ຂປລ
ກຸ່ມບໍລິສັດທາງລົດໄຟຈີນ ຈຳກັດ ສາຂາຄຸນໝິງ ໄດ້ເປີດເຜີຍ ຕົວເລກຂໍ້ມູນວ່າ: ນັບມາຮອດ ກາງເດືອນຕຸລານີ້, ລົດໄຟໂດຍສານສາກົນ ຂອງທາງລົດໄຟຈີນ-ລາວ ລາວ-ຈີນ ໄດ້ຂົນສົ່ງຜູ້ໂດຍສານສາກົນ ຂ້າມຊາຍແດນນັບລວມແລ້ວ ຫລາຍກວ່າ 600.000 ເທື່ອຄົນ
ຂປລ.ວິທະຍຸ-ໂທລະພາບ ສູນກາງຈີນ, ກຸ່ມບໍລິສັດທາງລົດໄຟຈີນ ຈຳກັດ ສາຂາຄຸນໝິງ ໄດ້ເປີດເຜີຍ ຕົວເລກຂໍ້ມູນວ່າ: ນັບມາຮອດ ກາງເດືອນຕຸລານີ້, ລົດໄຟໂດຍສານສາກົນ ຂອງທາງລົດໄຟຈີນ-ລາວ ລາວ-ຈີນ ໄດ້ຂົນສົ່ງຜູ້ໂດຍສານສາກົນ ຂ້າມຊາຍແດນນັບລວມແລ້ວ ຫລາຍກວ່າ 600.000 ເທື່ອຄົນ,ກວມເຖິງ 115 ປະເທດ ແລະ ເຂດແຄວ້ນໃນໂລກ. ນັກທ່ອງທ່ຽວ ທີ່ນັບມື້ນັບເພີ່ມຫລາຍຂຶ້ນ ໄດ້ເຮັດໃຫ້ແຫລ່ງທ່ອງທ່ຽວ,ໂຮງແຮມ,ຂະແໜງການກິນດື່ມ ແລະ ອື່ນໆຢູ່ລຽບທາງລົດໄຟຈີນ-ລາວ ນັບມື້ນັບຟົດຟື້ນຂຶ້ນ, ເຊິ່ງໄດ້ເຮັດໃຫ້ການຈໍລະຈອນ ດ້ານຜູ້ໂດຍສານສິນຄ້າ ແລະ ຂໍ້ມູນຂ່າວສານໄວຂຶ້ນຕື່ມ ແລະ ໄດ້ເພີ່ມຄວາມມີຊີວິດຊີວາ ທີ່ເຂັ້ມແຂງ ໃຫ້ການພັດທະນາ ເສດຖະກິດ ຂອງພາກພື້ນຢ່າງໜັກແໜ້ນ./.
(ບັນນາທິການຂ່າວ: ຕ່າງປະເທດ), ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
