ຂປລ
ທ່ານ ຫລີ ສຽງ, ນາຍົກລັດຖະມົນຕີຈີນ ໄດ້ສົ່ງສານໄປເຖິງ ທ່ານ ເຊຟີ ກາຣິບ ເພື່ອສະແດງ ຄວາມຊົມເຊີຍຕໍ່ ທ່ານ ທີ່ໄດ້ຂຶ້ນດຳລົງ ຕຳແໜ່ງ ເປັນນາຍົກລັດຖະມົນຕີ ອານເຊຣີ ຄົນໃໝ່.
ຂປລ.ວິທະຍຸ-ໂທລະພາບ ສູນກາງຈີນ, ເມື່ອບໍ່ດົນມານີ້, ທ່ານ ຫລີ ສຽງ, ນາຍົກລັດຖະມົນຕີຈີນ ໄດ້ສົ່ງສານໄປເຖິງ ທ່ານ ເຊຟີ ກາຣິບ ເພື່ອສະແດງ ຄວາມຊົມເຊີຍຕໍ່ ທ່ານ ທີ່ໄດ້ຂຶ້ນດຳລົງ ຕຳແໜ່ງເປັນ ນາຍົກລັດຖະມົນຕີ ອານເຊຣີ ຄົນໃໝ່. ເນື້ອໃນສານຂອງ ທ່ານ ຫລີ ສຽງ ລະບຸວ່າ: ນັບແຕ່ ສປ ຈີນ ແລະ ອານເຊຣີ ໄດ້ສ້າງສາຍພົວພັນ ທາງການທູດ ເປັນເວລາ 67 ປີມານີ້, ການພົວພັນ ລະຫວ່າງ ສອງຝ່າຍ ໄດ້ຮັບການພັດທະນາ ຢ່າງປອດໃສ ແລະ ໝັ້ນທ່ຽງ, ສອງປະເທດ ໄດ້ຮ່ວມແຮງ ຮ່ວມໃຈ ຊ່ວຍເຫລືອ ແລະ ສະໜັບສະໜູນ ເຊິ່ງກັນ ແລະກັນ ຢ່າງສະເໝີຕົ້ນ ສະເໝີປາຍ. ລັດຖະບານຈີນ ເອົາໃຈໃສ່ ໃນລະດັບສູງຕໍ່ ການຂະຫຍາຍ ການພົວພັນ ລະຫວ່າງ ສປ ຈີນ-ອານເຊຣີ. ຂ້າພະເຈົ້າ ຍິນດີຮ່ວມກັບ ທ່ານ ນາຍົກລັດຖະມົນຕີ ທຳຄວາມພະຍາຍາມ ຮ່ວມກັນ,ຈັດຕັ້ງປະຕິບັດ ຄວາມຮັບຮູ້ ທີ່ເປັນ ເອກະພາບກັນ ອັນສຳຄັນ ລະຫວ່າງ ປະມຸກລັດ ສອງປະເທດໃຫ້ດີ, ປັບປຸງ ຄວາມໄວ້ເນື້ອ ເຊື່ອໃຈກັນ ທາງດ້ານການເມືອງ ລະຫວ່າງ ສອງປະເທດ ໃຫ້ດີຂຶ້ນ, ລົງເລິກ ການຮ່ວມມື ທີ່ແທ້ຈິງ, ຊຸກຍູ້ການພົວພັນ ຄູ່ຮ່ວມ ຍຸດທະສາດ ຮອບດ້ານ ລະຫວ່າງ ສປ ຈີນ-ອານເຊຣີ ໃຫ້ໄດ້ຮັບ ການພັດທະນາ ຢ່າງໃຫຍ່ຫລວງ ກວ່າເກົ່າ./.
(ບັນນາທິການຂ່າວ: ຕ່າງປະເທດ) ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
