອນຫລວງ ບຸບດາແປັດ ຂອງ ຮົງກາລີ
ຂປລ. ສຳນັກຂ່າວ ຊິນຮວາຂອງ ສປຈີນ, ເມື່ອບໍ່ດົນມານີ້, ລົດໄຟຂົນສົ່ງສິນຄ້າ ຂະບວນໜຶ່ງ ໄດ້ເດີນທາງອອກຈາກ ນະຄອນສົງຊິງ ທາງພາກຕາເວັນຕົກ ສຽງໃຕ້ຂອງຈີນ ເພື່ອມຸ້ງໜ້າໄປສູ່ ນະຄອນຫລວງ ບຸບດາແປັດ ຂອງ ຮົງກາລີ , ຖືເປັນ ການເປີດຕົວ ບໍລິການ ລົດໄຟຂົນສົ່ງສິນຄ້າ ຈີນ-ເອີຣົບ ຫລື ບໍລິການລົດໄຟດ່ວນ ຈີນ-ເອີຣົບ ດ້ວຍຕາຕະລາງ ການເດີນທາງທີ່ແນ່ນອນ.
ໂດຍຄາດວ່າ ລົດໄຟ ຂະບວນດັ່ງກ່າວ ໄດ້ບັນທຸກຊິ້ນສ່ວນ ຍານພາຫະນະ ແລະ ລົດຈັກ, ຜະລິດຕະພັນ ເອເລັກໂຕຣນິກ ແລະ ສິນຄ້າ ບໍລິໂພກອື່ນໆ ໂດຍຈະໃຊ້ເວລາ ປະມານ 11 ວັນ ໃນການເດີນທາງເຖິງ ຮົງກາລີ ຊຶ່ງເປັນ ສູນກາງ ການຄົມມະນາຄົມ ທີ່ສຳຄັນ ຂອງ ເຂດເອີຣົບກາງ ແລະ ເອີຣົບຕາເວັນອອກ./
KPL
