ຂປລ
ໃນກອງປະຊຸມ ເປີດກວ້າງ ກ່ຽວກັບ ບັນຫາ ອີຣັກ ຂອງສະພາ ຄວາມໝັ້ນຄົງ ສະຫະ ປະຊາຊາດ, ທ່ານ ຊຸ່ນເຫລີຍ ຮອງຜູ້ຕາງໜ້າຖາວອນຈີນ ປະຈຳ ອົງການ ສະຫະ ປະຊາຊາດ ກ່າວວ່າ: ປະຊາຄົມໂລກ ຄວນເດັດດ່ຽວ ສະໜັບສະໜູນ ອີຣັກ ເພີ່ມທະວີ ການສ້າງຄວາມສາມາດ ໃນການຕ້ານການກໍ່ການຮ້າຍ, ໃຊ້ມາດຕະການ ທີ່ເຂັ້ມແຂງ, ປາບປາມ ອິດທິກຳລັງ ຂອງລັດທິ ກໍ່ການຮ້າຍ ທີ່ຍັງມີຢູ່
ຂປລ.ວິທະຍຸ-ໂທລະພາບ ສູນກາງຈີນ, ວັນທີ 2 ທັນວານີ້, ໃນກອງປະຊຸມ ເປີດກວ້າງ ກ່ຽວກັບ ບັນຫາ ອີຣັກ ຂອງສະພາ ຄວາມໝັ້ນຄົງ ສະຫະ ປະຊາຊາດ, ທ່ານ ຊຸ່ນເຫລີຍ ຮອງຜູ້ຕາງໜ້າຖາວອນຈີນ ປະຈຳ ອົງການ ສະຫະ ປະຊາຊາດ ກ່າວວ່າ: ປະຊາຄົມໂລກ ຄວນເດັດດ່ຽວ ສະໜັບສະໜູນ ອີຣັກ ເພີ່ມທະວີ ການສ້າງຄວາມສາມາດ ໃນການຕ້ານການກໍ່ການຮ້າຍ, ໃຊ້ມາດຕະການ ທີ່ເຂັ້ມແຂງ, ປາບປາມ ອິດທິກຳລັງ ຂອງລັດທິ ກໍ່ການຮ້າຍ ທີ່ຍັງມີຢູ່, ເສີມຂະຫຍາຍໝາກຜົນ ແຫ່ງການຕ້ານ ການກໍ່ການຮ້າຍ ທີ່ບໍ່ງ່າຍກ່ອນຈະໄດ້ມາ, ຮັກສາສະຖຽນລະພາບ ແລະ ຄວາມໝັ້ນຄົງແຫ່ງຊາດ. ຝ່າຍຕ່າງໆພາຍໃນອີຣັກ ເພີ່ມທະວີ ຄວາມສາມັກຄີ, ບັນລຸຄວາມປອງດອງກັນ, ສອດຄ່ອງກັບ ຜົນປະໂຫຍດພື້ນຖານຂອງປະຊາຊົນອີຣັກ. ສປ ຈີນ ສະໜັບສະໜູນ ອີຣັກ ເສີມຂະຫຍາຍສາຍພົວພັນ ຄູ່ຮ່ວມມື ຖານບ້ານໃກ້ເຮືອນຄຽງກັບ ປະເທດຕ່າງໆ ໃນພາກພື້ນ, ສືບຕໍ່ເສີມຂະຫຍາຍ ບົດບາດສຳຄັນ ເຂົ້າໃນການຊຸກຍູ້ ຄວາມສາມັກຄີ ຂອງພາກພື້ນ ກໍ່ຄືການຮັກສາ ຄວາມໝັ້ນຄົງ ຂອງພາກພື້ນ. ອະທິປະໄຕ, ເອກະລາດ ແລະ ຜືນແຜ່ນດິນ ອັນຄົບຖ້ວນ ຂອງອີຣັກ ຄວນໄດ້ຮັບຄວາມເຄົາລົບ ແລະ ການປົກປັກຮັກສາ./.
(ບັນນາທິການຂ່າວ: ຕ່າງປະເທດ), ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
